മാ​ന​ന്ത​വാ​ടി​യി​ലെ താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ൽ

മാ​ന​ന്ത​വാ​ടി: മ​ഴ ക​ന​ത്ത​തോ​ടെ മാ​ന​ന്ത​വാ​ടി താ​ലൂ​ക്കി​ലെ താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ളം ക​യ​റി തു​ട​ങ്ങി. താ​ലൂ​ക്കി​ലെ ആ​ദ്യ ദു​രി​താ​ശ്വാ​സ ക്യാ​മ്പ് പ​ന​മ​ര​ത്ത് തു​ട​ങ്ങി.

മാ​ത്തൂ​ർ വ​യ​ൽ, നെ​ല്ലി​യാ​ട്ട് കോ​ള​നി​ക​ളി​ലെ 20 ആ​ദി​വാ​സി കു​ടും​ബ​ങ്ങ​ളെ​യാ​ണ് പ​ന​മ​രം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലേ​ക്ക് മാ​റ്റിപ്പാ​ർ​പ്പി​ച്ച​ത്. മാ​ന​ന്ത​വാ​ടി വി​ല്ലേ​ജി​ലെ ഇ​ല്ല​ത്തു വ​യ​ലി​ൽ നി​ന്നും അ​ഞ്ച് കു​ടും​ബ​ങ്ങ​ളി​ൽ നി​ന്നാ​യി 15 പേ​രെ അ​മൃ​ത സ്കൂ​ളി​ലേ​ക്ക് മാ​റ്റി പാ​ർ​പ്പി​ച്ചു.

പാ​ൽ​ച്ചു​രം ഒ​ന്നാം വ​ള​വി​ൽ ചൊ​വ്വാ​ഴ്ച രാ​ത്രി​യി​ൽ മ​ണ്ണി​ടി​ഞ്ഞ​തി​നെ തു​ട​ർ​ന്ന് ഗ​താ​ഗ​തം ത​ട​സ​പ്പെ​ട്ടു. ബു​ധ​നാ​ഴ്ച രാ​വി​ലെ​യോ​ടെ​യാ​ണ് ക​ല്ലും മ​ണ്ണും നീ​ക്കി ഗ​താ​ഗ​തം പു​ന:​സ്ഥാ​പി​ച്ച​ത്. യ​വ​നാ​ർ​കു​ള​ത്ത് കാ​വു​ങ്ക​ൽ പ്ര​കാ​ശ​ന്‍റെ വീ​ട്ടി​ലേ​ക്ക് റോ​ഡി​ന്‍റെ സം​ര​ക്ഷ​ണ ഭി​ത്തി ഇ​ടി​ഞ്ഞ് വീ​ണ​തി​നെ തു​ട​ർ​ന്ന് അ​പ​ക​ട ഭീ​ഷി​ണി നേ​രി​ടു​ക​യാ​ണ്. പു​ഞ്ച​ക്ക​ട​വ് റോ​ഡി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് ഗ​താ​ഗ​തം ത​ട​സ്സ​പ്പെ​ട്ടു. ക​രി​ന്തി​രി​ക്ക​ട​വി​ൽ റോ​ഡി​ൽ വെ​ള്ളം ക​യ​റി​യ​തോ​ടെ പെ​രു​വ​ക ക​മ്മ​ന റോ​ഡി​ൽ ഗ​താ​ഗ​തം ത​ട​സ​പ്പെ​ട്ടു. ഒ​ണ്ട​യ​ങ്ങാ​ടി​യി​ലെ അ​പ​ക​ട ഭീ​ഷ​ണി​യി​ലാ​യ മ​ര​ക്കൊ​മ്പ് അ​ഗ്നിര​ക്ഷ യൂ​നി​റ്റെ​ത്തി നീ​ക്കി. പ​യ്യ​മ്പ​ള്ളി മൂട്ര​ക്കൊ​ല്ലി​യി​ലും തോ​ണി​ച്ചാ​ൽ അം​ഗ​ൻ​വാ​ടി​യു​ടെ​യും കി​ണ​ർ ഇ​ടി​ഞ്ഞ് താ​ഴ്ന്നു.