മാവോവാദി വേട്ട ശക്തമാക്കുന്നു

മാ​ന​ന്ത​വാ​ടി: ത​ല​പ്പു​ഴ ക​മ്പ​മ​ല​യി​ൽ വ​ന വി​ക​സ​ന കോ​ർ​പ​റേ​ഷ​ൻ ഡി​വി​ഷ​ൻ ഓ​ഫി​സ് അ​ടി​ച്ചു ത​ക​ർ​ക്കു​ക​യും നി​ര​ന്ത​ര സാ​ന്നി​ധ്യം രേ​ഖ​പ്പെ​ടു​ത്തു​ക​യും ചെ​യ്ത മാ​വോ​വാ​ദി​ക​ളെ പി​ടി​കൂ​ടാ​നു​ള്ള പൊ​ലീ​സ് ന​ട​പ​ടി ശ​ക്ത​മാ​ക്കു​ന്നു. ഇ​തി​ന്റെ ഭാ​ഗ​മാ​യി ഹെ​ലി​കോ​പ്ട​ർ, ഡ്രോ​ൺ പ​രി​ശോ​ധ​ന​ക​ളും വാ​ഹ​ന പ​രി​ശോ​ധ​ന​ക​ളും ന​ട​ത്തും. വാ​ഹ​ന പ​രി​ശോ​ധ​ന​യും ഡ്രോ​ൺ പ​രി​ശോ​ധ​ന​ക​ളും ദി​വ​സ​ങ്ങ​ളാ​യി ന​ട​ന്നു വ​രു​ന്നു​ണ്ട്.

തി​ങ്ക​ളാ​ഴ്ച മു​ത​ൽ ഹെ​ലി​കോ​പ്ട​ർ സ​ഹാ​യ​വും തേ​ടി. ഇ​തി​ന്റെ ഭാ​ഗ​മാ​യി സം​സ്ഥാ​ന സ​ർ​ക്കാ​ർ വാ​ട​ക​ക്കെടു​ത്ത ഹെ​ലി​കോ​പ്ട​ർ ചാ​ല​ക്കു​ടി​യി​ൽ നി​ന്നും അ​രീ​ക്കോ​ട് എ​ത്തി​ച്ച് അ​വി​ടെ നി​ന്നും വൈ​കീ​ട്ട് 3.25ഓ​ടെ ത​ല​പ്പു​ഴ എ​ൻ​ജി​നീയ​റി​ങ് കോ​ള​ജ് ഗ്രൗ​ണ്ടി​ൽ പ​റ​ന്നി​റ​ങ്ങി. ഭീ​ക​ര​വി​രു​ദ്ധ സ്ക്വാ​ഡ് ഡി.​ഐ.​ജി പു​ട്ട വി​മ​ലാ​ദി​ത്യ, ക​ണ്ണൂ​ർ റേഞ്ച് ഐ.​ജി തോം​സ​ൺ ജോ​സ് എ​ന്നി​വ​രാ​യി​രു​ന്നു ഹെ​ലി​കോ​പ്ട​റി​ൽ ഉ​ണ്ടാ​യി​രു​ന്ന​ത്.

തു​ട​ർ​ന്ന് ഇ​വ​രു​ടെ നേ​തൃ​ത്വ​ത്തി​ൽ കോ​ള​ജ് പ്രി​ൻ​സി​പ്പ​ൽ ഓ​ഫി​സി​ൽ ഉ​ന്ന​ത​ത​ല യോ​ഗം ചേ​ർ​ന്നു. 3.45 ഓ​ടെ ആ​രം​ഭി​ച്ച യോ​ഗം ഒ​രു മ​ണി​ക്കൂ​ർ നീ​ണ്ടു. ഭീ​ക​ര​വി​രു​ദ്ധ സേ​ന എ​സ്.​പി സി.​എ​സ്. ഷാ​ഹു​ൽ ഹ​മീ​ദ്, ജി​ല്ല പൊ​ലീ​സ് മേ​ധാ​വി പ​ഥം സി​ങ്, ഡി​വൈ.​എ​സ്.​പി​മാ​രാ​യ പി.​എ​ൽ. ഷൈ​ജു, എ​ൻ.​ഒ. സി​ബി, എം.​ഡി. സു​നി​ൽ എ​ന്നി​വ​ർ പ​ങ്കെ​ടു​ത്തു. ഹെ​ലി​കോ​പ്ട​ർ അ​ടു​ത്ത നാ​ലു ദി​വ​സം കൂ​ടി ജി​ല്ല​യി​ൽ ത​ങ്ങും. വ​നാ​തി​ർ​ത്തി മേ​ഖ​ല​ക​ളി​ൽ പ​രി​ശോ​ധ​ന ന​ട​ത്താ​നാ​ണ് ഹെ​ലി​കോ​പ്ട​ർ ഉ​പ​യോ​ഗി​ക്കു​ക. വൈ​കീ​ട്ട് അ​രീ​ക്കോ​ട്ടേ​ക്ക് മ​ട​ങ്ങി​യ ഹെ​ലി​കോ​പ്ട​ർ ചൊ​വ്വാ​ഴ്ച​യും തി​രച്ചി​ൽ ന​ട​ത്തും.

