ഇരയെ ഉപേക്ഷിച്ച് മലമ്പാമ്പ് കാടു കയറി

മാനന്തവാടി: ഇര വിഴുങ്ങിയ മലമ്പാമ്പ് കാടു വെട്ടിത്തെളിച്ചതോടെ ഇരയെ ഉപേക്ഷിച്ചു കാട്ടിലേക്ക് കയറി. തൊണ്ടർനാട് മീൻ മുട്ടി വെള്ളച്ചാട്ടത്തിന് സമീപം സ്വകാര്യ വ്യക്തിയുടെ സ്ഥലത്ത് കാടു വെട്ടുന്നതിനിടെയാണ് ഇരവിഴുങ്ങിയ നിലയിൽ മലമ്പാമ്പിനെ കണ്ടത്.

വിശ്രമിക്കുകയായിരുന്ന പാമ്പ് കാട് വെട്ടിത്തെളിച്ചതോടെ അങ്കലാപ്പിലായി. പോരാത്തതിന് കാഴ്ചക്കാരും കൂടിയതോടെ വിഴുങ്ങിയ മാനിനെ ഉപേക്ഷിച്ച് കാടുകയറി. വിവരമറിഞ്ഞ് മക്കിയാട് വനം വകുപ്പുദ്യോഗസ്ഥർ സ്ഥലത്തെത്തി. പാമ്പിനെ കാണാൻ ധാരാളം പ്രദേശവാസികളും സ്ഥലത്തെത്തി.