ആ​ദി​വാ​സി കോ​ള​നി​യി​ലേക്കുള്ള വഴി റിസോർട്ടുകാർ അടച്ചു; വ​നം​വ​കു​പ്പ് തുറന്നു

മേ​പ്പാ​ടി: വാ​ള​ത്തൂ​ർ ബാ​ല​ൻ​കു​ണ്ട് ആ​ദി​വാ​സി കോ​ള​നി​യി​ലെ കു​ടും​ബ​ങ്ങ​ൾ പ​തി​റ്റാ​ണ്ടു​ക​ളാ​യി ഉ​പ​യോ​ഗി​ച്ചി​രു​ന്ന വ​ഴി സ്വ​കാ​ര്യ റി​സോ​ർ​ട്ട് ഉ​ട​മ​ക​ൾ അ​ട​ച്ച് മു​ള്ളു​വേ​ലി സ്ഥാ​പി​ച്ച​ത് പ​രാ​തി​ക​ളെ​ത്തു​ട​ർ​ന്ന് വ​നം​വ​കു​പ്പ് പ്ര​ത്യേ​ക സ്ക്വാ​ഡ് വീ​ണ്ടും തു​റ​ന്നു​കൊ​ടു​ത്തു. കോ​ള​നി​യി​ലേ​ക്കു​ള്ള വ​ഴി അ​ട​ച്ച​ശേ​ഷം തൊ​ട്ട​പ്പു​റ​ത്തെ വ​ന​ത്തി​ലൂ​ടെ അ​ടി​ക്കാ​ട് വെ​ട്ടി​ത്തെ​ളി​ച്ച് താ​ൽ​​ക്കാ​ലി​ക ന​ട​വ​ഴി റി​സോ​ർ​ട്ടു​കാ​ർ ത​ന്നെ വെ​ട്ടി​ക്കൊ​ടു​ത്തി​രു​ന്നു. എ​ന്നാ​ൽ, സ്ത്രീ​ക​ളും കു​ട്ടി​ക​ളു​മ​ട​ങ്ങു​ന്ന​വ​ർ​ക്ക് ന​ട​ന്നു​പോ​കാ​ൻ ക​ഴി​യാ​ത്ത രീ​തി​യി​ലാ​യി​രു​ന്നു വ​ഴി. കു​ണ്ടും കു​ഴി​ക​ളും താ​ണ്ടി സാ​ഹ​സി​ക​യാ​ത്ര ന​ട​ത്തി​വേ​ണം അ​വ​ർ​ക്ക് കോ​ള​നി​യി​ലെ​ത്താ​ൻ.

കോ​ള​നി​വാ​സി​ക​ൾ വ​ർ​ഷ​ങ്ങ​ളാ​യി ഉ​പ​യോ​ഗി​ച്ചു​വ​ന്ന വ​ഴി ക​മ്പി​വേ​ലി കെ​ട്ടി അ​ട​ച്ച​തി​നെ തു​ട​ർ​ന്ന് ദു​ർ​ഘ​ട​പാ​ത താ​ണ്ടി യാ​ത്ര​ചെ​യ്യേ​ണ്ടി​വ​ന്ന ആ​ദി​വാ​സി​ക​ളു​ടെ ദു​രി​ത​ത്തെ​ക്കു​റി​ച്ച് ' മാ​ധ്യ​മം' വാ​ർ​ത്ത ന​ൽ​കി​യി​രു​ന്നു. പി​ന്നീ​ട്​ റി​സോ​ർ​ട്ടു​കാ​ർ ക​മു​കി​ൻ ത​ടി​ക​ൾ​കൊ​ണ്ട് പ​ട​വു​ക​ൾ നി​ർ​മി​ച്ച് വ​ഴി വീ​ണ്ടും ന​ന്നാ​ക്കി കൊ​ടു​ത്തി​രു​ന്നു. വ​ഴി അ​ട​ച്ച​തു​സം​ബ​ന്ധി​ച്ച് പ്ര​ദേ​ശ​ത്തു​ള്ള ചി​ല​ർ പ​ട്ടി​ക​വ​ർ​ഗ വ​കു​പ്പ​ധി​കൃ​ത​ർ​ക്കും വ​നം​വ​കു​പ്പി​നും പ​രാ​തി​ക​ൾ ന​ൽ​കി​യി​രു​ന്നു. സ്വ​കാ​ര്യ​വ്യ​ക്തി​ക​ൾ​ക്ക് വ​ന​ത്തി​നു​ള്ളി​ലൂ​ടെ വ​ഴി നി​ർ​മി​ക്കാ​ൻ ആ​ര് അ​നു​മ​തി​ന​ൽ​കി​​യെ​ന്ന ചോ​ദ്യ​വു​മു​​യ​ർ​ന്നു.