Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightWayanadchevron_rightകു​ട്ടി​ക​ളോ​ടൊ​പ്പം...

കു​ട്ടി​ക​ളോ​ടൊ​പ്പം വ​ട്ടം​ക​റ​ങ്ങി അ​മ്മ​മാ​ർ; സ്കൂ​ൾ​ത​ല സ​മി​തി​ക​ൾ ല​ക്ഷ്യ​ത്തി​ലെ​ത്തു​മോ?

text_fields
bookmark_border
കു​ട്ടി​ക​ളോ​ടൊ​പ്പം വ​ട്ടം​ക​റ​ങ്ങി അ​മ്മ​മാ​ർ;  സ്കൂ​ൾ​ത​ല സ​മി​തി​ക​ൾ ല​ക്ഷ്യ​ത്തി​ലെ​ത്തു​മോ?
cancel

ഓ​ൺ​ലൈ​ൻ പ​ഠ​ന​കാ​ല​ത്ത്​ വീ​ട​ക​ങ്ങ​ളി​ൽ കു​ട്ടി​ക​ളു​മാ​യി മ​ല്ല​ടി​ച്ച് ത​ള​രു​ക​യാ​ണ് വീ​ട്ട​മ്മ​മാ​ർ. പ​ഠ​നം വീ​ട്ടി​ലാ​യ​തോ​ടെ ഇ​ര​ട്ടി ഭാ​ര​മാ​ണ് ര​ക്ഷി​താ​ക്ക​ൾ​ക്ക്. ഡി​ജി​റ്റ​ല്‍ സാ​ഹ​ച​ര്യ​ങ്ങ​ളി​ലെ പ​ഠ​ന സാ​ധ്യ​ത​ക​ളി​ല്‍ വീ​ടി​െൻറ പ​ങ്ക് കൂ​ടു​ത​ല്‍ ച​ര്‍ച്ച​ക്ക് വി​ധേ​യ​മാ​യ കാ​ലം കൂ​ടി​യാ​ണി​ത്.

സ്‌​കൂ​ളു​ക​ളി​ല്‍ വി​ദ്യാ​ര്‍ഥി​ക​ള്‍ പൂ​ര്‍ണ​മാ​യും സ​മ​യം ചെ​ല​വ​ഴി​ച്ചി​രു​ന്ന​തി​നാ​ൽ വീ​ട്ടി​ൽ ഹോം ​വ​ർ​ക്കി​ലൊ​തു​ങ്ങി​യി​രു​ന്ന പ​ഠ​ന​മാ​ണ്​ ര​ക്ഷി​താ​ക്ക​ൾ​കൂ​ടി പ​ങ്കാ​ളി​ക​​ളാ​വേ​ണ്ട രീ​തി​യി​ലേ​ക്ക്​ മാ​റി​യ​ത്.

ഉ​യ​ര്‍ന്ന വി​ദ്യാ​ഭ്യാ​സ​വും ജോ​ലി​യു​മു​ള്ള ര​ക്ഷ​ക​ര്‍ത്താ​ക്ക​ള്‍ക്ക്, വേ​ണ്ട രീ​തി​യി​ല്‍ മ​ക്ക​ളെ സ​ഹാ​യി​ക്കാ​ന്‍ ക​ഴി​യു​ന്നി​ല്ല എ​ന്ന മാ​ന​സി​ക സ​മ്മ​ര്‍ദ​മു​ണ്ട്. സാ​മാ​ന്യ വി​ദ്യാ​ഭ്യാ​സ​വും വീ​ട്ടി​ല്‍ ചെ​ല​വ​ഴി​ക്കാ​ന്‍ സ​മ​യ​വു​മു​ള്ള ര​ക്ഷി​താ​ക്ക​ളു​ടെ കൂ​ടി​യ​തോ​തി​ലു​ള്ള ഇ​ട​പെ​ട​ൽ കു​ട്ടി​ക​ളി​ൽ സ​മ്മ​ര്‍ദ​മു​ണ്ടാ​ക്കു​ന്നു.

