മാ​വോ​വാ​ദി സാ​ന്നി​ധ്യം; ഹെ​ലി​കോ​പ്ട​ര്‍ നി​രീ​ക്ഷ​ണം തു​ട​ങ്ങി

മാ​ന​ന്ത​വാ​ടി: ക​മ്പ​മ​ല വ​ന​വി​ക​സ​ന കോ​ർ​പ​റേ​ഷ​ൻ ഓ​ഫി​സി​ലും പ​രി​സ​ര​ങ്ങ​ളി​ലും മാ​വോ​വാ​ദി​ക​ളു​ടെ നി​ര​ന്ത​ര ആ​ക്ര​മ​ണ​ത്തി​ന്റെ​യും സാ​ന്നി​ധ്യ​ത്തി​ന്റെ​യും പ​ശ്ചാ​ത്ത​ല​ത്തി​ൽ പൊ​ലീ​സ് ഹെ​ലി​കോ​പ്ട​ര്‍ സ​ഹാ​യ​ത്തോ​ടെ നി​രീ​ക്ഷ​ണം ന​ട​ത്തി.

ചൊവ്വാഴ്ച രാവിലെ ഒമ്പതോടെയാണ് അരീക്കോട് എസ്.ഒ.ജി ഹെഡ്‌ക്വാർട്ടേഴ്‌സിൽ നിന്ന് ഹെലികോപ്‌ടർ പുറപ്പെട്ടത്. ജില്ലയിൽ നിന്നുള്ള പൊലീസ് ഉദ്യോഗസ്ഥർ അവിടെ നിന്നാണ് ഹെലികോപ്‌ടറിൽ കയറിയത്.

കോഴിക്കോടിന്റെ അതിർത്തി പ്രദേശങ്ങളും പടിഞ്ഞാറത്തറ, കരിങ്കണ്ണിക്കുന്ന്, കുഞ്ഞോം, ആറളം, പേര്യ, കർണാടക അതിർത്തിപ്രദേശമായ അമ്പലപ്പാറ, തിരുനെല്ലി, കമ്പമല, മക്കിമല ഭാഗങ്ങളിലുമാണ് നിരീക്ഷണം നടത്തിയത്. ഇതിനുശേഷം രാവിലെ 10.45-ഓടെ വയനാട് ഗവ. എൻജിനീയറിങ് കോളജിലെ മൈതാനത്ത് ഹെലികോപ്‌ടർ ഇറക്കി. ജില്ലയിലെ പൊലീസ് ഓഫിസർമാരെ ഇവിടെ ഇറക്കിയ ശേഷം 12.40-ഓടെ മലപ്പുറം അരീക്കോട്ടുള്ള സ്പെഷൽ ഓപറേഷൻ ഗ്രൂപ്പിന്റെ ആസ്ഥാനത്തേക്ക് പോയി. വരുംദിവസങ്ങളിലും നിരീക്ഷണത്തിനായി ഹെലികോപ്‌ടറെത്തും.

ഒ​ന്നേ​മു​ക്കാ​ൽ മ​ണി​ക്കൂ​റോ​ള​മാ​ണ് ഹെലികോപ്‌ട​ർ ഉ​പ​യോ​ഗി​ച്ച് തി​ര​ച്ചി​ൽ ന​ട​ത്തി​യ​ത്. ചി​ല​യി​ട​ങ്ങ​ളി​ലെ ഇ​ട​തൂ​ര്‍ന്ന വ​നം മേ​ഖ​ല തി​ര​ച്ചി​ലി​ന് ത​ട​സ്സ​മാ​യി. ക​മ്പ​മ​ല കേ​ന്ദ്രീ​ക​രി​ച്ച് ക​ഴി​ഞ്ഞ ഒ​രാ​ഴ്ച​യാ​യി പൊ​ലീ​സും ത​ണ്ട​ര്‍ബോ​ള്‍ട്ടും മാ​വോ​വാദിക​ള്‍ക്കാ​യി വ്യാ​പ​ക തി​ര​ച്ചി​ലാ​ണ് ന​ട​ത്തു​ന്ന​ത്.

ഡ്രോ​ണ്‍ ഉ​പ​യോ​ഗി​ച്ചും മ​റ്റും മൂ​ന്ന് ദി​വ​സ​ങ്ങ​ള്‍ക്ക് മു​മ്പേ തി​ര​ച്ചി​ല്‍ ന​ട​ത്തി​യി​രു​ന്നു. ക​മ്പ​മ​ല​യി​ലെ മാ​വോ​യി​സ്റ്റ് ആ​ക്ര​മ​ണ​വു​മാ​യി ബ​ന്ധ​പ്പെ​ട്ടു​ള്ള തി​ര​ച്ചിലി​നാ​യി തി​ങ്ക​ളാ​ഴ്ച ഹെ​ലി​കോ​പ്ട​റെ​ത്തി​ച്ചെ​ങ്കി​ലും പ്ര​തി​കൂ​ല കാ​ലാ​വ​സ്ഥ​യെ തു​ട​ർ​ന്ന് തി​രി​ച്ചു പോ​വു​ക​യാ​യി​രു​ന്നു.