തെരുവുനായ്ക്കൾക്ക് പ്രതിരോധ കുത്തിവെപ്പ്; ഷെൽട്ടർ ഹോം പദ്ധതി പ്രഖ്യാപനത്തിലൊതുങ്ങി

മേ​പ്പാ​ടി: തെ​രു​വ് നാ​യ്ക്ക​ളി​ൽനി​ന്ന് ക​ടി​യേ​റ്റ് മ​നു​ഷ്യ​ർ​ക്ക് പേ​വി​ഷ ബാ​ധ​യു​ണ്ടാ​കു​ന്ന​ത് ത​ട​യു​ക എ​ന്ന ല​ക്ഷ്യ​ത്തോ​ടെ സ​ർ​ക്കാ​ർ പ്ര​ഖ്യാ​പി​ച്ച വാ​ക്സി​നേ​ഷ​ൻ, വ​ന്ധ്യം​ക​ര​ണ പ​ദ്ധ​തി​ക​ൾ പാ​തിവ​ഴി​യി​ൽ നി​ല​ച്ചു. മൃ​ഗ​സം​ര​ക്ഷ​ണ വ​കു​പ്പു​മാ​യി സ​ഹ​ക​രി​ച്ച് ഗ്രാ​മ​പ​ഞ്ചാ​യ​ത്തു​ക​ൾ പ​ദ്ധ​തി ന​ട​പ്പാ​ക്ക​ണ​മെ​ന്നാ​യി​രു​ന്നു സ​ർ​ക്കാ​ർ നി​ർ​​ദേ​ശം. ആ​ദ്യ​പ​ടി​യെ​ന്ന നി​ല​യി​ൽ വ​ള​ർ​ത്തു​നാ​യ്ക്ക​ൾ, പൂ​ച്ച​ക​ൾ എ​ന്നി​വ​ക്ക് കു​ത്തി​വെ​പ്പ് ന​ട​ത്താ​നും തു​ട​ർ​ച്ച​യെ​ന്നോ​ണം തെ​രു​വുനാ​യ്ക്ക​ൾ​ക്കുകൂ​ടി വാ​ക്സി​ൻ ന​ൽ​കി അ​വ​യ​ക്ക് ഷെ​ൽ​ട്ട​ർ ഹോ​മു​ക​ൾ ഒ​രു​ക്കി സം​ര​ക്ഷി​ക്കു​മെ​ന്നുമാ​യി​രു​ന്നു പ്ര​ഖ്യാ​പ​നം.

എ​ന്നാ​ൽ മൂ​പ്പൈ​നാ​ട്, മേ​പ്പാ​ടി പ​ഞ്ചാ​യ​ത്തു​ക​ളി​ൽ സെ​പ്റ്റം​ബ​ർ അ​വ​സാ​ന വാ​ര​ത്തി​ൽ വ​ള​ർ​ത്തു​നാ​യ്ക്ക​ൾ​ക്കു​ള്ള കു​ത്തി​വെ​പ്പ് മാ​ത്ര​മാ​ണ് ന​ട​ന്ന​ത്. 30 ദി​വ​സം തി​ക​യു​മ്പോ​ൾ എ​ടു​ക്കേ​ണ്ട ര​ണ്ടാം ഡോ​സ് കു​ത്തി​വെ​പ്പ് പോ​ലും പൂ​ർ​ത്തീ​ക​രി​ക്കാ​നാ​യി​ല്ല. അ​പൂ​ർ​വം ചി​ല​ർ സ്വ​ന്തം നി​ല​ക്ക് നാ​യ്ക്ക​ളെ മൃ​ഗാ​ശു​പ​ത്രി​ക​ളി​ലെ​ത്തി​ച്ച് ര​ണ്ടാം ഡോ​സ് കു​ത്തി​വെ​പ്പ് എ​ടു​ത്തു എ​ന്നുമാ​ത്രം. വ​ള​ർ​ത്തു​നാ​യ്ക്ക​ൾ​ക്ക് പ​ഞ്ചാ​യ​ത്ത് ലൈ​സ​ൻ​സ് നി​ർ​ബ​ന്ധ​മാ​ക്കു​ക​യും ലൈ​സ​ൻ​സ് ഫീ​സ് വ​ർ​ധി​പ്പി​ക്കു​ക​യും​കൂ​ടി ചെ​യ്തു.

