ഒളിമ്പിക്​ ഗെയിംസ്​ ഫുട്​ബാൾ നിർത്തിവെപ്പിച്ച്​ പൊലീസ്​; സംഘാടകർക്ക്​ പിഴയിട്ടു

അ​മ്പ​ല​വ​യ​ൽ: ആ​യി​ര​ക്ക​ണ​ക്കി​ന്​ വി​നോ​ദ സ​ഞ്ചാ​രി​ക​ൾ ദി​നേ​ന ഒ​ഴു​കി​യെ​ത്തു​ക​യും ടൂ​റി​സ്റ്റ്​ കേ​ന്ദ്ര​ങ്ങ​ളി​ൽ ഒ​രു​മി​ച്ചു​കൂ​ടു​ക​യും ചെ​യ്യു​ന്ന വ​യ​നാ​ട്ടി​ൽ ജി​ല്ല ഒ​ളി​മ്പി​ക്​ ഗെ​യിം​സ്​ ഫു​ട്​​ബാ​ൾ ന​ട​ത്തു​ന്ന​ത്​ ത​ട​ഞ്ഞ്​ പൊ​ലീ​സ്. കോ​വി​ഡ്​ പ്രോ​​ട്ടോ​ക്കോ​ൾ ലം​ഘി​ച്ചെ​ന്ന പേ​രി​ൽ സം​ഘാ​ട​ക​ർ​ക്കെ​തി​രെ കേ​സെ​ടു​ക്കു​ക​യും പി​ഴ ചു​മ​ത്തു​ക​യും ചെ​യ്തു. വ്യാ​ഴാ​ഴ്ച അ​മ്പ​ല​വ​യ​ൽ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ ഗ്രൗ​ണ്ടി​ൽ തു​ട​ക്ക​മാ​യ ഫു​ട്​​ബാ​ൾ ചാ​മ്പ്യ​ൻ​ഷി​പ്പാ​ണ്​ അ​മ്പ​ല​വ​യ​ൽ ​പൊ​ലീ​സ്​ എ​ത്തി ത​ട​ഞ്ഞ​ത്. വെ​ള്ളി​യാ​ഴ്ച മു​ത​ൽ ക​ളി ന​ട​ത്താ​ൻ പാ​ടി​ല്ലെ​ന്ന ക​ർ​ശ​ന നി​ർ​ദേ​ശം ന​ൽ​കി​യാ​ണ്​ പൊ​ലീ​സ്​ മ​ട​ങ്ങി​യ​ത്.

മൈ​ക്കും പ​ന്ത​ലു​മൊ​ക്കെ ഒ​രു​ക്കി​യ​ശേ​ഷ​മാ​ണ്​ ടൂ​ർ​ണ​മെ​ന്‍റ്​ ഒ​രു​ദി​വ​സം കൊ​ണ്ട്​ നി​ർ​​ത്തേ​ണ്ടി വ​ന്ന​ത്. ആം​ബു​ല​ൻ​സ്​ അ​ട​ക്ക​മു​ള്ള സം​വി​ധാ​ന​ങ്ങ​ൾ സ​ജ്ജീ​ക​രി​ച്ചി​രു​ന്നു. ക​ളി നി​ർ​ത്തി​വെ​പ്പി​ച്ച ​പൊ​ലീ​സ്​ സം​ഘാ​ട​ക​ർ​ക്ക്​ 2000 രൂ​പ പി​ഴ​യി​ടു​ക​യും ചെ​യ്തു. കോ​വി​ഡ്​ മാ​ന​ദ​ണ്ഡ​മ​നു​സ​രി​ച്ചാ​ണ്​ ക​ളി നി​ർ​ത്തി​വെ​പ്പി​ച്ച​തെ​ന്നാ​ണ്​ ഇ​തു​സം​ബ​ന്ധി​ച്ച്​ അ​മ്പ​ല​വ​യ​ൽ പൊ​ലീ​സി​‍െൻറ പ്ര​തി​ക​ര​ണം.

അ​ഞ്ചേ​ക്ക​ർ വ​രു​ന്ന വി​ശാ​ല​മാ​യ ഗ്രൗ​ണ്ടി​ൽ ഒ​റ്റ​പ്പെ​ട്ട കാ​ണി​ക​​ളെ സാ​ക്ഷി​നി​ർ​ത്തി​യാ​ണ്​ മ​ത്സ​ര​ങ്ങ​ൾ അ​ര​ങ്ങേ​റി​യ​തെ​ന്ന്​ സം​ഘാ​ട​ക​ർ പ​റ​യു​ന്നു. ടൂ​റി​സ്റ്റ്​ കേ​ന്ദ്ര​ങ്ങ​ളി​ലും ബി​വ​റേ​ജ്​ കോ​ർ​പ​റേ​ഷ​ൻ ഔ​ട്ട്​​​ലെ​റ്റു​ക​ൾ​ക്ക്​ മു​ന്നി​ലെ ക്യൂ​വി​ലും ഉ​ള്ള​തു​പോ​ലു​ള്ള ആ​ൾ​ക്കൂ​ട്ട​മൊ​ന്നും ഉ​ണ്ടാ​യി​രു​ന്നി​ല്ല.

മേ​ൽ​പ​റ​ഞ്ഞ ഇ​ട​ങ്ങ​ളി​ലൊ​ന്നും നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്താ​ൻ ത​യാ​റാ​വാ​തെ പ​ന്തു​ക​ളി ത​ട​യാ​ൻ കാ​ണി​ക്കു​ന്ന 'ശു​ഷ്കാ​ന്തി'​യി​ൽ സം​ശ​യ​മു​ണ്ടെ​ന്ന്​ അ​മ്പ​ല​വ​യ​ലി​ലെ കാ​യി​ക ​പ്രേ​മി​ക​ൾ ചൂ​ണ്ടി​ക്കാ​ട്ടു​ന്നു.

