തോ​ട്ടം തൊ​ഴി​ലാ​ളി​ക​ളു​ടെ ക്ഷാ​മ​ബ​ത്ത വ​ർ​ധി​പ്പി​ക്കാ​ൻ ന​ട​പ​ടി​യി​ല്ല

മേ​പ്പാ​ടി: സം​സ്ഥാ​ന​ത്ത് ഏ​റ്റ​വും കു​റ​ഞ്ഞ ദി​വ​സ വേ​ത​ന​ത്തി​ന് ജോ​ലി ചെ​യ്തുവ​രു​ന്ന തോ​ട്ടം തൊ​ഴി​ലാ​ളി​ക​ളു​ടെ ക്ഷാ​മബ​ത്ത​യി​ൽ കാ​ലാ​നു​സൃ​ത​മാ​യ മാ​റ്റം വ​രു​ത്തു​ന്നി​ല്ലെ​ന്ന് ആ​ക്ഷേ​പം. ക​ഴി​ഞ്ഞ മൂ​ന്നു പ​തി​റ്റാ​ണ്ടി​നി​ടെ മൂ​ന്നു ഘ​ട്ട​ങ്ങ​ളി​ലാ​യി ര​ണ്ടു പൈ​സ​യു​ടെ വ​ർ​ധ​ന മാ​ത്ര​മാ​ണെ​ന്നാ​ണ് തൊ​ഴി​ലാ​ളി​ക​ൾ ചൂ​ണ്ടി​ക്കാ​ണി​ക്കു​ന്ന​ത്. ക്ഷാ​മ​ബ​ത്ത വ​ർ​ധി​പ്പി​ക്കാ​ൻ യാ​തൊ​രു ന​ട​പ​ടി​യും സ്വീ​ക​രി​ക്കാ​ത്ത​തി​നെ​തി​രെ തൊ​ഴി​ലാ​ളി​ക​ൾ​ക്കി​ട​യി​ൽ അ​മ​ർ​ഷ​വും ശ​ക്ത​മാ​ണ്.

1990 വ​രെ ക്ഷാ​മ​ബ​ത്ത​യി​ൽ ആ​നു​പാ​തി​ക വ​ർ​ധ​ന​വു​ണ്ടാ​യി​രു​ന്നു. പി​ന്നീ​ട് 1996ൽ ​ഒ​രു പൈ​സ വ​ർ​ധി​പ്പി​ച്ചു.

2008ലും 2016​ലും അ​ര പൈ​സ വീ​തം വ​ർ​ധി​പ്പി​ച്ചു. മൂ​ന്നാ​ർ പെ​മ്പി​ളൈ ഒ​രു​മൈ സ​മ​ര​ത്തെ​ത്തു​ട​ർ​ന്നാ​ണ് 2020ൽ ​അ​ന്ന​ത്തെ ഉ​മ്മ​ൻ​ ചാ​ണ്ടി സ​ർ​ക്കാ​ർ തൊ​ഴി​ലാ​ളി​ക​ളു​ടെ അ​ടി​സ്ഥാ​ന ദി​വ​സവേ​ത​ന​ത്തി​ൽ 52 രൂ​പ​യു​ടെ വ​ർ​ധ​ന വ​രു​ത്തി​യ​ത്. അ​പ്പോ​ഴും നി​ല​വി​ലു​ള്ള ക്ഷാ​മ​ബ​ത്ത തു​ട​രാ​നാ​ണ് പ്ലാ​ന്‍റേ​ഷ​ൻ ലേ​ബ​ർ ക​മ്മി​റ്റി ശി​പാ​ർ​ശ ചെ​യ്ത​ത്. തൊ​ഴി​ലാ​ളി യൂ​നി​യ​ൻ, മാ​നേ​ജ്മെ​ന്‍റ്, സ​ർ​ക്കാ​ർ പ്ര​തി​നി​ധി​ക​ള​ട​ങ്ങി​യ പ്ലാ​ന്‍റേ​ഷ​ൻ ലേ​ബ​ർ ക​മ്മി​റ്റി​യാ​ണ് ഇ​തു​സം​ബ​ന്ധി​ച്ച് സ​ർ​ക്കാ​റി​നോ​ട് ശി​പാ​ർ​ശ ചെ​യ്യേ​ണ്ട​ത്.

നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​പ​ണി വി​ല​യെ അ​ടി​സ്ഥാ​ന​പ്പെ​ടു​ത്തി​യാ​ണ് ക്ഷാ​മ​ബ​ത്ത നി​ശ്ച​യി​ക്കു​ന്ന​ത്. ഇ​ക്കാ​ല​യ​ള​വി​നു​ള്ളി​ൽ നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല ഇ​ര​ട്ടി​യും ര​ണ്ടി​ര​ട്ടി​യു​മൊ​ക്കെ വ​ർ​ധി​ച്ചെ​ങ്കി​ലും ക്ഷാ​മ​ബ​ത്ത​യി​ൽ വ​ർ​ധ​ന​യു​ണ്ടാ​യി​ല്ല.