നി​രീ​ക്ഷ​ണം ശ​ക്ത​മാ​ക്കി -​ജി​ല്ല പൊ​ലീ​സ് മേ​ധാ​വി

ക​ൽ​പ​റ്റ: മാ​വോ​വാ​ദി ഓ​പ​റേ​ഷ​നു​മാ​യി ബ​ന്ധ​പ്പെ​ട്ട് വി​വി​ധ​ത​ല​ത്തി​ൽ നി​രീ​ക്ഷ​ണം ​​ശ​ക്ത​മാ​ക്കാ​ൻ പൊ​ലീ​സ് ന​ട​പ​ടി തു​ട​ങ്ങി​യ​താ​യി ജി​ല്ല പൊ​ലീ​സ് മേ​ധാ​വി പ​ഥം സി​ങ് വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. ക​മ്പ​മ​ല​യി​ല്‍ തു​ട​ര്‍ച്ച​യാ​യി മാ​വോ​വാ​ദി​ക​ൾ എ​ത്തു​ന്ന​ത് ത​ട​യാ​ൻ രാ​ത്രി നി​രീ​ക്ഷ​ണ​മ​ട​ക്കം ശ​ക്ത​മാ​ക്കി​യി​ട്ടു​ണ്ട്. വ​നാ​തി​ർ​ത്തി പ്ര​ദേ​ശ​ങ്ങ​ളി​ല​ട​ക്കം പ​രി​ശോ​ധ​ന ശ​ക്ത​മാ​ക്കി​യി​ട്ടു​ണ്ട്. സ്​​പെ​ഷ​ൽ ത​ണ്ട​ർ​ബോ​ൾ​ട്ട്, ത്രീ ​ലെ​വ​ല്‍ പ​ട്രോ​ളി​ങ് എ​ന്നി​വ ന​ട​ത്തും. ഡ്രോ​ണ്‍ പ​ട്രോ​ളി​ങ് തു​ട​ങ്ങി. പ​രി​ശോ​ധി​ക്കാ​നാ​യി ഹെ​ലി​കോ​പ്ട​ര്‍ സ​ജ്ജ​മാ​യി. ത​മി​ഴ്‌​നാ​ട്, ക​ര്‍ണാ​ട​ക എ​ന്നി​വ​രു​മാ​യി ജോ​യ​ന്റ് ഓ​പ​റേ​ഷ​നും ന​ട​ത്താ​ൻ ആ​ലോ​ച​ന​യു​ണ്ട്. കൂ​ടാ​തെ വാ​ഹ​ന പ​രി​ശോ​ധ​ന​യും മ​റ്റും ക​ര്‍ശ​ന​മാ​ക്കു​ക​യും ചെ​യ്യു​മെ​ന്നും ജി​ല്ല പൊ​ലീ​സ് മേ​ധാ​വി പ​റ​ഞ്ഞു.

മാവോവാദി തിരച്ചിലിന് അതിർത്തി സംസ്ഥാനങ്ങളുടെ സഹായം തേടും -ഡി.ഐ.ജി

മാ​ന​ന്ത​വാ​ടി: വ​യ​നാ​ട്ടി​ലെ മാ​വോ​വാ​ദി​ക​ളെ പി​ടി​കൂ​ടു​ന്ന​തി​നാ​യി അ​തി​ർ​ത്തി പ​ങ്കി​ടു​ന്ന ക​ർ​ണാ​ട​ക, ത​മി​ഴ്നാ​ട് സം​സ്ഥാ​ന​ങ്ങ​ളു​ടെ സ​ഹാ​യം തേ​ടു​മെ​ന്ന് ഭീ​ക​ര​വി​രു​ദ്ധ സേ​ന ഡി.​ഐ.​ജി പു​ട്ട വി​മ​ലാ​ദി​ത്യ പ​റ​ഞ്ഞു. ത​ല​പ്പു​ഴ​യി​ൽ ചേ​ർ​ന്ന ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രു​ടെ യോ​ഗ​ത്തിനു ശേ​ഷം മാ​ധ്യ​മ പ്ര​വ​ർ​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു. വ​നാ​തി​ർ​ത്തി​ക​ൾ കേ​ന്ദ്രീ​ക​രി​ച്ചാ​യി​രി​ക്കും പ്ര​ധാ​ന പ​രി​ശോ​ധ​ന. കൂ​ടു​ത​ൽ കാ​ര്യ​ങ്ങ​ൾ മാ​ധ്യ​മ​ങ്ങ​ളു​മാ​യി പ​ങ്കു​വെ​ക്കാ​ൻ ക​ഴി​യി​ല്ലെ​ന്നും അ​ദ്ദേ​ഹം പ​റ​ഞ്ഞു. ക​ണ്ണൂ​ർ ഡി.​ഐ.​ജി തോം​സ​ൺ ജോ​സും സ​ന്നി​ഹി​ത​നാ​യി​രു​ന്നു.