വി​ത്തു​കാ​ട് നി​വാ​സി​ക​ളു​ടെ വോ​ട്ട് ബ​ഹി​ഷ്ക​ര​ണം; അ​നു​ന​യ നീ​ക്ക​വു​മാ​യി മു​ന്ന​ണി​ക​ൾ

മേ​പ്പാ​ടി: അ​ടി​സ്ഥാ​ന ജീ​വി​ത സൗ​ക​ര്യ​ങ്ങ​ൾ പോ​ലു​മി​ല്ലാ​തെ 12 വ​ർ​ഷ​മാ​യി ദു​രി​ത​ജീ​വി​തം ത​ള്ളി​നീ​ക്കു​ന്ന വി​ത്തു​കാ​ട് ഭൂ​സ​മ​ര​കേ​ന്ദ്ര​ത്തി​ലെ കു​ടും​ബ​ങ്ങ​ളു​ടെ വോ​ട്ട് ബ​ഹി​ഷ്ക​ര​ണ ഭീ​ഷ​ണി മു​ന്ന​ണി​ക​ളു​ടെ ഉ​റ​ക്കം​കെ​ടു​ത്തു​ന്നു. ഇ​വി​ടെ താ​മ​സി​ക്ക​ന്ന 150ഓ​ളം കു​ടും​ബ​ങ്ങ​ളാ​ണ് മാ​സ​ങ്ങ​ൾ​ക്കു മു​മ്പ് വോ​ട്ട് ബ​ഹി​ഷ്ക​രി​ക്കു​മെ​ന്ന് പ്ര​ഖ്യാ​പി​ച്ച​ത്. തു​ട​ർ​ന്ന് അ​നു​ന​യ നീ​ക്ക​വു​മാ​യി യു.​ഡി.​എ​ഫ് പ​ഞ്ചാ​യ​ത്ത് ഭാ​ര​വാ​ഹി​ക​ളാ​ണ് ആ​ദ്യം ഇ​വ​രെ സ​മീ​പി​ച്ച​ത്. ഒ​രു വാ​ർ​ഡി​ൽ 150ഓ​ളം വ​രു​ന്ന വോ​ട്ടു​ക​ൾ ത​ദ്ദേ​ശ സ്വ​യം​ഭ​ര​ണ തെ​ര​ഞ്ഞെ​ടു​പ്പി​ൽ നി​ർ​ണാ​യ​ക​മാ​ണ്.

വീ​ട്ടു​ന​മ്പ​ർ, റോ​ഡ്, കു​ടി​വെ​ള്ളം തു​ട​ങ്ങി​യ അ​ടി​സ്ഥാ​ന പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണാ​ൻ ശ്ര​മി​ക്കു​മെ​ന്ന ഉ​റ​പ്പ് ല​ഭി​ച്ചാ​ൽ മാ​ത്ര​മേ വോ​ട്ട് ചെ​യ്യൂ എ​ന്ന നി​ല​പാ​ടി​ലാ​ണ് ഇ​വി​ട​ത്തെ കു​ടും​ബ​ങ്ങ​ൾ. വി​ത്തു​കാ​ട് കു​ടും​ബ സം​ര​ക്ഷ​ണ സ​മി​തി​യു​ടെ പേ​രി​ലാ​യി​രു​ന്നു വോ​ട്ട് ബ​ഹി​ഷ്ക​ര​ണ തീ​രു​മാ​നം. യു.​ഡി.​എ​ഫ് നേ​താ​ക്ക​ൾ ഇ​വ​രു​ടെ പ്ര​ശ്ന​ങ്ങ​ൾ പ​രി​ഹ​രി​ക്കാ​മെ​ന്ന ഉ​റ​പ്പു​മാ​യി ഇ​വ​രെ സ​മീ​പി​ച്ചു.

എ​ൽ.​ഡി.​എ​ഫ്, എ​ൻ.​ഡി.​എ മു​ന്ന​ണി​ക​ളും ത​ങ്ങ​ളെ സ​മീ​പി​ക്കു​മെ​ന്ന പ്ര​തീ​ക്ഷ​യി​ലാ​ണ് കു​ടും​ബ​ങ്ങ​ൾ. വ്യ​ക്ത​മാ​യ ഉ​റ​പ്പ് ന​ൽ​കു​ന്ന മു​ന്ന​ണി​യെ സ​ഹാ​യി​ക്കു​ക എ​ന്ന സ​മീ​പ​ന​മാ​യി​രി​ക്കും കു​ടും​ബ​ങ്ങ​ൾ സ്വീ​ക​രി​ക്കു​ക​യെ​ന്ന് വി​ത്തു​കാ​ട് കു​ടും​ബ സം​ര​ക്ഷ​ണ സ​മി​തി ഭാ​ര​വാ​ഹി​ക​ൾ പ​റ​ഞ്ഞു.