ആ കൈവശം തീറാധാരങ്ങൾ രജിസ്​റ്റർ ചെയ്തുകൊടുക്കുന്നതിന്​ എന്താണ്​ തടസ്സം?

മേ​പ്പാ​ടി: പ​തി​റ്റാ​ണ്ടു​ക​ളാ​യി കൈ​വ​ശ​മു​ള്ള ഭൂ​മി​ക്ക്​ പ​ട്ട​യ​മൊ​ഴി​കെ മ​റ്റെ​ല്ലാ രേ​ഖ​ക​ളു​മു​ണ്ടാ​യി​ട്ടും അ​ത്യാ​വ​ശ്യ​ത്തി​ന് അ​ഞ്ചു സെൻറ് പോ​ലും വി​ൽ​ക്കാ​ൻ ക​ഴി​യാ​ത്ത ഗ​തി​കേ​ടി​ൽ നി​ര​വ​ധി പേ​ർ. മൂ​പ്പൈ​നാ​ട്, തൃ​ക്കൈ​പ്പ​റ്റ, കോ​ട്ട​പ്പ​ടി, വെ​ള്ളാ​ർ​മ​ല, ചു​ണ്ടേ​ൽ വി​ല്ലേ​ജു​ക​ളി​ലാ​യി 2000ത്തി​ലേ​റെ കൈ​വ​ശ​ക്കാ​രാ​ണ്​ ഇ​തു​കാ​ര​ണം ഏ​റെ ദു​രി​ത​ത്തി​ലാ​യി​രി​ക്കു​ന്ന​ത്. ഗ്രോ​മോ​ർ ഫു​ഡ് പ​ദ്ധ​തി​യ​നു​സ​രി​ച്ച് ഹാ​രി​സ​ൺ അ​ട​ക്കം പ്ര​മു​ഖ തോ​ട്ട​ങ്ങ​ളി​ൽ​നി​ന്ന് കൃ​ഷി​ക്കാ​യി അ​നു​വ​ദി​ക്കു​ക​യും അ​ന്നു​മു​ത​ൽ അ​ടു​ത്ത ത​ല​മു​റ​യ​ട​ക്കം കൈ​വ​ശം വെ​ച്ച് വ​രു​ന്ന​വ​യു​മാ​ണി​ത്. ഭൂ​മി 60തു​ക​ളി​ൽ ന​ട​ന്ന റീ​സ​ർ​വേ​യി​ൽ ഉ​ൾ​പ്പെ​ട്ടി​ട്ടു​ള്ള​വ​യു​മാ​ണ്.

ബേ​സി​ക് ടാ​ക്സ് ര​ജി​സ്​​റ്റ​ർ, ഫീ​ൽ​ഡ് മെ​ഷ​ർ​മെൻറ് ബു​ക്ക് എ​ന്നി​വ​യി​ൽ പേ​രു​ള്ള​വ​രാ​ണ് കൈ​വ​ശ​ക്കാ​ർ. ത​ണ്ട​പ്പേ​ർ ന​മ്പ​ർ ഉ​ള്ള​തും വ​ർ​ഷ​ങ്ങ​ളാ​യി നി​കു​തി അ​ട​ക്കു​ന്ന​വ​രു​മാ​ണ്. ഈ ​ഭൂ​മി​ക്കൊ​ന്നും തോ​ട്ട​ങ്ങ​ൾ നി​കു​തി അ​ട​ക്കു​ന്നു​മി​ല്ല. മു​മ്പ്​ തോ​ട്ട​ങ്ങ​ളു​ടെ ഭാ​ഗ​മാ​യി​രു​ന്ന​തി​നാ​ൽ പ​ട്ട​യം ല​ഭി​ച്ചി​ട്ടി​ല്ലെ​ന്നു​മാ​ത്രം. എ​ങ്കി​ലും കൈ​വ​ശം തീ​റാ​ധാ​ര​ങ്ങ​ളു​ടെ ര​ജി​സ്ട്രേ​ഷ​ൻ മു​മ്പ് ന​ട​ന്നി​രു​ന്നു. ഇ​പ്പോ​ൾ അ​ത് ന​ട​ത്താ​ൻ ര​ജി​സ്ട്രേ​ഷ​ൻ അ​ധി​കാ​രി​ക​ൾ ത​യാ​റാ​കു​ന്നി​ല്ല. ഭൂ​മി വി​ൽ​പ​ന ന​ട​ന്നാ​ലും ര​ജി​സ്ട്രേ​ഷ​ൻ ന​ട​ക്കി​ല്ല. ഇ​തു​കാ​ര​ണം ചി​കി​ത്സ, പെ​ൺ​മ​ക്ക​ളു​ടെ വി​വാ​ഹം തു​ട​ങ്ങി​യ അ​ടി​യ​ന്ത​ര ആ​വ​ശ്യ​ങ്ങ​ൾ​ക്കു​പോ​ലും അ​ഞ്ചു​​സെൻറ് വി​ൽ​ക്കാ​ൻ ക​ഴി​യാ​ത്ത ഗ​തി​കേ​ടി​ലാ​ണ് കൈ​വ​ശ​ക്കാ​ർ.