തെ​രുവുനാ​യ്ക്ക​ൾ​ക്ക് ഷെ​ൽ​ട്ട​ർ ഹോം ​ഒ​രു​ക്കാ​നും കു​ത്തി​വെ​പ്പ് ന​ട​ത്താ​നു​മു​ള്ള ചു​മ​ത​ല പ​ഞ്ചാ​യ​ത്തു​ക​ളെ ഏ​ൽ​പി​ച്ച​തോ​ടെ​യാ​ണ് പ​ദ്ധ​തി പാ​ളി​യ​തെ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു. ത​ങ്ങ​ൾ​ക്ക് ഇ​തി​നു​ള്ള ഫ​ണ്ട് അ​നു​വ​ദി​ച്ചി​ട്ടി​ല്ലെ​ന്നു ചൂ​ണ്ടി​ക്കാ​ട്ടി പ​ഞ്ചാ​യ​ത്തു​ക​ൾ കൈ​ക​ഴു​കി. ഇ​തി​നി​ട​യി​ൽ കു​ള​മ്പു​രോ​ഗ കു​ത്തി​വെ​പ്പ് പ​ദ്ധ​തി കൂ​ടി വ​ന്ന​തോ​ടെ മൃ​ഗ​സം​ര​ക്ഷ​ണ വ​കു​പ്പ​ധി​കൃ​ത​രും അ​ല​സ​ത​യി​ലാ​യി. അ​മി​ത ജോ​ലി​ഭാ​രം എ​ന്ന​ത് ചൂ​ണ്ടി​ക്കാ​ട്ടി​യാ​ണ് അ​വ​രും പി​ന്നോ​ട്ട​ടി​ച്ച​ത്. ഇ​തോ​ടെ വ​ള​ർ​ത്തുനാ​യ്ക്ക​ൾ​ക്കു​ള്ള കു​ത്തി​വെ​പ്പ് മാ​ത്ര​മാ​യി പ​ദ്ധ​തി ചു​രു​ങ്ങി. ഇ​താ​ക​ട്ടെ നാ​യ്ക്ക​ളെ ഓ​മ​നി​ച്ച് വ​ള​ർ​ത്തു​ന്ന​വ​ർ സ്വ​ന്തംനി​ല​ക്ക് ചെ​യ്തു​വ​ന്നി​രു​ന്ന​തു​മാ​ണ്. മു​മ്പ് കു​ത്തി​വെ​പ്പ് എ​ടു​ത്ത​വ​രാ​ണ് പ​ല​രും ബൂ​സ്റ്റ​ർ ഡോ​സ് എ​ന്ന നി​ല​ക്ക് ര​ണ്ടാ​മ​തും കു​ത്തി​വെ​പ്പി​ച്ച​ത്.

ജ​ന​ങ്ങ​ൾ​ക്ക് ഭീ​ഷ​ണി ഉ​യ​ർ​ത്തു​ന്ന​ത് വ​ള​ർ​ത്തു​നാ​യ്ക്ക​ള​ല്ല, തെ​രു​വ് നാ​യ്ക്ക​ളാ​ണ്. നി​ര​വ​ധി പേ​ർ​ക്ക് തെ​രുവുനാ​യ്ക്ക​ളു​ടെ ക​ടി​യേ​റ്റ​തു​മാ​യി ബ​ന്ധ​പ്പെ​ട്ടു​ണ്ടാ​യ ബ​ഹ​ള​ങ്ങ​ൾ​ക്കി​ട​യി​ലാ​ണ് സ​ർ​ക്കാ​ർ പ​ദ്ധ​തി പ്ര​ഖ്യാ​പി​ച്ച​ത്. അ​യ​ൽ സം​സ്ഥാ​ന​മാ​യ ത​മി​ഴ്നാ​ട്ടി​ൽ തെ​രു​വ് നാ​യ്ക്ക​ൾ​ക്കു​ള്ള പ്ര​തി​രോ​ധ കു​ത്തി​വെപ്പ്, വ​ന്ധ്യം​ക​ര​ണം എ​ന്നി​വ വി​ജ​യ​ക​ര​മാ​യി പു​രോ​ഗ​മി​ക്കു​മ്പോ​ഴാ​ണ് ഇ​വി​ടെ പ​ദ്ധ​തി പാ​തി​വ​ഴി​യി​ലാ​യ​ത്.