പു​ഴ​ക്ക​രി​കെ ത​നി​യെ പി​ഞ്ചു​കു​ട്ടി​ക​ൾ; മ​ണി​ക്കൂ​റു​ക​ൾക്ക്​ ശേഷം രക്ഷിതാക്കളെത്തി

മേ​പ്പാ​ടി: നെ​ല്ലി​മു​ണ്ട സാ​യി​പ്പ് കു​ന്ന് പു​ഴ​യി​ൽ ഉ​റ്റ​വ​രാ​രും കൂ​ടെ​യി​ല്ലാ​തെ ക​ണ്ടെ​ത്തി​യ മൂ​ന്നും ഒ​ന്ന​ര​യും വ​യ​സ്സ് തോ​ന്നി​ക്കു​ന്ന പി​ഞ്ചു കു​ട്ടി​ക​ൾ നാ​ട്ടു​കാ​രെ ഏ​റെ നേ​രം പ​രി​ഭ്രാ​ന്ത​രാ​ക്കി.

​ള്ളി​യാ​ഴ്ച രാ​വി​ലെ 9.30 മു​ത​ൽ ഉ​ച്ച ഒ​ന്ന​ര വ​രെ കു​ട്ടി​ക​ളെ ആ​രും അ​ന്വേ​ഷി​ച്ചു​വ​ന്നി​ല്ല. ആ​രെ​ങ്കി​ലും ഉ​പേ​ക്ഷി​ച്ച് ക​ട​ന്നു​ക​ള​ഞ്ഞ​താ​ണോ എ​ന്ന് സം​ശ​യി​ച്ചു​നി​ൽ​ക്കു​ന്ന​തി​നി​ടെ ര​ക്ഷി​താ​ക്ക​ളെ ക​ണ്ടെ​ത്തി. മേ​പ്പാ​ടി പൊ​ലീ​സിെൻറ സ​ഹാ​യ​ത്തോ​ടെ ഝാ​ർ​ഖ​ണ്ട് സ്വ​ദേ​ശി​ക​ളാ​യ ര​ക്ഷി​താ​ക്ക​ളെ ക​ണ്ടെ​ത്തി കു​ട്ടി​ക​ളെ തി​രി​ച്ചേ​ൽ​പ്പി​ച്ചു.

പ്ര​ദേ​ശ​ത്തെ സ്വ​കാ​ര്യ തോ​ട്ട​ത്തി​ൽ ജോ​ലി​ക്കെ​ത്തി​യ ശൈ​ല​ജ്, സു​ജി​ത ദ​മ്പ​തി​ക​ളു​ടെ മ​ക്ക​ളാ​ണ്. ഇ​വ​രു​ടെ ജോ​ലി സ്ഥ​ല​ത്തു​നി​ന്ന് ഒ​രു കി​ലോ​മീ​റ്റ​റോ​ളം ദൂ​ര​ത്തു​ള്ള പു​ഴ​ക്ക​രി​കി​ലാ​ണ് കു​ട്ടി​ക​ൾ എ​ത്തി​യ​ത്. കു​ട്ടി​ക​ളെ ക​ണ്ട സ​മീ​പ​വാ​സി​ക​ളാ​യ നാ​ട്ടു​കാ​ർ ഭ​ക്ഷ​ണ​വും വ​സ്ത്ര​വും ന​ൽ​കി പൊ​ലീ​സ് എ​ത്തു​ന്ന​തു​വ​രെ കു​ട്ടി​ക​ളെ സം​ര​ക്ഷി​ച്ചു.

മേ​പ്പാ​ടി എ​സ്.​ഐ വി.​പി. സി​റാ​ജിെൻറ നി​ർ​ദേ​ശ​മ​നു​സ​രി​ച്ച് സ്ഥ​ല​ത്തെ​ത്തി​യ പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് ര​ക്ഷി​താ​ക്ക​ളെ ക​ണ്ടെ​ത്തി​യ​ത്.

കു​ട്ടി​ക​ൾ​ക്ക് മ​ല​യാ​ളം അ​റി​യി​ല്ലെ​ന്ന് മ​ന​സ്സി​ലാ​യ​തോ​ടെ​യാ​ണ് അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളി​ലേ​ക്ക് അ​ന്വേ​ഷ​ണം തി​രി​ഞ്ഞ​ത്. മാ​താ​പി​താ​ക്ക​ളു​ടെ ഭാ​ഗ​ത്തു​ണ്ടാ​യ അ​ശ്ര​ദ്ധ​ക്കെ​തി​രെ പൊ​ലീ​സ് മു​ന്ന​റി​യി​പ്പ് ന​ൽ​കി.