നോക്കി നടത്താൻ ആളില്ല: മാ​ന​ന്ത​വാ​ടി കെ.​എ​സ്.​ആ​ർ.​ടി.​സി ഡി​പ്പോ ശോ​ച്യാ​വ​സ്ഥ​യി​ൽ

മാ​ന​ന്ത​വാ​ടി: മാ​ന​ന്ത​വാ​ടി കെ.​എ​സ്.​ആ​ർ.​ടി.​സി ഡി​പ്പോ കെ​ടു​കാ​ര്യ​സ്ഥ​ത​യു​ടെ ഉ​ത്ത​മ ഉ​ദാ​ഹ​ര​ണ​മാ​യി മാ​റു​ന്നു. കോ​വി​ഡി​ന് മു​മ്പ് 92 സ​ർ​വി​സ് ഉ​ണ്ടാ​യി​രു​ന്ന മാ​ന​ന്ത​വാ​ടി​യി​ൽ ഇ​പ്പോ​ൾ 67 സ​ർ​വി​സു​ക​ൾ മാ​ത്ര​മാ​ണു​ള്ള​ത്. ഇ​തി​ൽ പ​ല​തും പ​ല കാ​ര​ണ​ങ്ങ​ളാ​ൽ പ​ല​പ്പോ​ഴും റ​ദ്ദാ​ക്കു​ന്നു.

ജീ​വ​ന​ക്കാ​രോ ബ​സു​ക​ളോ ഇ​ല്ലെ​ന്ന കാ​ര​ണം കാ​ണി​ച്ചാ​ണ് സ​ർ​വി​സു​ക​ൾ മു​ട​ക്കു​ന്ന​ത്. മ​റ്റു ഡി​പ്പോ​ക​ളി​ൽ ടേ​ക്ക് ഓ​വ​ർ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ​വ​രെ പു​ന​രാ​രം​ഭി​ച്ചി​ട്ടും മാ​ന​ന്ത​വാ​ടി​യി​ൽ തു​ട​രു​ന്ന അ​ലം​ഭാ​വ​ത്തി​നെ​തി​രെ പ്ര​തി​ഷേ​ധം ശ​ക്ത​മാ​ണ്. കൂ​ടു​ത​ൽ ആ​ദി​വാ​സി മേ​ഖ​ല​ക​ളും ബൈ​റൂ​ട്ടു​ക​ളും ആ​യ​തി​നാ​ൽ മാ​ന​ന്ത​വാ​ടി ഡി​പ്പോ​യു​ടെ ശോ​ച്യാ​വ​സ്ഥ പൊ​തു​ജ​ന​ത്തെ സാ​ര​മാ​യി ബാ​ധി​ക്കു​ന്നു.

ജീ​വ​ന​ക്കാ​രു​ടെ കു​റ​വ് എ​ന്ന​തി​ലു​പ​രി ഉ​ള്ള ജീ​വ​ന​ക്കാ​രെ കൃ​ത്യ​മാ​യി ഉ​പ​യോ​ഗി​ക്കാ​ത്ത​താ​ണ് സ​ർ​വി​സു​ക​ൾ മു​ട​ങ്ങാ​ൻ കാ​ര​ണ​മെ​ന്ന ആ​രോ​പ​ണ​മു​ണ്ട്. അ​ഞ്ച് സ്റ്റേ​ഷ​ൻ മാ​സ്റ്റ​ർ ചു​മ​ത​ല​യു​ള്ള മാ​ന​ന്ത​വാ​ടി ഡി​പ്പോ​യി​ൽ പ​ല​പ്പോ​ഴും ആ​രും ജോ​ലി​ക്ക് എ​ത്തു​ന്നി​ല്ലെ​ന്ന് പ​രാ​തി​യു​ണ്ട്.

അ​ഞ്ച് ക​ൺ​ട്രോ​ളി​ങ് ഇ​ൻ​സ്പെ​ക്ട​ർ​മാ​രി​ൽ ര​ണ്ട് പേ​ർ വി.​ആ​ർ.​എ​സി​ന് അ​പേ​ക്ഷ കൊ​ടു​ത്തി​ട്ടു​ണ്ട്. ര​ണ്ട് ഇ​ൻ​സ്​​പെ​ക്ട​ർ​മാ​ർ വ​ർ​ക്ക് അ​റേ​ഞ്ച​മെ​ന്റ് വ്യ​വ​സ്ഥ​യി​ൽ കോ​ഴി​ക്കോ​ടും ക​ണ്ണൂ​രും ജോ​ലി ചെ​യ്യു​ന്നു. ക​ൽ​പ​റ്റ​യി​ൽ നി​ന്നു​ള്ള ഇ​ൻ​സ്പെ​ക്ട​റും നി​ല​വി​ലു​ള്ള​യാ​ളും ചേ​ർ​ന്നാ​ണ് ​ഡ്യൂ​ട്ടി ചു​മ​ത​ല​ക​ൾ നി​ർ​വ​ഹി​ക്കു​ന്ന​ത്.

പ​രി​ഷ്ക​ര​ണ​ത്തി​ന്റെ ഭാ​ഗ​മാ​യി എ.​ടി.​ഒ​യോ സൂ​പ്ര​ണ്ടോ ഇ​ല്ലാ​താ​വു​ക​യും ഇ​ട​ക്ക് മാ​ത്രം വ​രു​ന്ന ക്ല​സ്റ്റ​ർ ഓ​ഫി​സ​ർ​ക്ക് കാ​ര്യ​ങ്ങ​ളി​ൽ വേ​ണ്ട​ത്ര ഇ​ട​പെ​ടാ​ൻ ക​ഴി​യാ​തെ വ​രു​ക​യും ചെ​യ്യു​ന്നു​ണ്ട്. ഗാ​രേ​ജി​ന്റെ കാ​ര്യ​വും ശോ​ച​നീ​യ​മാ​ണ്. എ​ട്ട് ബ്ലാ​ക്ക്‌​സ്മി​ത്തു​ക​ൾ ഉ​ള്ള മാ​ന​ന്ത​വാ​ടി ഡി​പ്പോ​യി​ൽ ചെ​റി​യൊ​രു വെ​ൽ​ഡി​ങ് ജോ​ലി ചെ​യ്യാ​ൻ​പോ​ലും ആ​ളി​ല്ലാ​ത്ത സ്ഥി​തി​യാ​ണ്.

ഡി.​ഇ​യും എ.​ഡി.​ഇ​യും ഉ​ണ്ടെ​ങ്കി​ലും ജീ​വ​ന​ക്കാ​ർ​ക്ക് ഡ്യൂ​ട്ടി ക്ര​മീ​ക​രി​ച്ചു കൊ​ടു​ക്കാ​നോ കൃ​ത്യ​മാ​യി ഉ​പ​യോ​ഗി​ക്കാ​നോ മേ​ലു​ദ്യോ​ഗ​സ്ഥ​ർ ശ്ര​ദ്ധി​ക്കു​ന്നി​ല്ലെ​ന്ന പ​രാ​തി​യുണ്ട്.