മുഖ്യമന്ത്രി അറിയാൻ; പരിഗണിക്കണം, വയനാടിന്റെ അടിസ്ഥാന ആവശ്യങ്ങൾ

ക​ൽ​പ​റ്റ: ര​ണ്ടാം എ​ൽ.​ഡി.​എ​ഫ് സ​ർ​ക്കാ​ർ അ​ധി​കാ​ര​മേ​റ്റ ശേ​ഷം ആ​ദ്യ​മാ​യി ഞാ​യ​റാ​ഴ്ച ജി​ല്ല​യി​ലെ​ത്തു​ന്ന മു​ഖ്യ​മ​ന്ത്രി പി​ണ​റാ​യി വി​ജ​യ​ന് മു​ന്നിൽ നി​ര​ത്താ​ൻ വ​യ​നാ​ട്ടു​കാ​ർ​ക്ക് നി​ര​വ​ധി ആ​വ​ശ്യ​ങ്ങ​ളു​​ണ്ട്.

ജി​ല്ല​യി​ലെ ആ​രോ​ഗ്യ​മേ​ഖ​ല​യി​ലെ അ​പ​ര്യാ​പ്ത​ത​ക​ൾ, വ​ന്യ​മൃ​ഗ​ശ​ല്യം, തോ​ട്ടം മേ​ഖ​ല​യി​ലെ പ്ര​ശ്ന​ങ്ങ​ൾ, വ​യ​നാ​ട് ചു​രം വി​ക​സ​നം, ചു​രം ബ​ദ​ൽപാ​ത​ക​ൾ, രാ​ത്രി​യാ​ത്ര നി​രോ​ധ​നം, റെ​യി​ൽ പാ​ത​ക​ൾ, പ​രി​സ്ഥി​തി ലോ​ല മേ​ഖ​ല​യു​മാ​യി ബ​ന്ധ​പ്പെ​ട്ട ആ​ശ​ങ്ക​ക​ൾ​ക്ക് പ​രി​ഹാ​രം, മി​ക​ച്ച ചി​കി​ത്സ സൗ​ക​ര്യം ഉ​റ​പ്പാ​ക്കു​ന്ന സ​ർ​ക്കാ​ർ മെ​ഡി​ക്ക​ൽ കോ​ള​ജ്, ഉ​ന്ന​ത വി​ദ്യാ​ഭ്യാ​സം, ആ​ദി​വാ​സി​ക​ളു​ടെ സ​മ​ഗ്ര വി​ക​സ​നം തുടങ്ങി കാ​ല​ങ്ങ​ളാ​യി ജി​ല്ല നേ​രി​ടു​ന്ന നി​ര​വ​ധി അ​ടി​സ്ഥാ​ന പ്ര​ശ്ന​ങ്ങ​ളി​ൽ ഒ​രു മാ​റ്റ​വു​മു​ണ്ടാ​യി​ട്ടി​ല്ല.

ഏ​തൊ​രു പ്ര​ശ്ന​മു​ണ്ടാ​യാ​ലും അ​ത് രാ​ഷ്ട്രീ​യ​വ​ത്ക​രി​ച്ച് അ​തി​നെ ല​ഘൂ​ക​രീ​ക്കു​ന്ന​തി​ന​പ്പു​റം ജി​ല്ല​യി​ലെ ജ​ന​ങ്ങ​ൾ​ക്ക് അ​നു​കൂ​ല​മാ​കു​ന്ന രീ​തി​യി​ൽ സ​ർ​ക്കാ​ർ​ത​ല​ത്തി​ൽ വേ​ണ്ട​ത്ര പ​രി​ഗ​ണ​ന വ​യ​നാ​ടി​നും ഇ​വി​ടു​ത്തെ സാ​ധാ​ര​ണ​ക്കാ​രാ​യ ജ​ന​വി​ഭാ​ഗ​ത്തി​നും ന​ൽ​ക​ണ​മെ​ന്ന​താ​ണ് മു​ഖ്യ​മ​ന്ത്രി​യോ​ട് ജ​ന​ങ്ങ​ൾ​ക്ക് പ​റ​യാ​നു​ള്ള​ത്.

