കെ.എസ്.ആർ.ടി.സി ബോണ്ട് സർവിസിനെ യാത്രക്കാർ കൈയൊഴിയുന്നു

മാ​ന​ന്ത​വാ​ടി: കോ​വി​ഡ് കാ​ല​ത്ത് സ​ർ​ക്കാ​ർ ജീ​വ​ന​ക്കാ​ർ​ക്ക് ഏ​റെ ആ​ശ്വാ​സ​മാ​യി ആ​രം​ഭി​ച്ച കെ.​എ​സ്.​ആ​ർ.​ടി.​സി ബോ​ണ്ട് സ​ർ​വി​സി​നെ യാ​ത്ര​ക്കാ​ർ കൈ​യൊ​ഴി​യു​ന്നു. ഇ​തോ​ടെ ബോ​ണ്ട് സ​ർ​വി​സ് വെ​ട്ടി​ച്ചു​രു​ക്കാ​ൻ ത​യാ​റെ​ടു​ക്കു​ക​യാ​ണ്​ കെ.​എ​സ്.​ആ​ർ.​ടി.​സി. മാ​ന​ന്ത​വാ​ടി ഡി​പ്പോ​യി​ൽ​നി​ന്ന്​ ക​ൽ​പ​റ്റ​യി​ലേ​ക്ക് ര​ണ്ടും പൂ​ക്കോ​ട് വെ​റ്റ​റി​ന​റി കോ​ള​ജി​ലേ​ക്ക് ഒ​രു സ​ർ​വി​സു​മാ​ണ് ന​ട​ത്തി​വ​ന്നി​രു​ന്ന​ത്.

ഫാ​സ്​​റ്റ്​ പാ​സ​ഞ്ച​ർ ബ​സു​ക​ളാ​ണ് സ​ർ​വി​സ് ന​ട​ത്തി​യി​രു​ന്ന​ത്. മാ​ന​ന്ത​വാ​ടി​യി​ൽ​നി​ന്ന് ക​ൽ​പ​റ്റ​യി​ലേ​ക്ക് 45 രൂ​പ​യാ​ണ് ടി​ക്ക​റ്റ് നി​ര​ക്ക്. എ​ന്നാ​ൽ, കോ​വി​ഡ്നി​യ​ന്ത്ര​ണ​ങ്ങ​ൾ ഒ​ഴി​വാ​യ​തോ​ടെ കെ.​എ​സ്.​ആ​ർ.​ടി.​സി ഓ​ർ​ഡി​ന​റി​യും സ്വ​കാ​ര്യ ബ​സു​ക​ളും സ​ർ​വി​സ് ആ​രം​ഭി​ച്ച​തോ​ടെ ബോ​ണ്ട് സ​ർ​വി​സി​ലെ സ്ഥി​രം യാ​ത്ര​ക്കാ​ർ യാ​ത്ര ഈ ​ബ​സു​ക​ളി​ലേ​ക്ക് മാ​റ്റി. ടി​ക്ക​റ്റ് നി​ര​ക്കി​ലെ വ്യ​ത്യാ​സ​മാ​ണ് സ്ഥി​രം യാ​ത്ര​ക്കാ​രാ​യ ഇ​വ​രെ മാ​റി​ച്ചി​ന്തി​ക്കാ​ൻ പ്രേ​രി​പ്പി​ച്ച​ത്.

തു​ട​ക്ക​ത്തി​ൽ പു​തി​യ ബ​സു​ക​ളാ​ണ് ബോ​ണ്ട് സ​ർ​വി​സ് ന​ട​ത്തി​യി​രു​ന്ന​ത്. ഇ​പ്പോ​ൾ കാ​ല​പ്പ​ഴ​ക്കം ചെ​ന്ന ബ​സു​ക​ളാ​ണ് സ​ർ​വി​സ് ന​ട​ത്തു​ന്ന​ത്. ഇ​തും സ്ഥി​രം യാ​ത്ര​ക്കാ​ർ കൈ​യൊ​ഴി​യാ​ൻ പ്ര​ധാ​ന കാ​ര​ണ​മാ​യി.