പ​ട്ട​യ​മി​ല്ലാ​തെ ര​ജി​സ്ട്രേ​ഷ​ൻ ന​ട​ത്തി​ല്ലെ​ന്ന് അ​ധി​കാ​രി​ക​ൾ പ​റ​യു​മ്പോ​ൾ അ​തി​ന് ഏ​തെ​ങ്കി​ലും സ​ർ​ക്കാ​ർ ഉ​ത്ത​ര​വു​ണ്ടോ എ​ന്ന് ചോ​ദി​ച്ചാ​ൽ അ​വ​ർ​ക്ക് മ​റു​പ​ടി​യി​ല്ല. മു​മ്പ്​ ന​ട​ത്തി​യി​രു​ന്ന കൈ​വ​ശം തീ​റാ​ധാ​ര​ങ്ങ​ളു​ടെ ര​ജി​സ്​​ട്രേ​ഷ​ൻ ഇ​പ്പോ​ൾ ന​ട​ത്തി​ത്ത​രി​ല്ല എ​ന്നു മാ​ത്ര​മേ അ​വ​ർ പ​റ​യു​ന്നു​ള്ളൂ. അ​തേ​സ​മ​യം, അ​ധി​കാ​രി​ക​ളെ 'കാ​ണേ​ണ്ട​പോ​ലെ ക​ണ്ട' ചി​ല​രു​ടെ ര​ജി​സ്ട്രേ​ഷ​ൻ ന​ട​ന്നി​ട്ടു​ള്ള​താ​യും ആ​ക്ഷേ​പ​മു​ണ്ട്. ഭൂ​മി​യു​ടെ കൈ​വ​ശ​ക്കാ​ർ​ക്ക് സ​ർ​ക്കാ​ർ അ​ടി​യ​ന്ത​ര​മാ​യി പ​ട്ട​യം അ​നു​വ​ദി​ക്കു​ക​യോ കൈ​വ​ശം തീ​റാ​ധാ​ര​ങ്ങ​ളു​ടെ ര​ജി​സ്​​ട്രേ​ഷ​ൻ ന​ട​ത്തു​ക​യോ ചെ​യ്യാ​ൻ തീ​രു​മാ​ന​മു​ണ്ടാ​ക​ണ​മെ​ന്ന് അ​ഖി​ലേ​ന്ത്യ കി​സാ​ൻ സ​ഭ ക​ൽ​പ​റ്റ നി​യോ​ജ​ക മ​ണ്ഡ​ലം ക​മ്മി​റ്റി ഭാ​ര​വാ​ഹി​ക​ൾ ആ​വ​ശ്യ​പ്പെ​ട്ടു. ഈ ​ആ​വ​ശ്യ​മു​ന്ന​യി​ച്ച് റ​വ​ന്യൂ മ​ന്ത്രി​ക്ക് നി​വേ​ദ​നം ന​ൽ​കാ​ൻ തീ​രു​മാ​നി​ച്ചി​ട്ടു​ണ്ടെ​ന്ന് സെ​ക്ര​ട്ട​റി ജോ​സ​ഫ് മാ​ത്യു പ​റ​ഞ്ഞു.