ശ്വാ​സം​മു​ട്ടു​ന്ന ചു​രം; ബ​ദ​ൽ പാ​ത​ക​ൾ യാ​ഥാ​ർ​ഥ്യ​മാ​കു​മോ?

വ​യ​നാ​ട് ചു​രം ഗ​താ​ഗ​ത​ക്കു​രു​ക്കി​നാ​ൽ ശ്വാ​സം​മു​ട്ടു​ന്ന കാ​ഴ്ച​ക​ൾ​ക്ക് ഇ​ന്നും ഒ​രു മാ​റ്റ​വും ഉ​ണ്ടാ​യി​ട്ടി​ല്ല. ചു​ര​ത്തി​ൽ ഏ​പ്രി​ൽ അ​ഞ്ചു മു​ത​ൽ വ​ലി​യ ച​ര​ക്ക് ലോ​റി​ക​ൾ​ക്കു​ൾ​പ്പെ​ടെ നി​യ​ന്ത്ര​ണ​മേ​ർ​പ്പെ​ടു​ത്തി കോ​ഴി​ക്കോ​ട് ജി​ല്ല ഭ​ര​ണ​കൂ​ടം ഇ​പ്പോ​ൾ ന​ട​പ​ടി സ്വീ​ക​രി​ച്ച​ത് ആ​ശ്വാ​സ​ക​ര​മാ​ണെ​ങ്കി​ലും ദീ​ർ​ഘ​കാ​ലാ​ടി​സ്ഥാ​ന​ത്തി​ൽ വ​യ​നാ​ട് ചു​ര​ത്തി​ലെ കു​രു​ക്കി​ന് പ​രി​ഹാ​രം കാ​ണേ​ണ്ട​തു​ണ്ട്. ജി​ല്ല ആ​ശു​പ​ത്രി​യെ മെ​ഡി​ക്ക​ല്‍ കോ​ള​ജാ​യി ഉ​യ​ര്‍ത്തി പ്ര​ഖ്യാ​പ​നം ന​ട​ത്തി​യെ​ങ്കി​ലും അ​ടി​യ​ന്ത​ര​ഘ​ട്ട​ങ്ങ​ളി​ല്‍ പോ​ലും വി​ദ​ഗ്ധ ചി​കി​ത്സ​ക്കാ​യി ചു​ര​മി​റ​ങ്ങു​ന്ന ആം​ബു​ല​ന്‍സു​ക​ളു​ടെ എ​ണ്ണ​ത്തി​ല്‍ ഇ​പ്പോ​ഴും കു​റ​വൊ​ന്നു​മി​ല്ല.

ചു​ര​ത്തി​ലെ ഗാ​ത​ഗ​ത​ക്കു​രു​ക്കും താ​ണ്ടി​യു​ള്ള ഈ ​യാ​ത്ര​ക​ളി​ല്‍ പൊ​ലി​യു​ന്ന ജീ​വി​ത​ങ്ങ​ൾ ക​ണ്ടി​ല്ലെ​ന്ന് ന​ടി​ക്കു​ക​യാ​ണ് ഭ​ര​ണ​കൂ​ടം. നി​ര്‍ദി​ഷ്ട ചു​രം ബ​ദ​ല്‍പാ​ത​ക​ള്‍ പ​തി​റ്റാ​ണ്ടു​കാ​ളാ​യി ചു​വ​പ്പു​നാ​ട​യി​ല്‍ നി​ന്ന് മോ​ച​ന​മി​ല്ലാ​തെ ക​ട​ലാ​സി​ല്‍ തു​ട​രു​ക​യാ​ണ്.

ചു​ര​ത്തി​ലെ വീ​തി​കൂ​ട്ടാ​ൻ ബാ​ക്കി​യു​ള്ള വ​ള​വു​ക​ൾ വി​ക​സി​പ്പി​ക്കു​ന്ന​തി​ന് നേ​ര​ത്തെ ത​ന്നെ വ​ന​ഭൂ​മി ല​ഭി​ച്ചി​ട്ടു​ണ്ടും അ​തി​നു​ള്ള തു​ട​ർ ന​ട​പ​ടി​യു​ണ്ടാ​യി​ട്ടി​ല്ല.

