കാ​ലം തെ​റ്റി​യ മ​ഴ; കാ​പ്പി പ​റി​ക്കാ​നാ​കാ​തെ ക​ർ​ഷ​ക​ർ

മാ​ന​ന്ത​വാ​ടി: വി​ള​വെ​ടു​പ്പ് കാ​ല​ത്തെ ന്യൂ​ന​മ​ർ​ദ​ത്തെ​ത്തു​ട​ർ​ന്ന് കാ​ലം​തെ​റ്റി മ​ഴ പെ​യ്ത​തോ​ടെ കാ​പ്പി പ​റി​ക്കാ​നാ​വാ​തെ ക​ർ​ഷ​ക​ർ വ​ല​യു​ന്നു. മ​ഴ​യെ തു​ട​ർ​ന്ന് കാ​പ്പി പൂ​ത്ത​താ​ണ് വി​ള​വെ​ടു​ക്കാ​ൻ ക​ഴി​യാ​ത്ത​ത്. പ​ഴു​ത്ത കാ​പ്പി​ക​ൾ വ​വ്വാ​ലു​ക​ൾ ന​ശി​പ്പി​ക്കു​ന്ന​ത് ക​ർ​ഷ​ക​രെ കൂ​ടു​ത​ൽ ദു​രി​ത​ത്തി​ലാ​ഴ്ത്തു​ന്നു.

മ​ഴ ഭീ​ഷ​ണി നി​ല​നി​ൽ​ക്കു​ന്ന​തി​നാ​ൽ വി​ള​വെ​ടു​ത്ത കാ​പ്പി ഉ​ണ​ക്കാ​ൻ ക​ഴി​യാ​ത്ത​തും ക​ർ​ഷ​ക​രെ വ​ലി​യ പ്ര​തി​സ​ന്ധി​യി​ലാ​ക്കി​യി​രി​ക്കു​ക​യാ​ണ്. മ​ഴ ചെ​റു​കി​ട ക​ർ​ഷ​ക​രെ​യും വ​ൻ​കി​ട ക​ർ​ഷ​ക​രെ​യും ഒ​രു​പോ​ലെ ബാ​ധി​ക്കു​ന്ന ഒ​ന്നാ​ണ്. ചെ​റു​കി​ട ക​ർ​ഷ​ക​ർ പ​റി​ച്ചെ​ടു​ക്കു​ന്ന കാ​പ്പി ഉ​ണ​ക്കാ​ൻ മി​ന​ക്കെ​ടാ​തെ കി​ട്ടു​ന്ന വി​ല​യ്ക്ക് കൊ​ടു​ത്ത് ഒ​ഴി​വാ​ക്കു​ക​യാ​ണ്. ക​ഴി​ഞ്ഞ ദി​വ​സ​ങ്ങ​ളി​ൽ മാ​ന​ന്ത​വാ​ടി താ​ലൂ​ക്കി​ലെ വി​വി​ധ പ്ര​ദേ​ശ​ങ്ങ​ളി​ൽ പെ​യ്ത മ​ഴ​യെ തു​ട​ർ​ന്നാ​ണ് കാ​പ്പി വ്യാ​പ​ക​മാ​യി പൂ​ത്ത​ത്.

ഇ​വ ക​രി​യു​ന്ന​തു​വ​രെ കാ​പ്പി പ​റി​ക്കാ​ൻ ക​ഴി​യാ​ത്ത സ്ഥി​തി​യാ​ണ് നി​ല​വി​ലു​ള്ള​ത്. തൊ​ഴി​ലാ​ളി​ക​ളെ കി​ട്ടാ​ത്ത​തും ക​ർ​ഷ​ക​രെ അ​ല​ട്ടു​ന്നു. അ​മി​ത​കൂ​ലി ന​ൽ​കി പ​റ​പ്പി​ച്ചാ​ലും അ​തി​ന​നു​സ​രി​ച്ച് വി​ല ല​ഭി​ക്കാ​ത്ത​തി​നാ​ൽ കൈ​യി​ൽ​നി​ന്ന് കൂ​ലി കൊ​ടു​ക്കാ​ൻ പ​ണം ക​ണ്ടെ​ത്തേ​ണ്ട സ്ഥി​തി​യാ​ണെ​ന്ന് ക​ർ​ഷ​ക​ർ പ​റ​യു​ന്നു. മ​ഴ ഇ​നി​യും തു​ട​ർ​ന്നാ​ൽ കാ​പ്പി ക​ർ​ഷ​ക​രു​ടെ സ്ഥി​തി പ​രു​ങ്ങ​ലി​ലാ​കും.