പിലാക്കാവ്-വിളനിലം റോഡ് പ്രവൃത്തി; മാനന്തവാടി നഗരസഭ കോടതിയിലേക്ക്

മാ​ന​ന്ത​വാ​ടി: പി​ലാ​ക്കാ​വ്-​വി​ള​നി​ലം റോ​ഡു​പ​ണി പൂ​ർ​ത്തി​യാ​വാ​ത്ത​തി​ൽ പ്ര​തി​ഷേ​ധി​ച്ച് മാ​ന​ന്ത​വാ​ടി ന​ഗ​ര​സ​ഭ ഹൈ​കോ​ട​തി​യെ സ​മീ​പി​ക്കാ​നൊ​രു​ങ്ങു​ന്നു. റീ ​ബി​ൽ​ഡ് കേ​ര​ള പ​ദ്ധ​തി​യി​ലു​ൾ​പ്പെ​ടു​ത്തി 2021-22ൽ ​റോ​ഡി​നു 3.86 കോ​ടി രൂ​പ അ​നു​വ​ദി​ച്ചി​രു​ന്നു. ക​രാ​റു​കാ​ര​ന്റെ അ​നാ​സ്ഥ​മൂ​ലം റോ​ഡു​പ​ണി ഇ​ഴ​യു​ക​യാ​ണെ​ന്നാ​ണ് ആ​രോ​പ​ണം.

ക​ണി​യാ​രം എ​ൽ.​പി സ്കൂ​ളി​നു സ​മീ​പ​ത്തു​നി​ന്നു വി​ള​നി​ലം​വ​ഴി പി​ലാ​ക്കാ​വി​ലേ​ക്കു​ള്ള റോ​ഡി​നു ഏ​ക​ദേ​ശം മൂ​ന്ന​ര കി​ലോ​മീ​റ്റ​ർ ദൂ​രം മാ​ത്ര​മേ​യു​ള്ളൂ. ക​ണി​യാ​രം, പി​ലാ​ക്കാ​വ്, കു​റ്റി​മൂ​ല, ജെ​സി വാ​ർ​ഡു​ക​ളി​ലൂ​ടെ ക​ട​ന്നു​പോ​കു​ന്ന റോ​ഡ് ഇ​രു​ന്നൂ​റി​ല​ധി​കം കു​ടും​ബ​ങ്ങ​ൾ ആ​ശ്ര​യി​ക്കു​ന്നു. മ​ഴ​യെ​ത്തി​യാ​ൽ റോ​ഡു​വ​ഴി കാ​ൽ​ന​ട​പോ​ലും ദു​ഷ്ക​ര​മാ​ണ്. വി​ദ്യാ​ർ​ഥി​ക​ളും ഏ​റെ പ്ര​യാ​സ​പ്പെ​ടു​ന്നു​ണ്ട്. ത​ക​ർ​ന്ന റോ​ഡി​ലൂ​ടെ ഓ​ട്ടോ​റി​ക്ഷ​യു​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ സ​ർ​വി​സ് ന​ട​ത്താ​നും മ​ടി​ക്കു​ന്നു​ണ്ട്.

റോ​ഡ് പ്ര​വ​ൃത്തി​യു​മാ​യി ബ​ന്ധ​പ്പെ​ട്ട് ക​രാ​റു​കാ​ര​ൻ കു​റ്റ​ക​ര​മാ​യ അ​നാ​സ്ഥ തു​ട​രു​ന്ന​താ​യി മാ​ന​ന്ത​വാ​ടി ന​ഗ​ര​സ​ഭ പൊ​തു​മാ​ര​മ​ത്ത് സ്ഥി​രം​സ​മി​തി അ​ധ്യ​ക്ഷ​ൻ പി.​വി.​എ​സ്. മൂ​സ പ​റ​ഞ്ഞു. റോ​ഡു​പ​ണി വേ​ഗം പൂ​ർ​ത്തി​യാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഉ​ദ്യോ​ഗ​സ്ഥ​രു​ടേ​യും ക​രാ​റു​കാ​രു​ടേ​യും നാ​ട്ടു​കാ​രു​ടേ​യും യോ​ഗം ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ വി​ളി​ച്ചു​ചേ​ർ​ത്തി​രു​ന്നു. റോ​ഡു​പ​ണി പൂ​ർ​ത്തി​യാ​ക്കാ​തെ ക​രാ​റു​കാ​ര​ൻ വി​ദേ​ശ​ത്തേ​ക്ക് പോ​വു​ക​യാ​ണു​ണ്ടാ​യ​ത്.

നി​ല​വി​ലു​ള്ള ക​രാ​റു​കാ​ര​നെ ഒ​ഴി​വാ​ക്കി ന​ഗ​ര​സ​ഭ പു​തി​യ ടെ​ൻ​ഡ​ർ വി​ളി​ച്ചെ​ങ്കി​ലും വി​ദേ​ശ​ത്തു​പോ​യ ക​രാ​റു​കാ​ര​ൻ മ​റ്റൊ​രാ​ൾ​ക്ക് പ​വ​ർ ഓ​ഫ് അ​റ്റോ​ണി ന​ൽ​കി ഹൈകോ​ട​തി​യി​ൽ കേ​സ് ഫ​യ​ൽ ചെ​യ്തു പ്രവൃത്തി ത​ട​സ്സ​പ്പെ​ടു​ത്തി. തുടർന്നാണ് നി​ർ​മാ​ണം വേ​ഗം പൂ​ർ​ത്തി​യാ​ക്കാ​നാ​വ​ശ്യ​മാ​യ സ​ഹാ​യം ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ട് ന​ഗ​ര​സ​ഭ ഹൈ​കോ​ട​തി​യെ സ​മീ​പി​ക്കു​ന്ന​തെ​ന്നും പി.​വി.​എ​സ്. മൂ​സ പ​റ​ഞ്ഞു.