അ​ടി​യ​ന്ത​ര​മാ​യി ചു​ര​ത്തി​ലെ വ​ള​വു​ക​ൾ വീ​തി​കൂ​ട്ടി​ക്കൊ​ണ്ട് താ​ൽ​ക്കാ​ലി​ക​മാ​യെ​ങ്കി​ലും ചു​ര​ത്തി​ലെ ഗ​താ​ഗ​ത​ക്കു​രു​ക്കി​ന് ഒ​രു പ​രി​ധി​വ​രെ പ​രി​ഹാ​രം കാ​ണാ​നാ​കും. അ​തോ​ടൊ​പ്പം പ​ടി​ഞ്ഞാ​റ​ത്ത​റ-​പൂ​ഴി​ത്തോ​ട് ബ​ദ​ൽ പാ​ത, അ​ടി​വാ​രം-​ചി​പ്പി​ലി​ത്തോ​ട്-​മ​രു​തി​ലാ​വ്-​ത​ളി​പ്പു​ഴ ബ​ദ​ൽ പാ​ത തു​ട​ങ്ങി​യ​വ​യു​ടെ കാ​ര്യ​ത്തി​ലും വ​യ​നാ​ട് ചു​രം തു​ര​ങ്ക​പാ​ത​യു​ടെ കാ​ര്യ​ത്തി​ലും തു​ട​ർ​ന​ട​പ​ടി​ക​ൾ സ്വീ​ക​രി​ക്കേ​ണ്ട​തു​ണ്ട്.

ജീ​വ​നു​ക​ളാ​ണ്, ര​ക്ഷി​ക്ക​ണം...

ഏ​റെ​ക്കാ​ല​ത്തെ കാ​ത്തി​രി​പ്പി​നൊ​ടു​വി​ൽ മാ​ന​ന്ത​വാ​ടി വ​യ​നാ​ട് ഗ​വ. മെ​ഡി​ക്ക​ൽ കോ​ള​ജി​ലെ കാ​ത്ത് ലാ​ബി​ന്‍റെ​യും പു​തി​യ മ​ൾ​ട്ടി പ​ർ​പ​സ് സ്പെ​ഷാ​ലി​റ്റി ബ്ലോ​ക്കി​ന്‍റെ​യും ഉ​ദ്ഘാ​ട​ന​ത്തി​നും വ​ന സൗ​ഹൃ​ദ സ​ദ​സ്സി​ന്‍റെ സം​സ്ഥാ​ന​ത​ല ഉ​ദ്ഘാ​ട​ന​ത്തി​നു​മാ​ണ് ഞാ​യ​റാ​ഴ്ച മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ജി​ല്ല​യി​ലെ​ത്തു​ന്ന​ത്. മാ​ന​ന്ത​വാ​ടി ജി​ല്ല ആ​ശു​പ​ത്രി​യാ​യി​രു​ന്ന​പ്പോ​ൾ നി​ർ​മാ​ണം തു​ട​ങ്ങി​യ മ​ൾ​ട്ടി പ​ർ​പ​സ് കെ​ട്ടി​ടം തു​റ​ന്നു​പ്ര​വ​ർ​ത്ത​നം ആ​രം​ഭി​ക്കു​ന്ന​തോ​ടെ ഇ​പ്പോ​ൾ മെ​ഡി​ക്ക​ൽ കോ​ള​ജാ​യി ഉ​യ​ർ​ത്തി​യ ആ​ശു​പ​ത്രി​യി​ൽ കൂ​ടു​ത​ൽ സൗ​ക​ര്യ​ങ്ങ​ൾ ല​ഭി​ക്കു​മെ​ന്ന​ത് ആ​ശ്വാ​സ​ക​ര​മാ​ണെ​ങ്കി​ലും മെ​ഡി​ക്ക​ൽ കോ​ള​ജി​ന്‍റെ പ്ര​വ​ർ​ത്ത​ന​വും അ​ടി​യ​ന്ത​ര ചി​കി​ത്സ ഉ​ൾ​പ്പെ​ടെ​യു​ള്ള കാ​ര്യ​ത്തി​ലും തു​ട​ർ​ന​ട​പ​ടി​ക​ൾ വേ​ഗ​ത്തി​ലാ​ക്കേ​ണ്ട​തു​ണ്ട്. മാ​ന​ന്ത​വാ​ടി​യി​ലാ​ണോ അ​തോ ജി​ല്ല അ​തി​ർ​ത്തി​യാ​യ ബോ​യ്സ് ടൗ​ണി​ലാ​ണോ മെ​ഡി​ക്ക​ൽ കോ​ള​ജ് വ​രുക​യെ​ന്ന​തി​ന് ഇ​പ്പോ​ഴും വ്യ​ക്ത​ത​യി​ല്ല. ജി​ല്ല അ​തി​ർ​ത്തി​യി​ൽ മെ​ഡി​ക്ക​ൽ കോ​ള​ജ് കാ​മ്പ​സ് തു​ട​ങ്ങു​ക​യും പി​ന്നീ​ട് ആ​ശു​പ​ത്രി ഉ​ൾ​പ്പെ​ടെ പൂ​ർ​ണ​മാ​യും അ​ങ്ങോ​ട്ട് മാ​റ്റു​മെ​ന്നു​മാ​ണ് അ​ധി​കൃ​ത​ർ പ​റ​യു​ന്ന​ത്. അ​പ്പോ​ഴും ജി​ല്ല​യി​ലെ മു​ഴു​വ​ൻ ആ​ളു​ക​ൾ​ക്കും ഉ​പ​കാ​ര​പ്പെ​ടു​ന്ന സ്ഥ​ല​മാ​ണോ എ​ന്ന ചോ​ദ്യ​ത്തി​ന് മു​ഖ്യ​മ​ന്ത്രി​യും ആ​രോ​ഗ്യ​മ​ന്ത്രി​യും ഉ​ൾ​പ്പെ​ടെ​യു​ള്ള ഭ​ര​ണാ​ധി​കാ​രി​ക​ൾ മ​റു​പ​ടി പ​റ​ഞ്ഞേ​തീ​രൂ.