വ​നാ​വ​കാ​ശ നി​യ​മ​മ​നു​സ​രി​ച്ചാ​ണ്​ ഇ​വി​ട​ത്തെ കു​ടും​ബ​ങ്ങ​ൾ​ക്ക് വ​ന​ത്തി​നു​ള്ളി​ൽ ഭൂ​മി അ​നു​വ​ദി​ച്ചി​ട്ടു​ള്ള​ത്. അ​വ​ർ​ക്ക് ന​ൽ​കി​യ കൈ​വ​ശ രേ​ഖ​യി​ൽ അ​വി​ടേ​ക്കു​ള്ള വ​ഴി​യും രേ​ഖ​പ്പെ​ടു​ത്തി​യി​ട്ടു​ണ്ടാ​ക​ണം. ആ ​വ​ഴി എ​വി​ടെ എ​ന്ന​ചോ​ദ്യം അ​വ​ശേ​ഷി​ക്കു​ക​യാ​ണ്. അ​ത് റി​സോ​ർ​ട്ടു​കാ​ർ വ​ന​ത്തി​ലൂ​ടെ പു​തു​താ​യി നി​ർ​മി​ച്ച വ​ഴി ആ​കാ​നി​ട​യി​ല്ലെ​ന്ന​തും വ്യ​ക്ത​മാ​ണ്. വ​ഴി അ​ട​ക്കാ​ൻ മു​മ്പും റി​സോ​ർ​ട്ടു​കാ​ർ ശ്ര​മം​ന​ട​ത്തി​യി​രു​ന്നു. അ​ന്ന്​ ട്രൈ​ബ​ൽ ഓ​ഫി​സ​ർ നേ​രി​ട്ടെ​ത്തി വ​ഴി തു​റ​ന്നു​കൊ​ടു​ക്കു​ക​യാ​യി​രു​ന്നു.

മേ​പ്പാ​ടി വ​നം റേ​ഞ്ചി​ന് കീ​ഴി​ൽ ബ​ഡേ​രി സെ​ക്​​ഷ​ൻ പ​രി​ധി​യി​ലാ​ണ് ബാ​ല​ൻ​കു​ണ്ട് ചോ​ല​നാ​യ്ക്ക കോ​ള​നി. ഒ​ന്നി​ല​ധി​കം കു​ടും​ബ​ങ്ങ​ളി​ൽ​പെ​ട്ട 12 പേ​രാ​ണ് ബാ​ല​ൻ​കു​ണ്ടി​ൽ ക​ഴി​യു​ന്ന​ത്. പ്രാ​ക്ത​ന ഗോ​ത്ര​വി​ഭാ​ഗ​ത്തി​ൽ​പെ​ടു​ന്ന ഇ​വ​ർ​ക്ക് റോ​ഡ്, വൈ​ദ്യു​തി, അ​ട​ച്ചു​റ​പ്പു​ള്ള വീ​ട് തു​ട​ങ്ങി​യ സൗ​ക​ര്യ​ങ്ങ​ളൊ​ന്നും ല​ഭ്യ​മാ​യി​ട്ടി​ല്ല.ത​ല​മു​റ​ക​ളാ​യി ഉ​പ​യോ​ഗി​ച്ചി​രു​ന്ന വ​ഴി അ​ട​ച്ച​തി​ന് പു​റ​മെ വ​ന​ത്തി​ൽ ഇ​റ​ങ്ങി റി​സോ​ർ​ട്ടു​കാ​ർ വ​ഴി നി​ർ​മി​ച്ചി​ട്ടും വ​നം അ​ധി​കൃ​ത​ർ അ​ന​ങ്ങി​യി​ല്ല. ര​ണ്ടാം​വ​ട്ട വ​ഴി​നി​ർ​മാ​ണ​വും അ​വ​ർ ന​ട​ത്തു​ന്ന​ത് വ​നം അ​ധി​കൃ​ത​ർ ക​ണ്ടു​നി​ന്ന​തേ​യു​ള്ളൂ.