മൂ​ന്നു​വ​ർ​ഷം കൂ​ടു​മ്പോ​ൾ കൂ​ലി വ​ർ​ധ​ന, ക്ഷാ​മ​ബ​ത്ത​യി​ൽ വ​ർ​ർ​ധ​ന എ​ന്നി​വ വ​രു​ത്ത​ണ​മെ​ന്നാ​ണ് വ്യ​വ​സ്ഥ. തോ​ട്ടം മേ​ഖ​ല​യി​ലെ സൂ​പ്പ​ർ​വൈ​സ​ർ വി​ഭാ​ഗ​ത്തി​ൽ​പെ​ട്ട​വ​ർ​ക്ക് ഇ​ക്കാ​ല​യ​ള​വി​ൽ ക്ഷാ​മ​ബ​ത്ത​യി​ൽ 60 പൈ​സ വ​ർ​ധി​പ്പി​ക്കു​ക​യും ചെ​യ്തി​ട്ടു​ണ്ട്. തൊ​ഴി​ലാ​ളി​യു​ടെ കാ​ര്യ​ത്തി​ൽ വ്യ​വ​സ്ഥ​ക​ൾ പാ​ലി​ക്ക​പ്പെ​ടു​ന്നി​ല്ല എ​ന്ന ആ​ക്ഷേ​പം ഉ​യ​ർ​ന്നി​ട്ടു​ണ്ട്.

ക്ഷാ​മ​ബ​ത്ത​യി​ൽ വ​ർ​ധ​ന വേ​ണ​മെ​ന്നാ​വ​ശ്യ​പ്പെ​ട്ട് ഇ​ടു​ക്കി ജി​ല്ല​യി​ൽ നി​ന്ന് ഒ​രു തൊ​ഴി​ലാ​ളി ഹൈ​കോ​ട​തി​യെ സ​മീ​പി​ച്ചി​രു​ന്നു.

തു​ട​ർ​ന്ന് ലേ​ബ​ർ ക​മീ​ഷ​ണ​ർ ഹൈ​കോ​ട​തി​യി​ൽ ന​ൽ​കി​യ സ​ത്യ​വാ​ങ്മൂ​ല​ത്തി​ലാ​ണ് ക​ഴി​ഞ്ഞ 30 വ​ർ​ഷ​ത്തി​നി​ടെ ര​ണ്ടു പൈ​സ​യു​ടെ വ​ർ​ധ​ന മാ​ത്ര​മാ​ണ് ക്ഷാ​മ​ബ​ത്ത​യി​ൽ വ​രു​ത്തി​യി​ട്ടു​ള്ള​തെ​ന്ന് വ്യ​ക്ത​മാ​ക്കി​യി​ട്ടു​ള്ള​ത്. വ​ർ​ധ​ന വേ​ണ​മെ​ന്ന് ഇ​ക്കാ​ല​യ​ള​വി​നു​ള്ളി​ൽ ഒ​രു ട്രേ​ഡ് യൂ​നി​യ​നും ആ​വ​ശ്യ​പ്പെ​ട്ടി​ട്ടി​ല്ലെ​ന്നും ക​മീ​ഷ​ണ​റു​ടെ സ​ത്യ​വാ​ങ്മൂ​ല​ത്തി​ൽ പ​റ​യു​ന്നു​ണ്ട് എ​ന്നാ​ണ് വി​വ​രം. ഇ​തി​ന്‍റെ അ​ടി​സ്ഥാ​ന​ത്തി​ൽ തൊ​ഴി​ലാ​ളി​യു​ടെ ഹ​ര​ജി ഹൈ​കോ​ട​തി ത​ള്ളു​ക​യാ​യി​രു​ന്നു.

ക്ഷാ​മ​ബ​ത്ത​യി​ൽ വ​ർ​ധ​ന വ​രു​ത്താ​ൻ വേ​ണ്ട​ത്ര വി​ല വ​ർ​ധ​ന​യു​ണ്ടാ​യി​ട്ടി​ല്ലെ​ന്ന വി​ചി​ത്ര വാ​ദ​മാ​ണ് പി.​എ​ൽ.​സി അം​ഗീ​ക​രി​ച്ച​തെ​ന്നും അ​ക്കാ​ര​ണ​ത്താ​ലാ​ണ് ക്ഷാ​മ​ബ​ത്ത വ​ർ​ധ​ന ച​ർ​ച്ച ചെ​യ്യ​പ്പെ​ടാ​ത്ത​തെ​ന്ന ആ​ക്ഷേ​പ​വും തൊ​ഴി​ലാ​ളി​ക​ൾ​ക്കി​ട​യി​ലു​ണ്ട്.

ജീ​വി​ത​ച്ചെ​ല​വ് ക്ര​മാ​തീ​ത​മാ​യി വ​ർ​ധി​ച്ച സാ​ഹ​ച​ര്യ​ത്തി​ൽ ക്ഷാ​മ​ബ​ത്ത വ​ർ​ധി​പ്പി​ക്കാ​ത്ത​ത് ക​ടു​ത്ത അ​നീ​തി​യും വ്യ​വ​സ്ഥ​ക​ളു​ടെ ലം​ഘ​ന​വു​മാ​ണെ​ന്ന് എ​ച്ച്.​എം.​എ​സ് ജി​ല്ല ജ​ന​റ​ൽ സെ​ക്ര​ട്ട​റി പി.​കെ. അ​നി​ൽ​കു​മാ​ർ ‘മാ​ധ്യ​മ’ ത്തോ​ട് പ​റ​ഞ്ഞു. ക്ഷാ​മ​ബ​ത്ത വ​ർ​ധി​പ്പി​ക്കാ​നാ​വ​ശ്യ​മാ​യ ച​ർ​ച്ച​യും തീ​രു​മാ​ന​വും അ​ടി​യ​ന്ത​ര​മാ​യി ഉ​ണ്ടാ​ക​ണ​മെ​ന്നാ​ണ് തോ​ട്ടം മേ​ഖ​ല​യി​ൽനി​ന്ന് ഉ​യ​രു​ന്ന ആ​വ​ശ്യം.