മാ​ന​ന്ത​വാ​ടി ജി​ല്ല ആ​ശു​പ​ത്രി മെ​ഡി​ക്ക​ൽ കോ​ള​ജാ​യി ഉ​യ​ർ​ത്തി​യെ​ങ്കി​ലും അ​വി​ടെ ഇ​പ്പോ​ഴും മെ​ച്ച​പ്പെ​ട്ട ചി​കി​ത്സ സൗ​ക​ര്യ​മൊ​രു​ക്കാ​ൻ അ​ധി​കൃ​ത​ർ​ക്കാ​യി​ട്ടി​ല്ല. ആ​റു​മാ​സം പ്രാ​യ​മു​ള്ള ആ​ദി​വാ​സി കു​ഞ്ഞ് മ​തി​യാ​യ ചി​കി​ത്സ ല​ഭി​ക്കാ​തെ മ​രി​ച്ച സം​ഭ​വ​വും അ​ടു​ത്തി​ടെ​യു​ണ്ടാ​യി. ഇ​പ്പോ​ഴും കോ​ഴി​ക്കോ​ട്ടേ​ക്ക് ആം​ബു​ല​ൻ​സി​ൽ പോ​കു​ന്ന​തി​നി​ടെ ജീ​വ​ൻ പൊ​ലി​യു​ന്ന​വ​രു​ടെ എ​ണ്ണ​ത്തി​ന് ഒ​രു കു​റ​വും ഉ​ണ്ടാ​യി​ട്ടി​ല്ല. ഇ​വി​ടെ​നി​ന്ന് ജീ​വ​നെ​ങ്കി​ലും നി​ല​നി​ർ​ത്താ​നു​ള്ള അ​ടി​യ​ന്ത​ര ചി​കി​ത്സ സൗ​ക​ര്യം ഒ​രു​ക്കേ​ണ്ട​തു​ണ്ട്. പു​തി​യ കെ​ട്ടി​ടം വ​രു​ന്ന​തോ​ടെ അ​ടി​യ​ന്ത​ര ചി​കി​ത്സ ആ​വ​ശ്യ​മു​ള്ള രോ​ഗി​ക​ളു​ടെ ജീ​വ​ൻ ഉ​ൾ​പ്പെ​ടെ ര​ക്ഷി​ക്കാ​ൻ ക​ഴി​യു​ന്ന രീ​തി​യി​ലു​ള്ള സൗ​ക​ര്യ​ങ്ങ​ളും വി​ദ​ഗ്ധ ഡോ​ക്ട​ർ​മാ​രു​ടെ സേ​വ​ന​വും ഉ​റ​പ്പാ​ക്കി​യാ​ലേ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്കു​ള്ള റ​ഫ​റ​ൽ യൂ​നി​റ്റെ​ന്ന ദു​ഷ്പേര് വ​യ​നാ​ട് മെ​ഡി​ക്ക​ൽ കോ​ള​ജി​ന് മാ​റ്റി​യെ​ടു​ക്കാ​നാ​കൂ. ക​ൽ​പ​റ്റ ജ​ന​റ​ൽ ആ​ശു​പ​ത്രി, സു​ൽ​ത്താ​ൻ ബ​ത്തേ​രി, വൈ​ത്തി​രി താ​ലൂ​ക്ക് ആ​ശു​പ​ത്രി​ക​ൾ തു​ട​ങ്ങി​യ​വ​യു​ടെ സൗ​ക​ര്യ​ങ്ങ​ളും ജീ​വ​ന​ക്കാ​രു​ടെ എ​ണ്ണ​വും ഉ​ൾ​പ്പെ​ടെ വ​ർ​ധി​പ്പി​ച്ച് മി​ക​ച്ച ചി​കി​ത്സ സൗ​ക​ര്യം ഏ​ർ​പ്പെ​ടു​ത്ത​ണം. ക​ൽ​പ​റ്റ ജ​ന​റ​ൽ ആ​ശു​പ​ത്രി​യി​ൽ ട്രോ​മ കെ​യ​ർ യൂ​നി​റ്റ് തു​ട​ങ്ങി​യാ​ൽ വാ​ഹ​നാ​പ​ക​ട​ങ്ങ​ളി​ൽ പ​രി​ക്കേ​ൽ​ക്കു​ന്ന​വ​ർ​ക്കു​ൾ​പ്പെ​ടെ വേ​ഗ​ത്തി​ൽ ചി​കി​ത്സ ല​ഭ്യ​മാ​ക്കാ​നാ​കും.