ആ​ദി​വാ​സി സം​ഘ​ട​ന, പ​ശ്ചി​മ​ഘ​ട്ട സം​ര​ക്ഷ​ണ​സ​മി​തി എ​ന്നി​വ​യു​ടെ ഭാ​ര​വാ​ഹി​ക​ൾ സ്ഥ​ലം സ​ന്ദ​ർ​ശി​ക്കു​ക​യും ഇ​ട​പെ​ട​ൽ ആ​വ​ശ്യ​പ്പെ​ടു​ക​യും ചെ​യ്തു​വെ​ങ്കി​ലും അ​ധി​കൃ​ത​ർ ആ​ദ്യം അ​ന​ങ്ങി​യി​ല്ല. പ​ഞ്ചാ​യ​ത്ത് അ​ധി​കൃ​ത​രും ആ​ദി​വാ​സി​ക​ളെ സ​ഹാ​യി​ക്കാ​ൻ ത​യാ​റാ​യി​ല്ലെ​ന്ന ആ​ക്ഷേ​പ​മു​ണ്ടാ​യി​രു​ന്നു. ആ​ദി​വാ​സി കു​ടും​ബ​ങ്ങ​ൾ​ക്കാ​യി രം​ഗ​ത്തു​വ​ന്ന നാ​ട്ടു​കാ​രി​ൽ ചി​ല​രെ ക​ള്ള​ക്കേ​സി​ൽ കു​ടു​ക്കാ​നും റി​സോ​ർ​ട്ടു​ട​മ ശ്ര​മി​ച്ച​താ​യി പ​രാ​തി​യു​ണ്ട്. ആ​ദി​വാ​സി​ക​ളി​ൽ ചി​ല​രെ സ്വാ​ധീ​നി​ച്ച് പൊ​ലീ​സി​ൽ പ​രാ​തി കൊ​ടു​പ്പി​ക്കാ​നും റി​സോ​ർ​ട്ടു​കാ​ർ ത​യാ​റാ​യി. എ​ന്നാ​ൽ, ത​ങ്ങ​ളു​ടെ വ​ഴി റി​സോ​ർ​ട്ട് ഉ​ട​മ അ​ട​ച്ചു​വെ​ന്ന് അ​വ​ർ​ത​ന്നെ വ്യ​ക്ത​മാ​ക്കു​ന്ന വി​ഡി​യോ ദൃ​ശ്യ​ങ്ങ​ൾ തെ​ളി​വാ​യി ഉ​ള്ള​തി​നാ​ൽ ആ ​നീ​ക്കം പാ​ളു​ക​യാ​യി​രു​ന്നു. കൂ​ടു​ത​ൽ പ​രാ​തി​ക​ൾ വി​വി​ധ സ​ർ​ക്കാ​ർ വ​കു​പ്പു​ക​ളി​ൽ എ​ത്തു​മെ​ന്ന് മ​ന​സ്സി​ലാ​യ​തോ​ടെ ഒ​ടു​വി​ൽ വ​ഴി വീ​ണ്ടും തു​റ​ന്നു​കൊ​ടു​ക്കു​ക​യാ​യി​രു​ന്നു.