കണ്ണോത്തുമല ജീപ്പപകടം; കാണാതെ പോകരുത്, ഇരകളുടെ ദുരിതം

മാ​ന​ന്ത​വാ​ടി: തോ​ട്ടം​തൊ​ഴി​ലാ​ളി​ക​ളാ​യ ഒ​മ്പ​ത് അ​മ്മ​മാ​രു​ടെ ജീ​വ​ൻ പൊ​ലി​ഞ്ഞി​ട്ട് ഇന്നേക്ക് പ​തി​നേ​ഴ് ദി​വ​സം. കു​ടും​ബ​ങ്ങ​ൾ​ക്കു​ള്ള സ​ർ​ക്കാ​ർ ന​ഷ്ട​പ​രി​ഹാ​രം എ​പ്പോ​ൾ ല​ഭി​ക്കു​മെ​ന്ന ചോ​ദ്യ​ത്തി​ന് ഇ​നി​യും ഉ​ത്ത​ര​മാ​യി​ല്ല. ആ​ഗ​സ്റ്റ് 25നാ​ണ് മ​ക്കി​മ​ല സ്വ​ദേ​ശി​ക​ളാ​യ പ​തി​നാ​ലു​പേ​ർ സ​ഞ്ച​രി​ച്ച ജീ​പ്പ് ക​ണ്ണോ​ത്തുമ​ല ജ​ങ്ഷ​നി​ൽ കൊ​ക്ക​യി​ലേ​ക്ക് മ​റി​ഞ്ഞ​ത്.

ഒ​മ്പ​ത് അ​മ്മ​മാ​ർ​ക്കാ​ണ് ജീ​വ​ൻ ന​ഷ്ട​മാ​യ​ത്. റാ​ണി, ശാ​ന്തി, ചി​ന്ന​മ്മ, ലീ​ല, ഷാ​ജ, റാ​ബി​യ, കാ​ർ​ത്ത്യാ​നി, ശോ​ഭ​ന, ചി​ത്ര എ​ന്നി​വ​രാ​ണ് മ​രി​ച്ച​ത്. ഉ​മാ​ദേ​വി, ല​ത, മ​ണി, മോ​ഹ​ന സു​ന്ദ​രി, ജ​യ​ന്തി എ​ന്നി​വ​ർ ചി​കി​ത്സ​യി​ലാ​ണ്.

ഒ​രു കു​ടും​ബ​ത്തി​ലെ അ​മ്മ​യും മ​ക​ളും മ​രി​ച്ച​വ​രു​ടെ കൂ​ട്ട​ത്തി​ൽ ഉ​ൾ​പ്പെ​ടു​ന്നു. അ​ടി​യ​ന്ത​ര സ​ഹാ​യ​മാ​യി സ​ർ​ക്കാ​ർ പ​തി​നാ​യി​രം രൂ​പ ന​ൽ​കി​യി​രു​ന്നു. സ​ന്ന​ദ്ധ സം​ഘ​ട​ന​ക​ളും വ്യ​ക്തി​ക​ളും സ​ഹാ​യ​ഹ​സ്ത​വു​മാ​യി മ​ക്കി​മ​ല​യി​ലേ​ക്ക് ഒ​ഴു​കി​യെ​ത്തി​യെ​ങ്കി​ലും സ​ർ​ക്കാ​ർ ന​ഷ്ട​പ​രി​ഹാ​രം ന​ൽ​കു​ന്ന​തി​ൽ​നി​ന്ന് മു​ഖം തി​രി​ച്ചു​നി​ൽ​ക്കു​ക​യാ​ണ്.

സം​ഭ​വം ന​ട​ന്ന് ര​ണ്ടാ​ഴ്ച ക​ഴി​ഞ്ഞാ​ണ് ജി​ല്ല ഭ​ര​ണ​കൂ​ടം സ​ർ​ക്കാ​റി​ന് റി​പ്പോ​ർ​ട്ട് ന​ൽ​കു​ന്ന​ത്. റി​പ്പോ​ർ​ട്ട് ല​ഭി​ക്കാ​ത്ത​തി​നാ​ലാ​ണ് മ​ന്ത്രി​സ​ഭ ന​ഷ്ട​പ​രി​ഹാ​രം പ്ര​ഖ്യാ​പി​ക്കാ​ൻ വൈ​കു​ന്ന​തെ​ന്നാ​ണ് അ​ധി​കാ​രി​ക​ളു​ടെ വി​ശ​ദീ​ക​ര​ണം.

