കീഞ്ഞ്കടവ് തീപിടിത്തം: ഫോറൻസിക് വിഭാഗം പരിശോധന നടത്തി

പ​ന​മ​രം: പ​ഞ്ചാ​യ​ത്തി​ലെ കീ​ഞ്ഞ്ക​ട​വി​ലെ അ​ജൈ​വ മാ​ലി​ന്യം സൂ​ക്ഷി​ക്കു​ന്ന കേ​ന്ദ്ര​ത്തി​നു തീ​പി​ടി​ച്ച സം​ഭ​വ​ത്തി​ൽ കാ​ര​ണ​മ​റി​യാ​തെ നാ​ട്ടു​കാ​ർ. വെ​ള്ളി​യാ​ഴ്ച രാ​ത്രി ഒ​മ്പ​തോ​ടെ​യാ​ണ് കേ​ന്ദ്ര​ത്തി​ന് തീ​പി​ടി​ച്ച​ത്. ശ​നി​യാ​ഴ്ച ഫോ​റ​ൻ​സി​ക് വി​ദ​ഗ്ധ​ർ സം​ഭ​വ​സ്ഥ​ലം സ​ന്ദ​ർ​ശി​ച്ചു.

ഗ്രാ​മ​പ​ഞ്ചാ​യ​ത്ത് ന​ൽ​കി​യ പ​രാ​തി​യി​ൽ പ​ന​മ​രം പൊ​ലീ​സ് കേ​സെ​ടു​ത്ത് അ​ന്വേ​ഷ​ണ​മാ​രം​ഭി​ച്ചി​ട്ടു​ണ്ട്. കു​റ​ഞ്ഞ സ​മ​യ​ത്തി​ന​കം തീ ​പ​ട​ർ​ന്നു പ്ര​ദേ​ശം പു​ക​യി​ല​മ​ർ​ന്നു. ചാ​ക്കു​ക​ളി​ൽ സൂ​ക്ഷി​ച്ച പ്ലാ​സ്റ്റി​ക് മാ​ലി​ന്യം ക​ത്തു​ന്ന ശ​ബ്ദം കേ​ട്ടെ​ത്തി​യ നാ​ട്ടു​കാ​രാ​ണ് വി​വ​രം പൊ​ലീ​സി​ലും അ​ഗ്നി​ര​ക്ഷാ​സേ​ന​യി​ലും അ​റി​യി​ച്ച​ത്. കീ​ഞ്ഞ്ക​ട​വി​ലേ​ക്ക് അ​ജൈ​വ മാ​ലി​ന്യം കൊ​ണ്ടു​വ​രു​ന്ന​തി​നെ​തി​രെ മൂ​ന്നു​മാ​സ​മാ​യി പ്ര​ദേ​ശ​വാ​സി​ക​ൾ സ​മ​ര​ത്തി​ലാ​യി​രു​ന്നു. ഇ​​തേ​തു​ട​ർ​ന്ന് പൊ​ലീ​സ് സം​ര​ക്ഷ​ണ​ത്തി​ലാ​ണ് മാ​ലി​ന്യം കൊ​ണ്ടു​വ​ന്ന​ത്. ഇ​തി​നാ​ണ് ക​ഴി​ഞ്ഞ​ദി​വ​സം തീ​പി​ടി​ച്ച​ത്. പ​ഞ്ചാ​യ​ത്തി​ന്റെ ഉ​ട​മ​സ്ഥ​ത​യി​ലു​ള്ള കീ​ഞ്ഞ്ക​ട​വി​ൽ വ​ർ​ഷ​ങ്ങ​ളാ​യി മാ​ലി​ന്യം ത​ള്ളു​ക​യാ​യി​രു​ന്നു പ​തി​വ്.

പി.​കെ. അ​സ്മ​ത്ത് പ്ര​സി​ഡ​ന്റാ​യി​രി​ക്കെ രൂ​ക്ഷ​മാ​യ എ​തി​ർ​പ്പ് പ്ര​ദേ​ശ​വാ​സി​ക​ൾ പ്ര​ക​ടി​പ്പി​ച്ചു. അ​തോ​ടെ ടൗ​ണി​ന​ടു​ത്തു​ള്ള മാ​തൂ​ർ പു​ഴ​യോ​ര​ത്ത് മാ​ലി​ന്യം ട്രാ​ക്ട​റി​ൽ കൊ​ണ്ടു​ത​ള്ളി. അ​വി​ടെ​യും പ്ര​തി​ഷേ​ധം ശ​ക്ത​മാ​യ​തോ​ടെ വീ​ണ്ടും കീ​ഞ്ഞ്ക​ട​വി​ലേ​ക്ക് ത​ന്നെ മാ​റ്റു​ക​യാ​യി​രു​ന്നു.