കൈ​ക്കൂ​ലി വാ​ങ്ങി​യ കേ​സി​ൽ ന​ഗ​ര​സ​ഭ ജീ​വ​ന​ക്കാ​ർ അ​റ​സ്റ്റി​ൽ

ഗൂ​ഡ​ല്ലൂ​ർ: ഗൂ​ഡ​ല്ലൂ​ർ മു​നി​സി​പ്പാ​ലി​റ്റി​യി​ലെ റ​വ​ന്യൂ അ​സി​സ്റ്റ​ന്റ് ഉ​ൾ​പ്പെ​ടെ ര​ണ്ടു​പേ​ർ വീ​ടി​ന് ഡോ​ർ ന​മ്പ​ർ അ​നു​വ​ദി​ക്കാ​ൻ 11,000 രൂ​പ കൈ​ക്കൂ​ലി വാ​ങ്ങ​വെ പൊ​ലീ​സി​ന്റെ പി​ടി​യി​ലാ​യി. റ​വ​ന്യൂ അ​സി​സ്റ്റ​ന്റ് ശ്രീ​ജി​ത്ത് , സ​ഹാ​യി ര​മേ​ശ് എ​ന്നി​വ​രാ​ണ് പ​ണം കൈ​മാ​റു​ന്ന​തി​നി​ടെ അ​ഴി​മ​തി വി​രു​ദ്ധ പൊ​ലീ​സി​ന്റെ പി​ടി​യി​ലാ​യ​ത്.

ഗൂ​ഡ​ല്ലൂ​രി​ന് സ​മീ​പം തൊ​റ​പ്പ​ള്ളി പ്ര​ദേ​ശ​ത്തെ ഒ​രു ഗു​ണ​ഭോ​ക്താ​വാ​ണ് ചേ​രി പ​രി​വ​ർ​ത്ത​ന പ​ദ്ധ​തി​യി​ൽ വീ​ട് നി​ർ​മി​ക്കു​ന്ന​തി​ന് ഡോ​ർ ന​മ്പ​ർ ല​ഭി​ക്കു​ന്ന​തി​നാ​യി ന​ഗ​ര​സ​ഭ ഓ​ഫീ​സി​ലെ റ​വ​ന്യൂ അ​സി​സ്റ്റ​ന്റി​നെ സ​മീ​പി​ച്ച​ത്. ഡോ​ർ ന​മ്പ​ർ ന​ൽ​കാ​ൻ 11000 രൂ​പ കൈ​ക്കൂ​ലി ആ​വ​ശ്യ​പ്പെ​ട്ടെ​ന്നാ​ണ് പ​രാ​തി.

തു​ട​ർ​ന്ന് ഊ​ട്ടി​യി​ലെ അ​ഴി​മ​തി വി​രു​ദ്ധ പൊ​ലീ​സി​ൽ പ​രാ​തി ന​ൽ​കി. പ​രാ​തി​യി​ൽ അ​ഴി​മ​തി വി​രു​ദ്ധ വി​ഭാ​ഗം ഇ​ൻ​സ്‌​പെ​ക്ട​ർ ഗീ​താ​ല​ക്ഷ്മി​യു​ടെ നേ​തൃ​ത്വ​ത്തി​ലു​ള്ള പൊ​ലീ​സ് കേ​സെ​ടു​ത്തു.

ഇ​ൻ​സ്‌​പെ​ക്ട​ർ ഗീ​താ​ല​ക്ഷ്മി​യു​ടെ നേ​തൃ​ത്വ​ത്തി​ൽ തി​ങ്ക​ളാ​ഴ്ച വൈ​കി​ട്ട് പൊ​ലീ​സ് എ​ത്തി രാ​സ​പ​ദാ​ർ​ഥം പു​ര​ട്ടി​യ11,000 രൂ​പ​യു​ടെ നോ​ട്ടു​ക​ൾ പ​രാ​തി​ക്കാ​ര​നെ ഏ​ൽ​പി​ച്ച​ശേ​ഷം മു​നി​സി​പ്പ​ൽ ഓ​ഫീ​സ് സ​മു​ച്ച​യ​ത്തി​ൽ​വെ​ച്ച് പ​ണം കൈ​പ്പ​റ്റി​യ ര​മേ​ഷ് ശ്രീ​ജി​ത്തി​ന് ന​ൽ​കാ​നാ​യി ഓ​ഫീ​സി​ലെ​ത്തി​യ​പ്പോ​ൾ മ​റ​ഞ്ഞി​രു​ന്ന പൊ​ലീ​സ് ഇ​രു​വ​രെ​യും പി​ടി​കൂ​ടി.

ചോ​ദ്യം ചെ​യ്ത​തി​നു​ശേ​ഷം ശ്രീ​ജി​ത്തി​ന്റെ ഒ​ന്നാം മൈലി​ലെ വീ​ട്ടി​ലും മി​ന്ന​ൽ പ​രി​ശോ​ധ​ന ന​ട​ത്തി രേ​ഖ​ക​ളും ഇ​രു​പ​തി​നാ​യി​രം രൂ​പ​യും പ​ണ​വും പി​ടി​ച്ചെ​ടു​ത്തു. രാ​ത്രി ഏ​റെ നേ​രം പ​രി​ശോ​ധ​ന തു​ട​ർ​ന്നു. പി​ന്നീ​ട് ഇ​രു​വ​രെ​യും ഊ​ട്ടി​ലേ​ക്ക് കൊ​ണ്ടു​പോ​യി.

എ​ല്ലാ രേ​ഖ​ക​ളും കൃ​ത്യ​മാ​ണെ​ങ്കി​ൽ പോ​ലും ഒ​രു ഡോ​ർ ന​മ്പ​ർ അ​നു​വ​ദി​ച്ചു കി​ട്ടാ​ൻ 10000 മു​ത​ൽ 40,000 രൂ​പ വ​രെ ന​ൽ​കി​യാ​ൽ മാ​ത്ര​മേ ന​മ്പ​ർ അ​നു​വ​ദി​ക്കു​ക​യു​ള്ളൂ എ​ന്ന് നേ​ര​ത്തെ ത​ന്നെ ശ​ക്ത​മാ​യ പ​രാ​തി ഉ​ണ്ടാ​യി​രു​ന്നു. ശ്രീ​ജി​ത്തി​നെ​തി​രെ​യു​ള്ള പ​രാ​തി ശ​ക്ത​മാ​യ​പ്പോ​ൾ അ​ദ്ദേ​ഹ​ത്തെ മ​റ്റൊ​രു വി​ഭാ​ഗ​ത്തി​ലേ​ക്ക് മാ​റ്റി​യി​രു​ന്നു. പ​ത്ര​ഏ​ജ​ന്‍റും റി​പ്പോർ​ട്ട​റു​മാ​ണ​ന്നു പ​റ​ഞ്ഞി​ട്ട് പോ​ലും കൈ​ക്കൂ​ലി ആ​വ​ശ്യ​പ്പെ​ട്ട സം​ഭ​വ​വും ഗൂ​ഡ​ല്ലൂ​ർ ന​ഗ​ര​സ​ഭ​യി​ൽ ഉ​ണ്ടാ​യി​ട്ടു​ണ്ട്.