കാ​ട്ടു​പ​ന്നി, കാ​ട്ടാ​ന, ക​ടു​വ, പു​ലി ഒ​ടു​വി​ൽ ക​ര​ടി​യും

വ​ന്യ​മൃ​ഗ​ശ​ല്യ​ത്തി​ന് ശാ​ശ്വ​ത പ​രി​ഹാ​രം വേണം; പ​രി​സ്ഥി​തി ലോ​ല മേ​ഖ​ല​യി​ലെ ആ​ശ​ങ്ക​യും പ​രി​ഹ​രി​ക്ക​ണം

കാ​ട്ടാ​ന, ക​ടു​വ, പു​ലി തു​ട​ങ്ങി​യ വ​ന്യ​മൃ​ഗ​ങ്ങ​ൾ ജി​ല്ല​യി​ലെ എ​വി​ടെ വേ​ണ​മെ​ങ്കി​ലും ആ​ക്ര​മ​ണം ന​ട​ത്തു​ന്ന​ത​ര​ത്തി​ലാ​ണ് ഇ​പ്പോ​ഴ​ത്തെ അ​വ​സ്ഥ. കു​ര​ങ്ങു​ശ​ല്യം ഇ​പ്പോ​ൾ എ​ല്ലാ​യി​ട​ത്തു​മു​ണ്ട്. അ​തി​നും പ​രി​ഹാ​രം അ​ക​ലെ​യാ​ണ്. ഇ​ത്ത​രം ഭീ​ഷ​ണി​ക​ൾ​ക്ക് പു​റ​മെ​യാ​ണി​പ്പോ​ൽ ക​ര​ടി​യു​ടെ രം​ഗ​പ്ര​വേ​ശ​നം. ഇ​തോ​ടൊ​പ്പം ജി​ല്ല അ​ഭി​മു​ഖീ​ക​രി​ക്കു​ന്ന ഏ​റ്റ​വും വ​ലി​യ പ്ര​ശ്ന​ങ്ങ​ളി​ലൊ​ന്നാ​ണ് കാ​ട്ടു​പ​ന്നി​ക​ളു​ടെ ആ​ക്ര​മ​ണം. ക​ഴി​ഞ്ഞ കു​റ​ച്ചു മാ​സ​ങ്ങ​ളാ​യി നി​ര​വ​ധി ഇ​രു​ച​ക്ര​വാ​ഹ​ന യാ​ത്ര​ക്കാ​രും ക​ർ​ഷ​ക​രും ഉ​ൾ​പ്പെ​ടെ​യാ​ണ് കാ​ട്ടു​പ​ന്നി​ക​ളു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ് ചി​കി​ത്സ തേ​ടി​യ​ത്. മേ​പ്പാ​ടി നെ​ടു​ങ്ക​ര​ണ​യി​ൽ കാ​ട്ടു​പ​ന്നി കു​റു​കെ ചാ​ടി ഓ​ട്ടോ​റി​ക്ഷ മ​റി​ഞ്ഞ് നാ​ലു വ​യ​സ്സു​കാ​ര​ന് ദാ​രു​ണാ​ന്ത്യം സം​ഭ​വി​ച്ചു. ഇ​തി​നു​ശേ​ഷ​വും പ​ല​യി​ട​ങ്ങ​ളി​ലാ​യി കാ​ട്ടു​പ​ന്നി കു​റു​കെ ചാ​ടി ഇ​രു​ച​ക്ര​വാ​ഹ​ന യാ​ത്ര​ക്കാ​ർ അ​പ​ക​ട​ത്തി​ൽ​പ്പെ​ടു​ന്ന​ത് പ​തി​വാ​യി. കൃ​ഷി​യി​ട​ത്തി​ൽ​നി​ന്ന് കാ​ട്ടു​പ​ന്നി​യു​ടെ ആ​ക്ര​മ​ണ​ത്തി​ൽ ക​ർ​ഷ​ക​ർ​ക്കും പ​രി​ക്കേ​റ്റു. പ​ക​ലെ​ന്നോ രാ​ത്രി​യെ​ന്നോ വ്യ​ത്യാ​സ​മി​ല്ലാ​തെ​യാ​ണ് ജി​ല്ല​യി​ൽ കാ​ട്ടു​പ​ന്നി​ക​ളു​ടെ ആ​ക്ര​മ​ണം ന​ട​ക്കു​ന്ന​ത്.

പൂ​താ​ടി മേ​ഖ​ല​യി​ൽ ക​ര​ടി​യി​റ​ങ്ങി​യ സം​ഭ​വ​ങ്ങ​ളു​മു​ണ്ടാ​യി. പൂ​താ​ടി പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ൽ ക​ര​ടി സാ​ന്നി​ധ്യം വ്യ​ക്ത​മാ​യ​തോ​ടെ ജ​നം ക​ടു​ത്ത ആ​ശ​ങ്ക​യി​ലാ​ണ്. ക​ടു​വ​യെ പേ​ടി​ച്ച് പു​റ​ത്തി​റ​ങ്ങാ​ൻ ക​ഴി​യാ​തി​രു​ന്ന ജ​നം ഒ​രു മാ​സ​ത്തോ​ള​മാ​യി ആ​ശ്വാ​സ​ത്തി​ലാ​യി​രു​ന്നു. ഇ​തി​നി​ട​യി​ലാ​ണ് ക​ര​ടി എ​ത്തി​യി​ട്ടു​ള്ള​ത്. ക​ര​ടി പാ​പ്ല​ശ്ശേ​രി​യി​ലെ​ത്തി തേ​ൻ കൃ​ഷി​ക്കൂ​ടു​ക​ൾ ത​ക​ർ​ത്തി​രു​ന്നു. കാ​ട്ടാ​ന ശ​ല്യ​വും ദി​നം​പ്ര​തി രൂ​ക്ഷ​മാ​യി​രി​ക്കു​ക​യാ​ണ്. വ​ന്യ​ജീ​വി​ശ​ല്യ​ത്തി​ന് ശാ​ശ്വ​ത പ​രി​ഹാ​ര​മു​ണ്ടാ​ക്കു​ന്ന​തി​നാ​യു​ള്ള ക​ർ​മ​പ​ദ്ധ​തി​ക​ൾ ന​ട​പ്പാ​ക്കി ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​കു​ന്ന​തി​ൽ സ​ർ​ക്കാ​ർ ത​ല​ത്തി​ൽ ന​ട​പ​ടി​ക​ളു​ണ്ടാ​കേ​ണ്ട​തു​ണ്ട്. വ​ന സൗ​ഹൃ​ദ സ​ദ​സ്സ് ന​ട​ത്തി​യും മ​റ്റും വാ​ക്കു​ക​ളി​ലൂ​ടെ ജ​ന​ങ്ങ​ൾ​ക്ക് ആ​ശ്വാ​സം പ​ക​രു​ന്ന​തി​ന​പ്പു​റം കൃ​ത്യ​മാ​യ പ​രി​ഹാ​ര​മാ​ണാ​വ​ശ്യം.

