നിപ: വ​യ​നാ​ട്ടി​ലും ജാ​ഗ്ര​ത

ക​ൽ​പ​റ്റ: കോ​ഴി​ക്കോ​ട് ജി​ല്ല​യി​ൽ നി​പ രോ​ഗം സ്ഥി​രീ​ക​രി​ച്ച സാ​ഹ​ച​ര്യ​ത്തി​ൽ വ​യ​നാ​ട്ടി​ലും ജാ​ഗ്ര​ത പു​ല​ർ​ത്തേ​ണ്ട​തു​ണ്ടെ​ന്ന് ജി​ല്ല മെ​ഡി​ക്ക​ൽ ഓ​ഫി​സ​ർ ഡോ. ​ആ​ർ. രേ​ണു​ക അ​റി​യി​ച്ചു. രോ​ഗ​വു​മാ​യി ബ​ന്ധ​പ്പെ​ട്ട്​ പൊ​തു​ജ​ന​ങ്ങ​ളെ ബോ​ധ​വ​ത്​​ക​രി​ക്കാ​ൻ വി​വി​ധ നി​ർ​ദേ​ശ​ങ്ങ​ൾ ആ​രോ​ഗ്യ​വ​കു​പ്പ്​ ന​ൽ​കി. നി​പ, കോ​വി​ഡ് പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ എ​ല്ലാ​വ​രും പ​ങ്കാ​ളി​ക​ളാ​ക​ണ​മെ​ന്നും ഡി.​എം.​ഒ അ​ഭ്യ​ർ​ഥി​ച്ചു.

എ​ന്താ​ണ് നി​പ:

പാ​രാ​മി​ക്സോ കു​ടും​ബ​ത്തി​ൽ​പെ​ട്ട ആ​ർ.​എ​ൻ.​എ വൈ​റ​സ് ആ​ണ് നി​പ. മ​നു​ഷ്യ​രി​ൽ ഇ​തി​െൻറ രോ​ഗ​ബാ​ധ ഹ്യൂ​മ​ൻ നി​പ വൈ​റ​സ് ഇ​ൻ​ഫെ​ക്​​ഷ​ൻ (എ​ൻ.​ഐ.​വി) എ​ന്ന് അ​റി​യ​പ്പെ​ടു​ന്നു. വ​ലി​യ പ​ഴം​തീ​നി വ​വ്വാ​ലു​ക​ളാ​ണ് പ്ര​ധാ​ന​മാ​യും രോ​ഗ​വാ​ഹ​ക​ർ. രോ​ഗ​വാ​ഹ​ക​രാ​യ വ​വ്വാ​ലു​ക​ൾ ഭ​ക്ഷി​ച്ച അ​വ​ശി​ഷ്​​ടം ക​ഴി​ച്ചി​ട്ടു​ള്ള പ​ന്നി​ക​ളും മ​റ്റു മൃ​ഗ​ങ്ങ​ളും രോ​ഗാ​ണു​സം​ഭ​ര​ണി​യാ​യി മാ​റാം. നാ​ലു മു​ത​ൽ 14 ദി​വ​സം വ​രെ​യാ​ണ് ബീ​ജ ഗ​ർ​ഭ​കാ​ലം (ഇ​ൻ​ക്യു​ബേ​ഷ​ൻ).

പ​ക​രു​ന്ന​തെ​ങ്ങ​നെ:

രോ​ഗാ​ണു​ബാ​ധ​യു​ള്ള വ​വ്വാ​ൽ, പ​ന്നി എ​ന്നി​വ​യി​ലൂ​ടെ​യോ രോ​ഗ​ബാ​ധ​യു​ള്ള മ​നു​ഷ്യ​രി​ൽ​നി​ന്നോ രോ​ഗം പ​ക​രാം.

പ്ര​കൃ​തി​ദ​ത്ത വാ​ഹ​ക​രി​ൽ​നി​ന്ന് രോ​ഗാ​ണു ബാ​ധി​ച്ച പ​ഴ​ങ്ങ​ൾ ഭ​ക്ഷി​ക്കു​ക​യോ ക​ള്ള് ഉ​പ​യോ​ഗി​ക്കു​ക​യോ ചെ​യ്യു​ന്ന​തി​ലൂ​ടെ​യും ഉ​ണ്ടാ​വാം.

