ലഹരിക്കെതിരെ ബോ​ധ​വ​ത്ക​ര​ണവുമായി പൊലീസ്

ക​ൽ​പ​റ്റ: കേ​ര​ള ​പൊ​ലീ​സി​ന്റെ ​'യോ​ദ്ധാ​വ്' പ​ദ്ധ​തി​യു​ടെ ഭാ​ഗ​മാ​യി ക​മ്പ​ള​ക്കാ​ട്, പ​ന​മ​രം പൊ​ലീ​സ് സ്റ്റേ​ഷ​ൻ പ​രി​ധി​ക​ളി​ലെ കോ​ള​നി​ക​ളി​ൽ ല​ഹ​രി​ക്കെ​തി​രെ ബോ​ധ​വ​ത്ക​ര​ണം ന​ട​ത്തി. ക​ല്ല​ഞ്ചി​റ കോ​ള​നി​യി​ൽ ക​മ്പ​ള​ക്കാ​ട് പൊ​ലീ​സ് ഇ​ൻ​സ്പെ​ക്ട​ർ ​എം.​എ. സ​ന്തോ​ഷ് ല​ഹ​രി​വി​രു​ദ്ധ ബോ​ധ​വ​ത്ക​ര​ണ​വും കോ​ള​നി​യി​ലെ മു​തി​ർ​ന്ന അം​ഗ​ങ്ങ​ളാ​യ മാ​ക്ക, ക​റ​പ്പി എ​ന്നി​വ​ർ​ക്കു​ള്ള ഓ​ണ​ക്കോ​ടി വി​ത​ര​ണ​വും ന​ട​ത്തി. ജ​ന​മൈ​ത്രി ബീ​റ്റ് ഓ​ഫി​സ​ർ എ.​എ​സ്.​ഐ എ​ൻ.​കെ. ദാ​മോ​ദ​ര​ൻ, എ​സ്.​സി.​പി ഒ. ക​മ​റു​ദ്ദീ​ൻ, സി.​പി.​ഒ വി​നു വി. ​മാ​ത്യു എ​ന്നി​വ​ർ സം​സാ​രി​ച്ചു. രാ​ജേ​ന്ദ്ര​ൻ മേ​പ്പാ​ടി​യു​ടെ ക​രോ​ക്കെ ഗാ​ന​മേ​ള​യും കോ​ള​നി നി​വാ​സി​ക​ളു​ടെ ക​ലാ​പ​രി​പാ​ടി​ക​ളും അ​ര​ങ്ങേ​റി.

പ​ന​മ​ര​ം: ക​ണി​യാ​മ്പ​റ്റ പ​ഞ്ചാ​യ​ത്ത് ര​ണ്ടാം വാ​ർ​ഡി​ൽ ന​ട​വ​യ​ൽ പാ​ടി​ക്കു​ന്ന് കോ​ള​നി​യി​ൽ ല​ഹ​രി വി​മു​ക്ത ബോ​ധ​വ​ത്ക​ര​ണ ക്ലാ​സ് സം​ഘ​ടി​പ്പി​ച്ചു. ക്ലാ​സി​ൽ 35 പേ​ർ പ​ങ്കെ​ടു​ത്തു. പ​ന​മ​രം പൊ​ലീ​സ് ഇ​ൻ​സ്‍പെ​ക്ട​ർ എ​ലി​സ​ബ​ത്ത് മു​ഖ്യ​പ്ര​ഭാ​ഷ​ണം ന​ട​ത്തി. സി.​പി.​ഒ​മാ​രാ​യ നി​ഖി​ൽ ദേ​വ​സ്യ, ജ​യേ​ഷ്, വാ​ർ​ഡ് മെം​ബ​ർ സ​ന്ധ്യ എ​ന്നി​വ​ർ സം​സാ​രി​ച്ചു.

ത​രു​വ​ണ: ല​ഹ​രി​വി​രു​ദ്ധ കാ​മ്പ​യി​ന്റെ ഭാ​ഗ​മാ​യി വെ​ള്ള​മു​ണ്ട ജ​ന​മൈ​ത്രി പൊ​ലീ​സി​ന്റെ നേ​തൃ​ത്വ​ത്തി​ൽ ത​രു​വ​ണ​യി​ൽ നി​ന്ന് വെ​ള്ള​മു​ണ്ട ടൗ​ണി​ലേ​ക്ക് ബൈ​ക്ക് റാ​ലി ന​ട​ത്തി. വെ​ള്ള​മു​ണ്ട പ​ഞ്ചാ​യ​ത്ത് വൈ​സ് പ്ര​സി​ഡ​ന്റി​ന്റെ അ​ധ്യ​ക്ഷ​ത​യി​ൽ വെ​ള്ള​മു​ണ്ട ടൗ​ണി​ൽ ന​ട​ന്ന പൊ​തു​യോ​ഗം മാ​ന​ന്ത​വാ​ടി ഡി​വൈ.​എ​സ്.​പി എ.​പി. ച​ന്ദ്ര​ൻ ഉ​ദ്ഘാ​ട​നം ചെ​യ്തു. വെ​ള്ള​മു​ണ്ട എ​സ്.​എ​ച്ച്.​ഒ, വി​വി​ധ സാം​സ്കാ​രി​ക സം​ഘ​ട​ന നേ​താ​ക്ക​ൾ എ​ന്നി​വ​ർ സം​സാ​രി​ച്ചു. വ​രും ദി​വ​സ​ങ്ങ​ളി​ലും വി​വി​ധ ബോ​ധ​വ​ത്ക​ര​ണ പ​രി​പാ​ടി​ക​ൾ തു​ട​രു​മെ​ന്ന് ജി​ല്ല പൊ​ലീ​സ് മേ​ധാ​വി ആ​ർ. ആ​ന​ന്ദ് അ​റി​യി​ച്ചു.