പള്ളിയുടെ ഗ്രോട്ടോ തകര്‍ത്ത സംഭവം: മൂന്നുപേർ അറസ്റ്റില്‍

മാ​ന​ന്ത​വാ​ടി: പ​ള്ളി​യു​ടെ ഗ്രോ​ട്ടോ ത​ക​ർ​ത്ത സം​ഭ​വ​ത്തി​ൽ മൂ​ന്നു യു​വാ​ക്ക​ൾ അ​റ​സ്റ്റി​ൽ. പി​ലാ​ക്കാ​വ് സെ​ന്റ് ജോ​സ​ഫ്‌​സ് ദേ​വാ​ല​യ​ത്തി​ന്റെ ഗ്രോ​ട്ടോ ത​ക​ര്‍ത്ത് വി. ​അ​ന്തോ​ണീ​സ് പു​ണ്യാ​ള​ന്റെ രൂ​പം ന​ശി​പ്പി​ച്ച സം​ഭ​വ​ത്തി​ലാ​ണ് മൂ​ന്നുപേ​രെ മാ​ന​ന്ത​വാ​ടി പൊ​ലീ​സ് ഇ​ന്‍സ്‌​പെ​ക്ട​ര്‍ എം.​എം. അ​ബ്ദു​ൽ ക​രീ​മും സം​ഘ​വും അ​റ​സ്റ്റ് ചെ​യ്ത​ത്.

ഒ​ണ്ട​യ​ങ്ങാ​ടി താ​ഴു​ത്തും​കാ​വ​യ​ല്‍ അ​മി​ത് ടോം ​രാ​ജീ​വ് (24), എ​രു​മ​ത്തെ​രു​വ് തൈ​ക്കാ​ട്ടി​ല്‍ റി​വാ​ള്‍ഡ് സ്റ്റീ​ഫ​ന്‍ (23), പി​ലാ​ക്കാ​വ് മു​രി​ക്കും​കാ​ട​ന്‍ മു​ഹ​മ്മ​ദ് ഇ​ന്‍ഷാം (20) എ​ന്നി​വ​രാ​ണ് അ​റ​സ്റ്റി​ലാ​യ​ത്. പ്ര​തി​ക​ള്‍ക്കെ​തി​രെ അ​തി​ക്ര​മി​ച്ച് ക​ട​ന്ന് നാ​ശ​ന​ഷ്ട​ങ്ങ​ള്‍ വ​രു​ത്തി​യ​തി​നും മ​ത സ്പ​ർ​ദ​യു​ണ്ടാ​ക്കാ​ന്‍ ശ്ര​മി​ച്ച​തി​നു​മു​ള്ള വി​വി​ധ വ​കു​പ്പു​ക​ള്‍ പ്ര​കാ​ര​മാ​ണ് കേ​സെ​ടു​ത്ത​ത്. മൂ​വ​ര്‍ സം​ഘം മ​ദ്യ​ല​ഹ​രി​യി​ല്‍ പ​ര​സ്പ​ര​മു​ണ്ടാ​യ ബ​ഹ​ള​ത്തി​നും കൈയാ​ങ്ക​ളി​ക്കു​മി​ട​യി​ല്‍ ഗ്രോ​ട്ടോ ത​ക​ര്‍ത്ത​താ​യാ​ണ് പൊ​ലീ​സി​ന് മൊ​ഴി ന​ല്‍കി​യ​ത്.

ഇ​വ​ര്‍ മ​ദ്യ​ശാ​ല​യി​ൽ ഒ​രു​മി​ച്ചി​രി​ക്കു​ന്ന​തും ഇ​രു​ച​ക്ര​വാ​ഹ​ന​ത്തി​ല്‍ സ​ഞ്ച​രി​ക്കു​ന്ന​തി​ന്റേ​യും മ​റ്റും സി.​സി.​ടി.​വി ദൃ​ശ്യ​മ​ട​ക്ക​മു​ള്ള തെ​ളി​വു​ക​ൾ പൊ​ലീ​സ് ശേ​ഖ​രി​ച്ചി​രു​ന്നു.

ഇ​തി​ന്റെ അ​ടി​സ്ഥാ​ന​ത്തി​ല്‍ ന​ട​ത്തി​യ അ​ന്വേ​ഷ​ണ​ത്തി​ലാ​ണ് കേ​സെ​ടു​ത്ത് മ​ണി​ക്കൂ​റു​ക​ള്‍ക്ക​കം പ്ര​തി​ക​ളെ പി​ടി​കൂ​ടി​യ​ത്. പ്ര​തി​ക​ളെ ജാ​മ്യ​ത്തി​ല്‍ വി​ട്ട​യ​ച്ചു. പ്ര​തി​ക​ള്‍ വ​ല​യി​ലാ​യ​തോ​ടെ പ്ര​ദേ​ശ​ത്ത് സാ​മൂ​ഹി​ക സ്പ​ർ​ധ​ക്ക് പോ​ലും ഇ​ട​വ​രാ​വു​ന്ന സം​ഭ​വ​മാ​ണ് അ​വ​സാ​നി​ച്ച​ത്.

ഇ​ത് ര​ണ്ടാം ത​വ​ണ​യാ​ണ് ഈ ​ഗ്രോ​ട്ടോ ആ​ക്ര​മി​ക്ക​പ്പെ​ടു​ന്ന​ത്. അ​ന്നും സ​മീ​പ​വാ​സി​യാ​യ യു​വാ​വി​നെ പി​ടി​കൂ​ടി​യി​രു​ന്നു. മാ​ന​ന്ത​വാ​ടി എ​സ്‌.​ഐ സോ​ബി​ന്‍, അ​ഡി. എ​സ്‌.​ഐ ജോ​സ്, അ​സി. എ​സ്.​ഐ സ​ജി, എ​സ്.​സി.​പി.​ഓ ജി​തേ​ഷ്, സി.​പി.​ഓ​മാ​രാ​യ ല​തീ​ഷ്, ദീ​പു, അ​നൂ​പ്, കൃ​ഷ്ണ പ്ര​സാ​ദ്, മാ​ത്ത​പ്പ​ന്‍ എ​ന്നി​വ​രും അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്നു.