വ​യ​നാ​ട്ടി​ല്‍ മോ​ഡ​ല്‍ ഡി​ഗ്രി കോ​ള​ജ്: 7.2 കോ​ടി വി​ത​ര​ണം ചെ​യ്യു​മെ​ന്ന്​ കേ​ന്ദ്ര മ​ന്ത്രി

മാ​ന​ന്ത​വാ​ടി: രാ​ഷ്ട്രീ​യ ഉ​ച്ച​താ​ര്‍ ശി​ക്ഷ അ​ഭി​യാ​ന്‍ (റൂ​സ) പ​ദ്ധ​തി​യി​ല്‍ ഉ​ള്‍പ്പെ​ടു​ത്തി വ​യ​നാ​ട്ടി​ലെ മാ​ന​ന്ത​വാ​ടി മ​ണ്ഡ​ല​ത്തി​ല്‍ നി​ർ​മി​ക്കു​ന്ന കോ​ള​ജ് പ്ര​വൃ​ത്തി​ക്കാ​വ​ശ്യ​മാ​യ ഗ്രാ​ന്‍റ്​ വി​ഹി​തം വേ​ഗ​ത്തി​ലാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ജോ​ണ്‍ ബ്രി​ട്ടാ​സ് എം.​പി രാ​ജ്യ​സ​ഭ​യി​ല്‍ ചോ​ദ്യം ഉ​ന്ന​യി​ച്ചു. മോ​ഡ​ല്‍ ഡി​ഗ്രി കോ​ള​ജി​ന് അ​നു​മ​തി ന​ല്‍കി​യ​താ​യും 10 ഏ​ക്ക​ര്‍ സ്ഥ​ലം കേ​ര​ള സ​ര്‍ക്കാ​ര്‍ സൗ​ജ​ന്യ​മാ​യി ന​ല്‍കി​യ​താ​യും കേ​ന്ദ്ര വി​ഹി​ത​മാ​യ 7.2 കോ​ടി രൂ​പ വി​ത​ര​ണം ചെ​യ്യു​മെ​ന്നും കേ​ന്ദ്ര വി​ദ്യാ​ഭ്യാ​സ സ​ഹ​മ​ന്ത്രി സു​ഭാ​സ്​ സ​ര്‍ക്കാ​ര്‍ മ​റു​പ​ടി ന​ല്‍കി.

വ​യ​നാ​ടി​നു​വേ​ണ്ടി മാ​ന​ന്ത​വാ​ടി​യി​ല്‍ പ്ര​ധാ​ന​മ​ന്ത്രി ഡി​ജി​റ്റ​ലാ​യി ത​റ​ക്ക​ല്ലി​ട​ല്‍ നി​ർ​വ​ഹി​ച്ച കോ​ള​ജാ​ണി​ത്. കോ​ള​ജ് സ്ഥാ​പി​ക്കാ​ന്‍ കേ​ന്ദ്ര​സ​ര്‍ക്കാ​ര്‍ വാ​ഗ്ദാ​നം​ചെ​യ്ത ഫ​ണ്ട് വി​ഹി​തം വൈ​കു​ന്ന​തി​ലെ ത​ട​സ്സം നീ​ക്ക​ണ​മെ​ന്ന് കേ​ന്ദ്ര വി​ദ്യാ​ഭ്യാ​സ​മ​ന്ത്രി ധ​ർ​മേ​ന്ദ്ര പ്ര​ധാ​നെ നേ​രി​ല്‍ക്ക​ണ്ട് ഉ​ന്ന​ത വി​ദ്യാ​ഭ്യാ​സ വ​കു​പ്പ് മ​ന്ത്രി ഡോ. ​ആ​ര്‍. ബി​ന്ദു​വും ക​ഴി​ഞ്ഞ​മാ​സം ആ​വ​ശ്യ​പ്പെ​ട്ടി​രു​ന്നു.

വ​യ​നാ​ട്ടി​ല്‍ മോ​ഡ​ല്‍ ഡി​ഗ്രി കോ​ള​ജി​ന് 2018ല്‍ ​പ​ദ്ധ​തി അം​ഗീ​കാ​ര ബോ​ര്‍ഡ് (പി.​എ.​ബി) യോ​ഗം അ​നു​മ​തി​യും ന​ല്‍കി. അ​തേ​വ​ര്‍ഷം​ത​ന്നെ, മാ​ന​വ​വി​ഭ​വ​ശേ​ഷി മ​ന്ത്രാ​ല​യ തീ​രു​മാ​ന​പ്ര​കാ​ര​മാ​ണ് കോ​ള​ജ് മാ​ന​ന്ത​വാ​ടി​യി​ല്‍ ആ​വാ​മെ​ന്ന് നി​ശ്ച​യി​ച്ച​ത്. സം​സ്ഥാ​ന സ​ര്‍ക്കാ​ര്‍ തു​ട​ര്‍ന​ട​പ​ടി​ക​ള്‍ അ​തി​ദ്രു​തം നീ​ക്കി. മാ​ന​ന്ത​വാ​ടി താ​ലൂ​ക്കി​ലെ പേ​രി​യ വി​ല്ലേ​ജി​ല്‍ നാ​ല് ഹെ​ക്ട​ര്‍ (4.04686) ഭൂ​മി ഏ​റ്റെ​ടു​ത്ത് കൈ​മാ​റി. നാ​ലു ബി​രു​ദ കോ​ഴ്സു​ക​ള്‍ക്കും നാ​ല് അ​ധ്യാ​പ​ക ത​സ്തി​ക​ക​ള്‍ക്കും 10 അ​ന​ധ്യാ​പ​ക ത​സ്തി​ക​ക​ള്‍ക്കും പ്രാ​രം​ഭ​മെ​ന്ന നി​ല​ക്ക്​ അ​നു​മ​തി ന​ല്‍കി. ന​ട​പ​ടി​ക​ള്‍ വേ​ഗ​ത്തി​ലാ​ക്കാ​ന്‍ സ്‌​പെ​ഷ​ല്‍ ഓ​ഫി​സ​റെ​യും നി​യ​മി​ച്ചു. ഈ ​പ​ശ്ചാ​ത്ത​ല​ത്തി​ലാ​ണ് കോ​ള​ജി​ന്​ ത​റ​ക്ക​ല്ലി​ട്ട​ത്. കേ​ന്ദ്ര​വി​ഹി​തം പ്ര​തീ​ക്ഷി​ച്ച് ടെ​ന്‍ഡ​ര്‍ ന​ട​പ​ടി​ക​ള്‍ക്കും തു​ട​ക്ക​മി​ട്ടു. എ​ന്നാ​ല്‍, കേ​ന്ദ്രം പ്ര​ഖ്യാ​പി​ച്ച ഫ​ണ്ട് ല​ഭി​ക്കാ​ത്ത​തി​നാ​ല്‍ റൂ​സ കോ​ള​ജ് വൈ​കു​ക​യാ​യി​രു​ന്നു. തു​ട​ര്‍ന്നാ​ണ് ജോ​ണ്‍ ബ്രി​ട്ടാ​സ് എം.​പി ഉ​ള്‍പ്പെ​ടെ ഇ​ട​പ്പെ​ട്ട​ത്.