രാ​ത്രി​യാ​ത്ര നി​രോ​ധ​ന​ത്തി​ന് എ​ന്നു​ണ്ടാ​കും പ​രി​ഹാ​രം?

കോ​ഴി​ക്കോ​ട്-​കൊ​ല്ല​ഗ​ല്‍ ദേ​ശീ​യ​പാ​ത 766ലെ ​രാ​ത്രി​യാ​ത്ര നി​രോ​ധ​നം ഇ​പ്പോ​ഴും തു​ട​രു​ക​യാ​ണ്. ഏ​റ്റ​വു​മൊ​ടു​വി​ല്‍ ഇ​ക്ക​ഴി​ഞ്ഞ ഡി​സം​ബ​ര്‍ 15ന് ​വ​യ​നാ​ട് അ​തി​ര്‍ത്തി​ക്ക് സ​മീ​പം മൂ​ല​ഹോ​ളെ​യി​ൽ ച​ര​ക്കു​ലോ​റി​യി​ടി​ച്ച് കാ​ട്ടാ​ന ച​രി​ഞ്ഞ​തോ​ടെ യാ​ത്രാ​നി​രോ​ധ​ന സ​മ​യം ദീ​ര്‍ഘി​പ്പി​ക്കാ​നു​ള്ള നീ​ക്ക​ത്തി​ലാ​ണ് ക​ര്‍ണാ​ട​ക.

മ​റ്റു ദേ​ശീ​യ​പാ​ത​ക​ളു​ൾ​പ്പെ​ടെ വി​ക​സി​പ്പി​ക്കു​മ്പോ​ഴും കോ​ഴി​ക്കോ​ട്-​കൊ​ല്ലെ​ഗ​ൽ ദേ​ശീ​യ​പാ​ത​യു​ടെ വി​ക​സ​ന കാ​ര്യ​ത്തി​ൽ ഇ​പ്പോ​ഴും തു​ട​ർ​ന​ട​പ​ടി​ക​ൾ വൈ​കു​ക​യാ​ണ്. മൈ​സൂ​രു-​ബം​ഗ​ളൂ​രു എ​ക്സ്പ്ര​സ് ഹൈ​വേ​യെ സു​ൽ​ത്താ​ൻ ബ​ത്തേ​രി​യു​മാ​യി ബ​ന്ധി​പ്പി​ക്കു​മെ​ന്ന് കേ​ന്ദ്ര മ​ന്ത്രി പ​റ​ഞ്ഞി​രു​ന്നു.

അ​തോ​ടൊ​പ്പം ദേ​ശീ​യ​പാ​ത 766ഉം ​വി​ക​സി​പ്പി​ക്കു​മെ​ന്ന് കേ​ന്ദ്രം അ​റി​യി​ച്ചി​ട്ടു​ണ്ട്. ഇ​ത്ത​രം പ്ര​ഖ്യാ​പ​ന​ങ്ങ​ൾ പ്ര​തീ​ക്ഷ ന​ൽ​കു​മ്പോ​ഴും രാ​ത്രി​യാ​ത്ര നി​രോ​ധ​നം ചോ​ദ്യ​ചി​ഹ്ന​മാ​യി പ​രി​ഹ​രി​ക്ക​പ്പെ​ടാ​തെ തു​ട​രു​ക​യാ​ണെ​ന്ന​താ​ണ് യാ​ഥാ​ർ​ഥ്യം.