200 പേ​ര​ട​ങ്ങു​ന്ന സം​ഘം അ​മ്പ​ല​വ​യ​ൽ പ്ര​ദേ​ശ​ത്ത്​ സി​നി​മ ഷൂ​ട്ടി​ങ്ങി​ൽ സ​ജീ​വ​മാ​ണെ​ന്നും അ​തൊ​ന്നും ത​ട​യാ​തെ ക​ളി മാ​ത്രം ത​ട​ഞ്ഞ​ത്​ എ​ന്ത​ടി​സ്ഥാ​ന​ത്തി​ലാ​ണെ​ന്നു​മാ​ണ്​ ക​ളി​ക്ക​മ്പ​ക്കാ​രു​ടെ ​ചോ​ദ്യം.

കോ​ഴി​ക്കോ​ട്ട്​​ കേ​ര​ള പ്രീ​മി​യ​ർ ലീ​ഗ്​ ഫു​​ട്​​ബാ​ൾ അ​ട​ക്കം സം​സ്ഥാ​ന​ത്തു​ട​നീ​ളം കോ​വി​ഡ്​ മാ​ന​ദ​ണ്ഡ​ങ്ങ​ൾ പാ​ലി​ച്ച്​ കാ​യി​ക മ​ത്സ​ര​ങ്ങ​ൾ അ​ര​ങ്ങേ​റു​ന്നു​ണ്ടെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു.

അ​മ്പ​ല​വ​യ​ൽ ഗ്രൗ​ണ്ടി​ന്​ വി​ളി​പ്പാ​ട​ക​ലെ ടൂ​റി​സ്റ്റ്​ ​​കേ​ന്ദ്ര​മാ​യ എ​ട​ക്ക​ൽ ഗു​ഹ​യി​ൽ വെ​ള്ളി​യാ​ഴ്ച​യും 2000​ത്തോ​ളം പേ​രെ പ്ര​വേ​ശി​പ്പി​ച്ച​പ്പോ​ഴാ​ണ്​ തു​റ​സ്സാ​യ ഗ്രൗ​ണ്ടി​ൽ 22 ക​ളി​ക്കാ​ർ മാ​ത്രം മ​ത്സ​ര​ത്തി​നി​റ​ങ്ങു​ന്ന ജി​ല്ല​ത​ല ഗെ​യിം​സ്​ നി​ർ​ത്തി​വെ​പ്പി​ച്ച​ത്.

സ​ർ​ക്കാ​ർ നി​യ​ന്ത്ര​ണ​ത്തി​ലു​ള്ള ജി​ല്ല ഒ​ളി​മ്പി​ക്​ അ​സോ​സി​യേ​ഷ​നാ​ണ്​ ടൂ​ർ​ണ​​​മെ​ന്‍റി​‍െൻറ ന​ട​ത്തി​പ്പി​ന്​ ചു​ക്കാ​ൻ പി​ടി​ക്കു​ന്ന​ത്. പ്രാ​ദേ​ശി​ക ക്ല​ബു​ക​ളു​മാ​യി സ​ഹ​ക​രി​ച്ചാ​ണ്​ മ​ത്സ​ര​ങ്ങ​ൾ. ഗ്രാ​മ പ​ഞ്ചാ​യ​ത്ത്​ പ്ര​സി​ഡ​ന്‍റാ​ണ്​ സം​ഘാ​ട​ക സ​മി​തി ചെ​യ​ർ​മാ​ൻ. ഗെ​യിം​സി​‍െൻറ ഭാ​ഗ​മാ​യി പ​ല കാ​യി​ക ഇ​ന​ങ്ങ​ളി​ലും മ​ത്സ​ര​ങ്ങ​ൾ അ​ര​ങ്ങേ​റി​യെ​ങ്കി​ലും കോ​വി​ഡ്​ ​പ്രോ​ട്ടോ​ക്കോ​ൾ ലം​ഘി​ക്കു​ന്ന​തു​മാ​യി ബ​ന്ധ​​പ്പെ​ട്ട്​ എ​വി​ടെ​യും പ​രാ​തി ഉ​യ​ർ​ന്നി​രു​ന്നി​ല്ല. അ​മ്പ​ല​വ​യ​ലി​ൽ മ​ത്സ​ര​ങ്ങ​ൾ പൊ​ലീ​സ്​ നി​ർ​ത്തി​വെ​പ്പി​ക്കു​ന്ന അ​തേ​സ​മ​യ​ത്ത്​ ക​ൽ​പ​റ്റ മു​ണ്ടേ​രി സ്കൂ​ൾ ഗ്രൗ​ണ്ടി​ൽ ജി​ല്ല ഒ​ളി​മ്പി​ക്​ ഗെ​യിം​സ്​ നെ​റ്റ്​​ബാ​ൾ ജേ​താ​ക്ക​ൾ​ക്ക്​ ട്രോ​ഫി​ക​ൾ വി​ത​ര​ണം ചെ​യ്​​ത​ത്​ പൊ​ലീ​സ്​ ഇ​ൻ​സ്​​പെ​ക്ട​റാ​യി​രു​ന്നു. ര​ണ്ടി​ട​ത്ത്​ ര​ണ്ടു മാ​ന​ദ​ണ്ഡ​മാ​ണോ എ​ന്നാ​ണ്​ ഒ​ളി​മ്പി​ക്​ അ​​സോ​സി​യേ​ഷ​ൻ ഭാ​ര​വാ​ഹി​ക​ളു​ടെ ചോ​ദ്യം.