കുടിവെള്ളമില്ല: ഗോദാവരി കോളനിക്കാർ ദുരിതത്തിൽ

മാ​ന​ന്ത​വാ​ടി: കു​ടി​വെ​ള്ളം കി​ട്ടാ​തെ ത​ല​പ്പു​ഴ എ​സ് വ​ള​വ് ഗോ​ദാ​വ​രി കോ​ള​നി​ക്കാ​ർ ദു​രി​ത​ത്തി​ൽ. വൈ​ദ്യു​തി ബി​ൽ കു​ടി​ശ്ശിക​യാ​യ​തി​നാ​ൽ കെ.​എ​സ്.​ഇ.​ബി വൈ​ദ്യു​തിബ​ന്ധം വി​ച്ഛേ​ദി​ച്ച​തോ​ടെ​യാ​ണ് കു​ടി​വെ​ള്ളം മു​ട്ടി​യ​ത്.

കോ​ള​നി​യി​ലെ 70 വീ​ട്ടു​കാ​ർ​ക്ക് ജ​ല​നി​ധി​യി​ൽനി​ന്നാ​ണ് കു​ടി​വെ​ള്ളം ല​ഭി​ച്ചി​രു​ന്ന​ത്. മാ​സം 70 രൂ​പ ഒ​ാരോ ഗു​ണ​ഭോ​ക്താ​വും വി​ഹി​ത​മാ​യി ന​ൽ​കി​യാ​ണ് വൈ​ദ്യു​തി ബി​ൽ അ​ട​ച്ചി​രു​ന്ന​ത്. ഗു​ണ​ഭോ​ക്തൃ ക​മ്മി​റ്റി​യാ​ണ് ഇ​ക്കാ​ര്യം നി​ർ​വ​ഹി​ച്ചി​രു​ന്ന​ത്.

ക​മ്മി​റ്റി​യു​ടെ പി​ടി​പ്പുകേ​ടാ​ണ് കു​ടി​വെ​ള്ളം മു​ട​ങ്ങാ​ൻ കാ​ര​ണ​മെ​ന്ന് കോ​ള​നി​ക്കാ​ർ പ​റ​യു​ന്നു.

ഗു​ണ​ഭോ​ക്താ​ക്ക​ൾ പ​ണം ന​ൽ​കാ​താ​യ​താ​ണ് കെ.​എ​സ്.​ഇ.​ബി ക​ണ​ക്ഷ​ൻ വി​ച്ഛേ​ദി​ക്കാ​ൻ ഇ​ട​യാ​യ​തെ​ന്നും സം​ഭ​വം ട്രൈ​ബ​ൽ വ​കു​പ്പ് അ​ധി​കൃ​ത​രു​ടെ ശ്ര​ദ്ധ​യി​ൽ​പ്പെ​ടു​ത്തി​യി​ട്ടു​ണ്ടെ​ന്നും പ്ര​ശ്ന​പ​രി​ഹാ​ര​മു​ണ്ടാ​കു​മെ​ന്നും വാ​ർ​ഡ് മെം​ബ​ർ മു​രു​കേ​ശ​ൻ പ​റ​ഞ്ഞു.