വി​ദ്യാ​ഭ്യാ​സ​പ​ര​മാ​യി പി​ന്നാ​ക്കം നി​ല്‍ക്കു​ന്ന ര​ക്ഷി​താ​ക്ക​ളി​ൽ നി​സ്സ​ഹാ​യ​ത​യും ഓ​ൺ​ലൈ​ൻ പ​ഠ​നം സൃ​ഷ്​​ടി​ക്കു​ന്നു. ഡി​ജി​റ്റ​ല്‍ സാ​ധ്യ​ത ഉ​പ​യോ​ഗ​പ്പെ​ടു​ത്തു​ന്ന വി​ദ്യാ​ഭ്യാ​സ​ത്തെ​യ​ല്ല ഡി​ജി​റ്റ​ല്‍ അ​ടി​മ​യാ​യ വി​ദ്യാ​ഭ്യാ​സ​ത്തി​ലേ​ക്കാ​ണ് നി​ല​വി​ലെ സം​വി​ധാ​നം മാ​റു​ന്ന​ത്. ന​ട​ന്നു​ശീ​ല​മി​ല്ലാ​ത്ത വ​ഴി​യി​ലൂ​ടെ സ​ഞ്ച​രി​ക്കു​ക​യാ​ണ് ന​മ്മ​ള്‍. അ​തി​െൻറ പ​രി​മി​തി​ക​ളും സാ​ധ്യ​ത​ക​ളും ജ​ന​ങ്ങ​ള്‍ ച​ര്‍ച്ച ചെ​യ്യു​ന്നു​ണ്ട്. ന​മു​ക്ക് ല​ഭ്യ​മാ​യ സാ​ങ്കേ​തി​ക വി​ദ്യ ഉ​പ​യോ​ഗി​ച്ച് എ​ങ്ങ​നെ ക്ലാ​സു​ക​ള്‍ ന​ല്‍കാം എ​ന്ന​തി​നെ​ക്കു​റി​ച്ചാ​ണ് ആ​ലോ​ച​ന.

ഓ​ണ്‍ലൈ​ന്‍ ക്ലാ​സു​ക​ള്‍ കു​റ്റ​മ​റ്റ​തോ സാ​ധാ​ര​ണ രീ​തി​യി​ലു​ള്ള ക്ലാ​സ് മു​റി​ക​ളി​ലെ അ​ധ്യ​യ​ന​ത്തി​ന് ബ​ദ​ലോ ആ​കാ​ന്‍ ക​ഴി​യി​ല്ല. 76 ശ​ത​മാ​നം ര​ക്ഷി​താ​ക്ക​ള്‍ക്ക് സ്‌​കൂ​ളി​ല്‍ പ​ഠി​ക്കു​ന്ന ഒ​ന്നി​ല​ധി​കം കു​ട്ടി​ക​ളു​ണ്ടെ​ന്ന് പ​ഠ​ന​ങ്ങ​ൾ തെ​ളി​യി​ക്കു​ന്നു. പ​ഠ​ന​പി​ന്തു​ണ ല​ഭി​ക്കു​ന്ന​തി​ല്‍ ഡി​ജി​റ്റ​ൽ ഉ​പ​ക​ര​ണ​ങ്ങ​ളു​ടെ കു​റ​വ് ചി​ല​ര്‍ക്ക് പ്ര​ശ്ന​മാ​കു​ന്നു​ണ്ട്.

ഐ.​ടി @ സ്‌​കൂ​ള്‍ പോ​ലെ​യു​ള്ള വെ​ബ്‌​സൈ​റ്റു​ക​ളി​ലൂ​ടെ ല​ഭ്യ​മാ​കു​ന്ന അ​റി​വ്, പൊ​തു​വി​ദ്യാ​ഭ്യാ​സ സ്ഥാ​പ​ന​ത്തി​ല്‍ പ​ഠി​ക്കു​ന്ന വി​ദ്യാ​ര്‍ഥി​ക​ള്‍ക്ക് വീ​ട്ടി​ലി​രു​ന്ന് ല​ഭി​ക്ക​ണ​മെ​ങ്കി​ല്‍ ന​ല്ല മൊ​ബൈ​ല്‍ ഫോ​ണോ ക​മ്പ്യൂ​ട്ട​റോ അ​നി​വാ​ര്യ​മാ​ണ്. പൊ​തു​വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ല്‍ പ​ഠി​ക്കു​ന്ന എ​ല്ലാ​വ​ര്‍ക്കും മൊ​ബൈ​ല്‍ ഫോ​ണോ ലാ​പ്‌​ടോ​പ്പോ ഉ​ണ്ടാ​കു​മെ​ന്ന വി​ചാ​രം യാ​ഥാ​ര്‍ഥ്യ​ങ്ങ​ള്‍ക്കു​നേ​രെ വ​ഞ്ച​ന​പ​ര​മാ​യ ക​ണ്ണ​ട​ക്ക​ലാ​ണ്.

