Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightWayanadchevron_rightPozhuthanachevron_rightദുരിതപൂർണം... ഈ പാടി...

ദുരിതപൂർണം... ഈ പാടി ജീവിതം

text_fields
bookmark_border
ദുരിതപൂർണം... ഈ പാടി ജീവിതം
cancel
camera_alt

ശോ​ച്യാ​വ​സ്ഥ​യി​ലു​ള്ള എ​സ്​​റ്റേ​റ്റ് പാ​ടി​ക​ളി​ലൊ​ന്ന്

പൊ​ഴു​ത​ന: കാ​ല​ഹ​ര​ണ​പ്പെ​ട്ട എ​സ്​​റ്റേ​റ്റ് ല​യ​ങ്ങ​ളി​ലെ തോ​ട്ടം തൊ​ഴി​ലാ​ളി​ക​ളു​ടെ ദു​രി​ത​ജീ​വി​തം ഒ​രു മാ​റ്റ​വു​മി​ല്ലാ​തെ തു​ട​രു​ന്നു. പാ​ടി​ക​ളെ​ല്ലാം പ​രി​താ​പ​ക​ര​മാ​യ അ​വ​സ്ഥ​യി​ലാ​ണ്. ഏ​തു നി​മി​ഷ​വും ത​ക​ർ​ന്നു വീ​ഴാ​വു​ന്ന പാ​ടി​ക​ളി​ൽ ഭീ​തി​യോ​ടെ​യാ​ണ് കു​ടും​ബ​ങ്ങ​ൾ ക​ഴി​യു​ന്ന​ത്. പൊ​ഴു​ത​ന പ​ഞ്ചാ​യ​ത്തി​ലെ ക​ല്ലൂ​ർ, അ​ച്ചൂ​ർ, പാ​റ​ക്കു​ന്ന്, വൈ​ത്തി​രി പ​ഞ്ചാ​യ​ത്തി​ലെ ചു​ണ്ടേ​ൽ, ചേ​ലോ​ട്, ആ​ന​പ്പാ​റ, മേ​പ്പാ​ടി പ​ഞ്ചാ​യ​ത്തി​ലെ നെ​ല്ലി​മു​ണ്ട, ക​ടൂ​ർ തു​ട​ങ്ങി​യ ഡി​വി​ഷ​നു​ക​ളി​ലെ ല​യ​ങ്ങ​ളാ​ണ് കാ​ല​പ്പ​ഴ​ക്ക​ത്താ​ൽ ശോ​ച്യാ​വ​സ്ഥ​യി​ലു​ള്ള​ത്.

മ​ഴ ചാ​റി​യാ​ൽ ചോ​ർ​ന്നൊ​ലി​ക്കും. വ​ർ​ഷാ​വ​ർ​ഷം അ​റ്റ​കു​റ്റ പ​ണി​ക​ൾ ന​ട​ത്താ​ത്ത​താ​ണ് ല​യ​ങ്ങ​ൾ ന​ശി​ക്കു​ന്ന​തി​ന് കാ​ര​ണ​മെ​ന്ന് താ​മ​സ​ക്കാ​ർ പ​റ​യു​ന്നു. ഷീ​റ്റും ഓ​ടും മേ​ഞ്ഞ ല​യ​ങ്ങ​ളു​ടെ മേ​ൽ​ക്കൂ​ര കാ​റ്റി​ൽ ഇ​ള​കി​പോ​കു​ന്ന​തും പ​തി​വാ​ണ്. ആ​ൾ​പാ​ർ​പ്പി​ല്ലാ​ത്ത ല​യ​ങ്ങ​ൾ കാ​ടു ക​യ​റി ഇ​ഴ​ജ​ന്തു​ക​ളു​ടെ ഭീ​ഷ​ണി​യും നേ​രി​ടു​ന്നു​ണ്ട്. കു​ടി​വെ​ള്ള പ​ദ്ധ​തി​ക​ൾ നി​ർ​ജീ​വ​മാ​യ​തും മാ​ലി​ന്യ സം​സ്ക​ര​ണ​ത്തി​ന് സം​വി​ധാ​ന​ങ്ങ​ളി​ല്ലാ​ത്ത​തും വൃ​ത്തി​ഹീ​ന​മാ​യ പ​രി​സ​ര​വും ഇ​വ​രു​ടെ ജീ​വി​തം കൂ​ടു​ത​ൽ ദു​സ്സ​ഹ​മാ​ക്കി.

