ജി​ല്ല ആ​ശു​പ​ത്രി​ ഒ.പിയി​ൽ ര​ണ്ട് ഡോ​ക്ട​ർ​മാ​ർ മാ​ത്രം: രോ​ഗി​ക​ൾ ദു​രി​തത്തി​ൽ

ഗൂ​ഡ​ല്ലൂ​ർ: ജി​ല്ല ആ​ശു​പ​ത്രി​യി​ൽ ഒ.​പി വി​ഭാ​ഗ​ത്തി​ലെ​ത്തു​ന്ന രോ​ഗി​ക​ളെ പ​രി​ശോ​ധി​ക്കാ​നു​ള്ള​ത് ര​ണ്ട് ഡോ​ക്ട​ർ​മാ​ർ മാ​ത്രം. ദി​നം​പ്ര​തി നി​ര​വ​ധി രോ​ഗി​ക​ളാ​ണ് ആ​ശു​പ​ത്രി​യി​ൽ ചി​കി​ത്സ​തേ​ടി​യെ​ത്തു​ന്ന​ത്. എ​ന്നാ​ൽ ആ​വ​ശ്യ​ത്തി​ന് ഡോ​ക്ട​ർ​മാ​രി​ല്ലാ​ത്ത​തി​നാ​ൽ രോ​ഗി​ക​ൾ​ക്ക് ദു​രി​ത​മാ​ക്കു​ന്നു​ണ്ട്.

തു​ട​ർ ചി​കി​ത്സ വ​രു​ന്ന രോ​ഗി​ക​ൾ പോ​ലും ഡോ​ക്ട​ർ​മാ​രി​ല്ലാ​ത്ത​തി​നാ​ൽ മ​ട​ങ്ങേ​ണ്ടി​വ​രു​ന്നു​ണ്ട്. ഒ​രു​രോ​ഗി​ക്ക് അ​ഞ്ചു​മി​നി​റ്റ് പോ​ലും പ​രി​ശോ​ധ​ന ന​ട​ത്താ​ൻ ക​ഴി​യാ​ത്ത സാ​ഹ​ച​ര്യ​മാ​ണു​ള്ള​ത്. രാ​വി​ലെ ഒ​മ്പ​തു മു​ത​ൽ ഉ​ച്ച​ക്ക് ഒ​രു​മ​ണി​വ​രെ​യാ​ണ് ഒ.​പി വി​ഭാ​ഗം പ്ര​വ​ർ​ത്തി​ക്കു​ന്ന​ത്. പി​ന്നീ​ട് ഉ​ച്ച​ക്ക് ശേ​ഷം എ​മ​ർ​ജ​ൻ​സി വി​ഭാ​ഗ​ത്തി​ലാ​ണ് ഒ​രു​മ​ണി​ക്കൂ​ർ നേ​രം പ്ര​വ​ർ​ത്തി​ക്കു​ക. അ​വി​ടെ​യും ഒ​രു​ഡോ​ക്ട​റാ​ണ് ഉ​ണ്ടാ​കു​ക.

അ​ത്യാ​ഹി​ത വി​ഭാ​ഗ​ത്തി​ൽ 24 മ​ണി​ക്കൂ​റും ഒ​രു​ഡോ​ക്ട​ർ സേ​വ​ന​മു​ണ്ടെ​ങ്കി​ലും ഊ​ട്ടി​യി​ലേ​ക്ക് റ​ഫ​ർ ചെ​യ്യു​ക​യാ​ണ് പ​തി​വ്. ഇ​ന്ന​ലെ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ് എ​ത്തി​യ യു​വാ​വി​ന് ത​ക്ക സ​മ​യ​ത്ത് ചി​കി​ത്സ ല​ഭി​ക്കാ​ത്ത​താ​ണ് മ​ര​ണം സം​ഭ​വി​ച്ച​തെ​ന്നും ആ​രോ​പ​ണം ഉ​യ​ർ​ന്നി​ട്ടു​ണ്ട്. മ​രി​ക്കു​ന്ന​തി​ന് മി​നി​റ്റു​ക​ൾ മു​മ്പു​വ​രെ സം​സാ​രി​ച്ചി​രു​ന്ന​താ​യും ബ​ന്ധു​ക്ക​ൾ പ​റ​ഞ്ഞു. അ​തേ​സ​മ​യം, ആ​ശു​പ​ത്രി​യു​ടെ സേ​വ​നം മെ​ച്ച​പ്പെ​ട്ടു വ​രു​ന്ന​താ​യും നേ​ര​ത്തെ അ​ഞ്ച് പ്ര​സ​വ കേ​സു​ക​ൾ നോ​ക്കി​യി​രു​ന്ന ഇ​വി​ടെ ഇ​പ്പോ​ൾ 50 ഓ​ളം കേ​സു​ക​ൾ കൈ​കാ​ര്യം ചെ​യ്യു​ന്ന​താ​യും ആ​രോ​ഗ്യ​വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ർ പ​റ​ഞ്ഞു.