സ​മൂ​ഹ​ത്തി​ല്‍ വ​ലി​യ ഡി​ജി​റ്റ​ല്‍ വി​ട​വ് നി​ല​നി​ല്‍ക്കു​മ്പോ​ള്‍ ത​ന്നെ വീ​ടി​ന​ക​ത്തും ആ ​വി​ട​വി​ന് സാ​ധ്യ​ത​യു​ണ്ട്. വ​രു​മാ​ന​മു​ള്ള​വ​ര്‍ക്ക് ഡി​ജി​റ്റ​ല്‍ ഉ​പ​ക​ര​ണ​ങ്ങ​ളു​ടെ സ​ഹാ​യ​ത്തോ​ടെ​യു​ള്ള പ​ഠ​നം പ്ര​ശ്‌​ന​മാ​ക​ണ​മെ​ന്നി​ല്ല. എ​ന്നാ​ല്‍ ഇ​ത്ത​രം സൗ​ക​ര്യ​മി​ല്ലാ​ത്ത, അ​ടി​സ്ഥാ​ന​പ​ര​മാ​യ ആ​വ​ശ്യ​ങ്ങ​ള്‍ക്കു​പോ​ലും സ്‌​കൂ​ളു​ക​ളെ ആ​ശ്ര​യി​ക്കേ​ണ്ടി​വ​രു​ന്ന വി​ദ്യാ​ര്‍ഥി​ക​ള്‍ ധാ​രാ​ള​മു​ണ്ട്. സ്‌​കൂ​ള്‍-​കോ​ള​ജ് ത​ല​ത്തി​ല്‍ പ​ഠി​ക്കു​ന്ന ഈ ​വി​ഭാ​ഗ​മാ​ണ് ഡി​ജി​റ്റ​ല്‍ പ​ഠ​ന​സാ​ധ്യ​ത​ക​ളു​ടെ ഏ​റ്റ​വും വ​ലി​യ ഇ​ര​ക​ളാ​കാ​ന്‍ പോ​കു​ന്ന​ത്.

പ​ല വ​കു​പ്പു​ക​ൾ വി​വി​ധ സ​മ​യ​ങ്ങ​ളി​ൽ ന​ട​ത്തി​യ ക​ണ​ക്കെ​ടു​പ്പി​നൊ​ടു​വി​ൽ ഓ​ഫ്​​ലൈ​നി​ലാ​യ വി​ദ്യാ​ർ​ഥി​ക​ളെ ഓ​ൺ​ലൈ​നി​ലെ​ത്തി​ക്കു​ന്ന​തി​നു​ള്ള സാ​മ്പ​ത്തി​ക​ഭാ​ര​വും സ​ർ​ക്കാ​ർ, ര​ക്ഷി​താ​ക്ക​ളു​ടെ​യും സ​മൂ​ഹ​ത്തി​െൻറ​യും ചു​മ​ലി​ലേ​ക്ക് വെ​ച്ചി​ട്ടു​ണ്ട്.