1910 കാ​ല​യ​ള​വി​ൽ ഹാ​രി​സ​ൺ മ​ല​യാ​ളം പ്ലാേ​ൻ​റ​ഷ​ൻ നേ​തൃ​ത്വ​ത്തി​ൽ തേ​യി​ല എ​സ്​​റ്റേ​റ്റ് ആ​രം​ഭി​ച്ചെ​ങ്കി​ലും 1930നു ​ശേ​ഷ​മാ​ണ് തൊ​ഴി​ലാ​ളി​ക​ൾ​ക്ക് കൂ​ട്ട​മാ​യി താ​മ​സി​ക്കാ​ൻ ല​യ​ങ്ങ​ൾ നി​ർ​മി​ക്കു​ന്ന​ത്. തു​ട​ക്ക​ത്തി​ൽ ല​യ​ങ്ങ​ളു​ടെ പു​ന​രു​ദ്ധാ​ര​ണ ജോ​ലി​ക​ൾ കൃ​ത്യ​മാ​യി ന​ട​ന്നെ​ങ്കി​ലും പി​ന്നീ​ട് സാ​മ്പ​ത്തി​ക ബാ​ധ്യ​ത ചൂ​ണ്ടി​ക്കാ​ട്ടി മാ​നേ​ജ്മെൻറ് പി​ന്മാ​റി.

ല​യ​ങ്ങ​ളു​ടെ പാ​ർ​ശ്വ​ഭി​ത്തി​ക​ളെ​ല്ലാം പൊ​ട്ടി​പ്പൊ​ളി​ഞ്ഞ നി​ല​യി​ലാ​ണ്. ട്രേ​ഡ് യൂ​നി​യ​ൻ നേ​താ​ക്ക​ൾ മാ​നേ​ജ്മെൻറു​മാ​യി ബ​ന്ധ​പ്പെ​ടു​മ്പോ​ൾ മാ​ത്രം ചെ​റി​യ രീ​തി​യി​ലു​ള്ള അ​റ്റ​കു​റ്റ​പ്പ​ണി​ക​ൾ ല​യ​ങ്ങ​ളി​ൽ ന​ട​ത്താ​റു​ണ്ടെ​ങ്കി​ലും മാ​സ​ങ്ങ​ൾ​ക്കു​ശേ​ഷം വീ​ണ്ടും പ​ഴ​യ​തു​പോ​ലെ​യാ​കും. വൈ​ത്തി​രി താ​ലൂ​ക്കി​ൽ മാ​ത്രം എ​സ്​​റ്റേ​റ്റ് മേ​ഖ​ല​ക​ളി​ൽ ര​ണ്ടാ​യി​ര​ത്തോ​ളം തോ​ട്ടം തൊ​ഴി​ലാ​ളി​ക​ളാ​ണ് വി​വി​ധ പ്ര​ദേ​ശ​ങ്ങ​ളി​ലെ ല​യ​ങ്ങ​ളി​ൽ വ​ർ​ഷ​ങ്ങ​ളാ​യി താ​മ​സി​ച്ചു​വ​രു​ന്ന​ത്. ഇ​തി​ൽ ഏ​റെ​യും ഭൂ​ര​ഹി​ത കു​ടും​ബ​ങ്ങ​ളാ​ണ്. ല​യ​ങ്ങ​ളു​ടെ ശോ​ച്യാ​വ​സ്ഥ കാ​ര​ണം പ​ല കു​ടും​ബ​ങ്ങ​ളും എ​സ്​​റ്റേ​റ്റി​നു പു​റ​ത്ത് വാ​ട​ക​ക്ക് താ​മ​സി​ക്കു​ന്നു​ണ്ട്.

Show Full Article
TAGS:
Next Story