വിവാദ ആഴ്ചച്ചന്ത കെട്ടിടത്തില്‍ ‘ഓട്ടയടപ്പ്’ പ്രവൃത്തികള്‍

മാ​ന​ന്ത​വാ​ടി: നാ​ല​ര​ക്കോ​ടി രൂ​പ ചെലവി​ല്‍ ടൂ​റി​സം വ​കു​പ്പ് വ​ള്ളി​യൂ​ര്‍ക്കാ​വി​ല്‍ നി​ര്‍മി​ച്ച ആ​ഴ്ച​ച്ച​ന്ത കെ​ട്ടി​ട​ങ്ങ​ള്‍ക്ക് ത​ക​രാ​റൊ​ന്നു​മി​ല്ലെ​ന്ന് വ​കു​പ്പ് മേ​ല​ധി​കാ​രി​ക​ള്‍ വി​വ​രാ​കാ​ശ രേ​ഖ​യി​ല്‍ വ്യ​ക്ത​മാ​ക്കു​മ്പോ​ഴും ഓ​ട്ട​യ​ട​പ്പും അ​റ്റ​കു​റ്റ​പ്പ​ണി​യും ത​കൃ​തി. ജ​നു​വ​രി 31ന് ​ടൂ​റി​സം വ​കു​പ്പ് ഡ​യ​റ​ക്ട​റു​ടെ കാ​ര്യാ​ല​യ​ത്തി​ല്‍നി​ന്ന് വി​വ​രാ​വ​കാ​ശ നി​യ​മ​പ്ര​കാ​രം ല​ഭി​ച്ച മ​റു​പ​ടി​യി​ല്‍ കെ​ട്ടി​ട​ത്തി​ന് ത​ക​രാ​റു​ള്ള​താ​യി ശ്ര​ദ്ധ​യി​ല്‍പെ​ട്ടി​ട്ടി​ല്ല എ​ന്നാ​യി​രു​ന്നു ഉ​ത്ത​രം. എ​ന്നാ​ല്‍, സ​ര്‍ക്കാ​ര്‍ കെ​ട്ടി​ട​ത്തി​ല്‍ ആ​രു​ടെ നി​ദേ​ശ​പ്ര​കാ​ര​മാ​ണ് പ്ര​വൃ​ത്തി​ക​ള്‍ ന​ട​ത്തു​ന്ന​തെ​ന്ന​തി​ന് ഉ​ത്ത​ര​വാ​ദ​പ്പെ​ട്ട​വ​ര്‍ക്കൊ​ന്നും കൃ​ത്യ​മാ​യ മ​റു​പ​ടി​യി​ല്ല.

2021ല്‍ ​ടൂ​റി​സം മ​ന്ത്രി മു​ഹ​മ്മ​ദ് റി​യാ​സ് ഉ​ദ്ഘാ​ട​നം ചെ​യ്ത വ​ള്ളി​യൂ​ര്‍ക്കാ​വി​ലെ ദേ​വ​സ്വം വ​ക ഭൂ​മി​യി​ലെ കെ​ട്ടി​ട​ത്തി​ന് നാ​ളി​തു​വ​രെ​യാ​യി​ട്ടും ന​ഗ​ര​സ​ഭ ന​മ്പ​ര്‍ പോ​ലും ന​ല്‍കി​യി​ട്ടി​ല്ല. അ​ത്ര​യേ​റെ പോ​രാ​യ്മ​ക​ളാ​ണ് വി​വാ​ദ​മാ​യ ഈ ​കെ​ട്ടി​ട​ത്തി​നു​ള്ള​ത്. ഉ​ദ്ഘാ​ട​നം ക​ഴി​ഞ്ഞ് മാ​സ​ങ്ങ​ള്‍ക്ക​കം​ത​ന്നെ കെ​ട്ടി​ട​ത്തി​ന്റെ പ​ല ഭാ​ഗ​ങ്ങ​ളി​ലും പൊ​ട്ട​ലു​ക​ളും വി​ള്ള​ലു​ക​ളും രൂ​പ​പ്പെ​ട്ടി​രു​ന്നു. കെ​ട്ടി​ട​ത്തി​ന്റെ ഉ​റ​പ്പി​നെ ബാ​ധി​ക്കു​ന്ന വി​ധ​ത്തി​ലാ​ണ് തൂ​ണു​ക​ളി​ലു​ൾ​പ്പ​ടെ വി​ള്ള​ല്‍. വേ​ണ്ട​ത്ര സാ​ങ്കേ​തി​ക പ​രി​ഗ​ണ​ന​ക​ള്‍ ന​ല്‍കാ​തെ വ​യ​ലി​ല്‍ നി​ര്‍മി​ച്ച​തി​നാ​ലാ​ണ് നാ​ള്‍ക്കു​നാ​ള്‍ കെ​ട്ടി​ടം അ​പ​ക​ടാ​വ​സ്ഥ​യി​ലേ​ക്ക് പോ​വു​ന്ന​തെ​ന്നാ​യി​രു​ന്നു ആ​രോ​പ​ണം.