രോ​ഗ​ല​ക്ഷ​ണ​ങ്ങ​ൾ:

മൂ​ന്ന്​ മു​ത​ൽ 14 ദി​വ​സം വ​രെ നീ​ണ്ടു​നി​ൽ​ക്കു​ന്ന പ​നി, ത​ല​വേ​ദ​ന, ത​ല​ക​റ​ക്കം, മ​യ​ക്കം, ഛർ​ദ്ദി, അ​പ​സ്മാ​രം, മ​സ്തി​ഷ്ക​ജ്വ​രം, അ​ബോ​ധാ​വ​സ്ഥ, വി​ഭ്രാ​ന്തി എ​ന്നി​വ​യാ​ണ് പ്ര​ധാ​ന ല​ക്ഷ​ണ​ങ്ങ​ൾ.ഈ ​രോ​ഗ​ല​ക്ഷ​ണ​ങ്ങ​ൾ ഉ​ണ്ടെ​ങ്കി​ൽ സ്വ​യം ചി​കി​ത്സി​ക്കാ​തെ എ​ത്ര​യും​പെ​ട്ടെ​ന്ന് ആ​രോ​ഗ്യ​കേ​ന്ദ്ര​ങ്ങ​ളി​ൽ ചി​കി​ത്സ​തേ​ട​ണം. ര​ക്ത​പ​രി​ശോ​ധ​ന​യി​ലൂ​ടെ​യാ​ണ് രോ​ഗം സ്ഥി​രീ​ക​രി​ക്കു​ക.

പ്ര​തി​രോ​ധ​ മാ​ർ​ഗ​ങ്ങ​ൾ:

1. വ​വ്വാ​ൽ, മ​റ്റ് പ​ക്ഷി​മൃ​ഗാ​ദി​ക​ൾ ഭാ​ഗി​ക​മാ​യി ഭ​ക്ഷി​ച്ച പ​ഴ​ങ്ങ​ൾ/ കാ​യ്ക​നി​ക​ൾ ക​ഴി​ക്കാ​തി​രി​ക്കു​ക.

2. വ​വ്വാ​ലു​ക​ൾ ചേ​ക്കേ​റു​ന്ന സ്ഥ​ല​ങ്ങ​ൾ​ക്ക് സ​മീ​പ​മു​ള്ള കി​ണ​റു​ക​ൾ അ​വ​യു​ടെ ശ​രീ​ര​സ്ര​വ​ങ്ങ​ൾ വീ​ഴാ​ത്ത​വി​ധം അ​ട​ച്ച് സൂ​ക്ഷി​ക്കു​ക.

3. നി​പ രോ​ഗം സ്ഥി​രീ​ക​രി​ച്ച സ്ഥ​ല​ങ്ങ​ൾ സ​ന്ദ​ർ​ശി​ക്കാ​തി​രി​ക്കു​ക.

4. നി​പ രോ​ഗം സ്ഥി​രീ​ക​രി​ക്ക​പ്പെ​ട്ട വ്യ​ക്തി​ക​ളു​മാ​യോ രോ​ഗ​ല​ക്ഷ​ണ​ങ്ങ​ൾ ഉ​ള്ള​വ​രു​മാ​യോ സ​മ്പ​ർ​ക്കം ഉ​ണ്ടാ​വാ​തി​രി​ക്കു​ക.

5. വ​ന​ങ്ങ​ളി​ലും വ​വ്വാ​ലു​ക​ൾ ചേ​ക്കേ​റു​ന്ന സ്ഥ​ല​ങ്ങ​ളി​ലും സ​ന്ദ​ർ​ശി​ക്കാ​തി​രി​ക്കു​ക.

6. പ​ന്നി​വ​ള​ർ​ത്ത​ൽ കേ​ന്ദ്ര​ങ്ങ​ൾ, മ​റ്റ് ഫാ​മു​ക​ൾ എ​ന്നി​വ വ​വ്വാ​ൽ ക​ട​ക്കാ​ത്ത​വി​ധം വ​ല​യി​ട്ട് സൂ​ക്ഷി​ക്കു​ക.

6. പ​ഴ​ങ്ങ​ളും പ​ച്ച​ക്ക​റി​ക​ളും ന​ന്നാ​യി ക​ഴു​കി മാ​ത്രം ഉ​പ​യോ​ഗി​ക്കു​ക.

7. വ്യ​ക്തി​ശു​ചി​ത്വം പാ​ലി​ക്കു​ക.

Nipah reappears in Kozhikode

Nipah virus, Kozhikode