ഫീസ് അടച്ചിട്ട് നാലു മാസം; ഓട്ടോകൾക്ക് പുതുക്കിയ പെർമിറ്റ് രേഖകൾ നൽകിയില്ല

മേ​പ്പാ​ടി: ഫീ​സ് അ​ട​ച്ച് നാ​ലു മാ​സ​മാ​യി​ട്ടും മേ​പ്പാ​ടി​യി​ലെ ഓ​ട്ടോ​റി​ക്ഷ​ക​ൾ​ക്ക് പു​തു​ക്കി​യ പെ​ർ​മി​റ്റ് രേ​ഖ​ക​ൾ ന​ൽ​കി​യി​ല്ലെ​ന്ന് ആ​ക്ഷേ​പം. മേ​യ് മാ​സ​ത്തി​ൽ ട്രാ​ഫി​ക് പ​രി​ഷ്ക​ര​ണ​ത്തി​ന്റെ ഭാ​ഗ​മാ​യാ​ണ് കാ​ലാ​വ​ധി ക​ഴി​ഞ്ഞ ഓ​ട്ടോ പെ​ർ​മി​റ്റു​ക​ൾ പു​തു​ക്കി ന​ൽ​കാ​ൻ തീ​രു​മാ​നി​ച്ച​ത്.

അ​തു​പ്ര​കാ​രം ക്യാ​മ്പ് സം​ഘ​ടി​പ്പി​ച്ച് പ​രി​ശോ​ധ​ന​ക​ൾ പൂ​ർ​ത്തി​യാ​ക്കി. 160 രൂ​പ ഫീ​സും അ​ട​ച്ച് നാ​ലു​മാ​സ​മാ​യി​ട്ടും ഒ​രു രേ​ഖ​യും പ​ഞ്ചാ​യ​ത്ത് അ​ധി​കൃ​ത​ർ ന​ൽ​കി​യി​ല്ലെ​ന്നാ​ണ് ഓ​ട്ടോ ഡ്രൈ​വ​ർ​മാ​രു​ടെ പ​രാ​തി. പെ​ർ​മി​റ്റി​ല്ലാ​ത്ത നി​ര​വ​ധി വാ​ഹ​ന​ങ്ങ​ൾ ടൗ​ണി​ൽ സ​ർ​വി​സ് ന​ട​ത്തു​ന്നു​ണ്ട്. അ​തു ത​ട​യാ​നും ഇ​തു​മൂ​ലം ക​ഴി​യു​ന്നി​ല്ലെ​ന്നും അ​വ​ർ കു​റ്റ​പ്പെ​ടു​ത്തു​ന്നു. ലാ​മി​നേ​റ്റ് ചെ​യ്ത പെ​ർ​മി​റ്റും സ്റ്റി​ക്ക​റും ന​ൽ​കു​മെ​ന്നാ​ണ് അ​ധി​കൃ​ത​ർ പ​റ​ഞ്ഞി​രു​ന്ന​ത്.

അ​തി​നു​ള്ള ഫീ​സാ​യി​ട്ടാ​ണ് ഓ​ട്ടോ ഒ​ന്നി​ന് 160 രൂ​പ ഈ​ടാ​ക്കി​യ​ത്. ട്രാ​ഫി​ക് അ​ഡ്വൈ​സ​റി ക​മ്മി​റ്റി​യാ​ണ് തീ​രു​മാ​ന​ങ്ങ​ളൊ​ക്കെ എ​ടു​ത്ത​ത്. രേ​ഖ​ക​ൾ ന​ൽ​കാ​ത്ത​തി​ൽ ഓ​ട്ടോ ഡ്രൈ​വ​ർ​മാ​ർ​ക്കി​ട​യി​ൽ പ്ര​തി​ഷേ​ധം ശ​ക്ത​മാ​ണ്. എ​ന്നാ​ൽ, ചി​ല സാ​ങ്കേ​തി​ക ത​ട​സ്സ​ങ്ങ​ൾ നേ​രി​ട്ട​താ​ണ് രേ​ഖ​ക​ൾ ന​ൽ​കാ​ൻ വൈ​കി​യ​തെ​ന്നും പെ​ർ​മി​റ്റും സ്റ്റി​ക്ക​റും ത​യാ​റാ​യി​ക്ക​ഴി​ഞ്ഞി​ട്ടു​ണ്ടെ​ന്നും ഉ​ട​ൻ ത​ന്നെ വി​ത​ര​ണം ന​ട​ത്തു​മെ​ന്നു​മാ​ണ് പ​ഞ്ചാ​യ​ത്ത് അ​ധി​കൃ​ത​ർ പ​റ​ഞ്ഞ​ത്.