ബസ് സ്റ്റാൻഡിൽനിന്ന് മലമ്പാമ്പിനെ പിടികൂടി

മാനന്തവാടി: നിരവിൽ പുഴ ബസ് സ്റ്റാൻഡിൽനിന്ന് മലമ്പാമ്പിനെ പിടികൂടി. രാവിലെ നാട്ടുകാരാണ് മലമ്പാമ്പിനെ കണ്ടത്. തുടർന്ന് കുഞ്ഞോം ഫോറസ്റ്റ് സ്റ്റേഷനിലെ വനപാലകരെ വിവരമറിയിക്കുകയും വനപാലകരുടെ നിർദേശപ്രകാരം സുജിത്ത് വയനാട് പാമ്പിനെ സുരക്ഷിതമായി ചാക്കിലേക്ക് മാറ്റി ഉൾവനത്തിൽ കൊണ്ടുവിട്ടു. അഞ്ചടിയോളം നീളവും ഏഴ് കിലോയോളം തൂക്കവും വരുന്നതാണ് പാമ്പ്.