ഏ​ത് വി​ധേ​ന​യും ന​മ്പ​ര്‍ ല​ഭി​ക്കാ​നാ​യി തി​ര​ക്കി​ട്ട രാ​ഷ്ട്രീ​യ നീ​ക്ക​ങ്ങ​ള്‍ ഉ​ന്ന​ത​ത​ല​ത്തി​ല്‍ ന​ട​ക്കു​ന്ന​തി​നി​ടെ​യി​ലാ​ണ് ഒ​രു മാ​സ​ത്തോ​ള​മാ​യി കെ​ട്ടി​ട​ത്തി​ന്റെ പ​ല​ഭാ​ഗ​ത്തും ഓ​ട്ട​യ​ട​പ്പ് പ്ര​വൃ​ത്തി​ക​ള്‍ പു​രോ​ഗ​മി​ക്കു​ന്ന​ത്. സി​മ​ന്റും മ​ണ​ലും കൂ​ട്ടി വി​ള്ള​ല്‍ രൂ​പ​പ്പെ​ട്ട ഭാ​ഗ​ങ്ങ​ളി​ല്‍ തേ​ച്ചൊ​ട്ടി​ച്ച ശേ​ഷം, ഇ​ത് തി​രി​ച്ച​റി​യാ​തി​രി​ക്കാ​ൻ സി​മ​ന്റ് ക​ല​ക്കി റി​പ്പ​യ​ര്‍ ചെ​യ്ത ഭാ​ഗ​ങ്ങ​ളി​ല്‍ പൂ​ശി​യി​രി​ക്കു​ക​യാ​ണ്. ത​ട്ടി​ക്കൂ​ട്ടി ഉ​ദ്ഘാ​ട​നം ന​ട​ത്തി​യ ഉ​ട​നെ​ത​ന്നെ കെ​ട്ടി​ട നി​ര്‍മാ​ണ ചു​മ​ത​ല ഏ​ൽ​പി​ച്ച സ​ര്‍ക്കാ​ര്‍ ഏ​ജ​ന്‍സി​കൂ​ടി​യാ​യ കേ​ര​ള ഇ​ല​ക്ട്രി​ക്ക​ല്‍ അ​ലൈ​ഡ് എ​ന്‍ജി​നീ​യ​റി​ങ് ക​മ്പ​നി​ക്ക് നാ​ല​ര​ക്കോ​ടി രൂ​പ​യും ന​ല്‍കി​യ​താ​യി വി​വ​രാ​വ​കാ​ശ രേ​ഖ​യി​ല്‍ ടൂ​റി​സം ഡ​യ​റ​ക്ട​റു​ടെ കാ​ര്യാ​ല​യം അ​റി​യി​ക്കു​ന്നു​ണ്ട്. എ​ന്നാ​ൽ, കെ​ട്ടി​ട​ത്തി​നു​ള്ള അ​പാ​ക​ത​ക​ള്‍ ശ്ര​ദ്ധ​യി​ല്‍ പെ​ട്ടി​ട്ടു​ണ്ടോ​യെ​ന്ന ചോ​ദ്യ​ത്തി​ന്, ഇ​ത്ത​ര​ത്തി​ല്‍ യാ​തൊ​രു പ​രാ​തി​യും ല​ഭി​ച്ചി​ല്ലെ​ന്നാ​ണ് പ്ര​തി​ക​ര​ണം.

നി​ര​വ​ധി​പേ​ര്‍ ക​യ​റി​യി​റ​ങ്ങേ​ണ്ട ആ​ഴ്ച​ച്ച​ന്ത ന​ട​ത്താ​നാ​യി നി​ര്‍മി​ച്ച കെ​ട്ടി​ട​ത്തി​ന്റെ ബ​ല​ത്തെ ബാ​ധി​ക്കു​ന്നത​ര​ത്തി​ലു​ള്ള അ​പാ​ക​ത​യാ​ണ് ഉ​ത്ത​ര​വാ​ദ​പ്പെ​ട്ട​വ​രൊ​ന്നും അ​റി​യാ​തെ കൈ​കാ​ര്യം ചെ​യ്തി​രി​ക്കു​ന്ന​ത്. ടൂ​റി​സം വ​കു​പ്പോ കെ​ട്ടി​ത്തി​ന്റെ കൈ​കാ​ര്യ​ക​ര്‍ത്താ​ക്ക​ളാ​യ ദേ​വ​സ്വം വ​കു​പ്പോ അ​റി​യാ​തെ ന​ട​ത്തി​യ ഓ​ട്ട​യ​ട​ക്ക​ല്‍ ഗു​ണ​ത്തേ​ക്കാ​ളേ​റെ ദോ​ഷം വ​രു​ത്തി​വെ​ക്കു​മെ​ന്നാ​ണ് പ​രാ​തി ഉ​യ​രു​ന്ന​ത്.