പ​ഠ​നോ​പ​ക​ര​ണ​ങ്ങ​ളി​ല്ലാ​ത്ത​വ​ർ​ക്ക് അ​വ ല​ഭ്യ​മാ​ക്കു​ന്ന​തി​നു​ള്ള ചു​മ​ത​ല സ്കൂ​ൾ​ത​ല സ​മി​തി​ക​ളെ ഏ​ൽ​പി​ച്ചു​ള്ള സ​ർ​ക്കാ​ർ ഉ​ത്ത​ര​വ് അ​താ​ണ് സൂ​ചി​പ്പി​ക്കു​ന്ന​ത്. ജ​ന​കീ​യ കാ​മ്പ​യി​നി​ലൂ​ടെ വി​ഭ​വ സ​മാ​ഹ​ര​ണം ന​ട​ത്താ​ൻ തീ​രു​മാ​നി​ച്ചി​രു​ന്നു. ഡി​ജി​റ്റ​ൽ വി​ദ്യാ​ഭ്യാ​സം ന​ട​പ്പാ​ക്കു​ന്ന​ത് സം​ബ​ന്ധി​ച്ച് സ​ർ​ക്കാ​ർ പ്ര​ത്യേ​ക രൂ​പ​രേ​ഖ​യും പ്ര​സി​ദ്ധീ​ക​രി​ച്ചു. വി​ഭ​വ സ​മാ​ഹ​ര​ണ കാ​മ്പ​യി​നു​ള്ള മാ​ർ​ഗ​രേ​ഖ പു​റ​പ്പെ​ടു​വി​ച്ച ഉ​ത്ത​ര​വി​ലാ​ണ് ഡി​ജി​റ്റ​ൽ പ​ഠ​നോ​പ​ക​ര​ണ​ങ്ങ​ൾ (ടാ​ബ്​​ലെ​റ്റ്, ലാ​പ്ടോ​പ്, മൊ​ബൈ​ൽ ഫോ​ൺ​ തു​ട​ങ്ങി​യ​വ) ല​ഭ്യ​മാ​ക്കാ​നു​ള്ള ചു​മ​ത​ല സ്കൂ​ൾ​ത​ല സ​മി​തി​ക​ളി​ൽ നി​ക്ഷി​പ്ത​മാ​ക്കി​യ​ത്. വാ​ർ​ഡ് മെം​ബ​ർ അ​ധ്യ​ക്ഷ​നാ​യും സ്കൂ​ൾ മാ​നേ​ജ​ർ, പി.​ടി.​എ പ്ര​സി​ഡ​ൻ​റ്​ ഉ​പാ​ധ്യ​ക്ഷ​ന്മാ​രാ​യും പ്രാ​ധാ​നാ​ധ്യാ​പ​ക​ർ, അ​ധ്യാ​പ​ക​ർ, ര​ക്ഷി​താ​ക്ക​ൾ, പൂ​ർ​വ വി​ദ്യാ​ർ​ഥി​ക​ൾ, രാ​ഷ്​​ട്രീ​യ പാ​ർ​ട്ടി പ്ര​തി​നി​ധി​ക​ൾ തു​ട​ങ്ങി​യ​വ​ർ അം​ഗ​ങ്ങ​ളു​മാ​യാ​ണ് സ​മി​തി രൂ​പ​വ​ത്ക​രി​ക്കേ​ണ്ട​ത്. സ്കൂ​ൾ​ത​ല സ​മി​തി​ക​ൾ ത​ന്നെ​യാ​ണ് ഡി​ജി​റ്റ​ൽ ഉ​പ​ക​ര​ണ​ങ്ങ​ളു​ടെ ആ​വ​ശ്യ​ക്കാ​രെ​യും ക​ണ്ടെ​ത്തേ​ണ്ട​ത്. സ​മ്പൂ​ർ​ണ സ്കൂ​ൾ മാ​നേ​ജ്മെൻറ്​ സോ​ഫ്റ്റ്​​വെ​യ​റി​ലെ ഡാ​റ്റ ഇ​തി​നാ​യി ഉ​പ​യോ​ഗി​ക്ക​ണം. സ​മൂ​ഹ സ​ഹാ​യ​ത്തോ​ടെ മാ​ത്രം ഉ​പ​ക​ര​ണ​ങ്ങ​ൾ ല​ഭ്യ​മാ​ക്കേ​ണ്ട​വ​ർ, വാ​യ്പ സൗ​ക​ര്യം ല​ഭ്യ​മാ​ക്കി​യ​വ​ർ, സ്വ​ന്ത​മാ​യി വാ​ങ്ങാ​ൻ ക​ഴി​യു​ന്ന​വ​ർ എ​ന്നി​ങ്ങ​നെ​യു​ള്ള​വ​രെ ത​രം​തി​രി​ച്ച് രേ​ഖ​പ്പെ​ടു​ത്ത​ണം. ക​ണ​ക്കു​ക​ൾ സ്കൂ​ൾ​ത​ല​ത്തി​ലും ത​ദ്ദേ​ശ സ്ഥാ​പ​ന​ത​ല​ത്തി​ലും ക്രോ​ഡീ​ക​രി​ക്ക​ണം.

ഏ​തു​മാ​റ്റ​വും എ​ളു​പ്പം ന​ട​പ്പാ​ക്കാ​ന്‍ പ​റ്റു​ന്ന​ത് സ​മൂ​ഹം വ​ലി​യ വെ​ല്ലു​വി​ളി നേ​രി​ടു​ന്ന സ​മ​യ​ത്താ​ണ്. കോ​വി​ഡ് കാ​ലം ഡി​ജി​റ്റ​ല്‍ വേ​രു​ക​ള്‍ ആ​ഴ്ത്തു​ന്ന​തി​നു​ള്ള ന​ല്ല അ​വ​സ​ര​മാ​യാ​ണ് ഉ​പ​യോ​ഗി​ക്കേ​ണ്ട​ത്. അ​തി​നു​ള്ള സ​ക്രി​യ​മാ​യ ഇ​ട​പെ​ട​ൽ സ​ർ​ക്കാ​റി​െൻറ ഭാ​ഗ​ത്തു​നി​ന്ന്​ ഉ​ണ്ടാ​വേ​ണ്ട​തു​ണ്ട്.

(അ​വ​സാ​നി​ച്ചു)

Show Full Article
TAGS:online education 
News Summary - online education
Next Story