പാ​വ​പ്പെ​ട്ട തോ​ട്ടം തൊ​ഴി​ലാ​ളി​ക​ളാ​യ​തി​നാ​ലാ​ണ് സ​ർ​ക്കാ​ർ സ​ഹാ​യം ന​ൽ​കാ​ൻ വൈ​കി​ക്കു​ന്ന​തെ​ന്നാണ് മ​രി​ച്ച​വ​രു​ടെ കു​ടും​ബാ​ംഗങ്ങ​ൾ ആ​രോ​പി​ക്കു​ന്ന​ത്. വീ​ട്ടി​ൽ ക​ഴി​യു​ന്ന രോ​ഗി​ക​ളെ ആ​ശു​പ​ത്രി​യി​ൽ എ​ത്തി​ക്കാനും മ​രു​ന്നു വാങ്ങാ​നും വ​ണ്ടി വാ​ട​ക പോ​ലും ഇ​ല്ലാ​തെ ബ​ന്ധു​ക്ക​ൾ വ​ല​യു​ക​യാ​ണ്.

ആ​റു കു​ടും​ബ​ങ്ങ​ൾ​ക്ക് സ്വ​ന്ത​മാ​യി അ​ട​ച്ചു​റ​പ്പു​ള്ള വീ​ടു​പോ​ലും ഇ​ല്ലാ​ത്ത​വ​രാ​ണ്. പ​ല​ർ​ക്കും ജാ​തി സ​ർ​ട്ടി​ഫി​ക്ക​റ്റ് ല​ഭി​ക്കാ​ത്ത​തി​നാ​ൽ പ​ട്ടി​ക​ജാ​തി വ​കു​പ്പി​ൽ​നി​ന്ന് ഒ​രു ആ​നു​കൂ​ല്യ​വും ല​ഭി​ക്കു​ന്നി​ല്ല. ര​ണ്ടു മ​ന്ത്രി​മാ​ർ ദു​ര​ന്ത​സ്ഥ​ല​വും വീ​ടു​ക​ളും സ​ന്ദ​ർ​ശി​ച്ച് കു​ടും​ബ​ങ്ങ​ളു​ടെ ദ​യ​നീ​യ സ്ഥി​തി​ഗ​തി​ക​ൾ മ​ന​സ്സി​ലാ​ക്കി​യ​വ​രാ​ണ്.

എ​ന്നി​ട്ടും സാ​ങ്കേ​തി​ക​ത്വ​ത്തി​ന്റെ നൂ​ലാ​മാ​ല​ക​ൾ പ​റ​ഞ്ഞ് ന​ഷ്ട​പ​രി​ഹാ​രം ന​ൽ​കാ​തെ മ​നു​ഷ്യ​ത്വ​ര​ഹി​ത​മാ​യ സ​മീ​പ​ന​മാ​ണ് സ​ർ​ക്കാ​ർ തു​ട​രു​ന്ന​തെന്ന് കു​ടും​ബാ​ംഗങ്ങ​ൾ ആ​രോ​പി​ക്കു​ന്ന​ു. ത​ങ്ങ​ൾ വ​ലി​യ വോ​ട്ടു ബാ​ങ്ക​ല്ലാ​ത്ത​താ​ണോ സ​ർ​ക്കാ​റി​ന്റെ ഇ​ര​ട്ട​നീ​തി​ക്ക് കാ​ര​ണ​മെ​ന്ന് ആ​റാം ന​മ്പ​ർ കോ​ള​നി​യി​ലെ നാ​ൽ​പ​ത് കു​ടും​ബ​ങ്ങ​ളും ചോ​ദി​ക്കു​ന്ന​ു.