പണിതീർന്നില്ല; അതിന് മുമ്പേ സബ് രജിസ്ട്രാർ ഓഫിസിന്‍റെ ഉദ്ഘാടന മാമാങ്കം

മാ​ന​ന്ത​വാ​ടി: ര​ണ്ട് വ​ർ​ഷ​മാ​യി ന​ട​ന്നു​കൊ​ണ്ടി​രി​ക്കു​ന്ന നി​ർ​മാ​ണ പ്ര​വൃ​ത്തി​ക​ൾ പൂ​ർ​ത്തീ​ക​രി​ക്കും മു​മ്പേ സ​ർ​ക്കാ​ർ ഓ​ഫി​സ് കെ​ട്ടി​ട​ത്തി​ന്റെ ഉ​ദ്ഘാ​ട​ന മാ​മാ​ങ്കം. മാ​ന​ന്ത​വാ​ടി സ​ബ് ര​ജി​സ്ട്രാ​ർ ഓ​ഫി​സ് കെ​ട്ടി​ട​മാ​ണ് ബു​ധ​നാ​ഴ്ച രാ​വി​ലെ 11ന് ​മ​ന്ത്രി വി.​എ​ൻ. വാ​സ​വ​ൻ ഓ​ൺ​ലൈ​ൻ വ​ഴി ഉ​ദ്ഘാ​ട​നം ചെ​യ്യു​ന്ന​ത്. കി​ഫ്ബി ഫ​ണ്ടി​ൽ​നി​ന്ന് 1.20 കോ​ടി രൂ​പ ചെ​ല​വി​ൽ 2020ൽ ​ആ​ണ് നി​ർ​മാ​ണം ആ​രം​ഭി​ച്ച​ത്.

കെ​ട്ടി​ട നി​ർ​മാ​ണം പൂ​ർ​ത്തി​യാ​ക്കി വ​യ​റി​ങ് ന​ട​ത്തി​യെ​ങ്കി​ലും വൈ​ദ്യു​തി ല​ഭി​ച്ചി​ട്ടി​ല്ല. ഓ​ൺ​ലൈ​ൻ സം​വി​ധാ​ന​ത്തി​നു​ള്ള സെ​ർ​വ​ർ സം​വി​ധാ​ന​ങ്ങ​ളും ഒ​രു​ക്കി​യി​ട്ടി​ല്ല. ഓ​ഫി​സ് പ്ര​വ​ർ​ത്ത​ന​ങ്ങ​ൾ​ക്കാ​വ​ശ്യ​മാ​യ ഫ​ർ​ണി​ച്ച​ർ സൗ​ക​ര്യ​ങ്ങ​ൾ ഒ​ന്നും ഏ​ർ​പ്പെ​ടു​ത്തി​യി​ട്ടു​മി​ല്ല. റെ​ക്കോ​ഡ് റൂ​മി​ൽ രേ​ഖ​ക​ൾ സൂ​ക്ഷി​ക്കാ​നു​ള്ള സം​വി​ധാ​ന​ങ്ങ​ളു​മാ​യി​ട്ടി​ല്ല.

ഉ​ദ്ഘാ​ട​നം ക​ഴി​ഞ്ഞാ​ലും നി​ല​വി​ലു​ള്ള ഓ​ഫി​സി​ന്റെ പ്ര​വ​ർ​ത്ത​നം അ​ടു​ത്തൊ​ന്നും മാ​റി​ല്ലെ​ന്ന് ഉ​ദ്യോ​ഗ​സ്ഥ​ർ പ​റ​യു​ന്നു. ജി​ല്ല ആ​ശു​പ​ത്രി​ക്കു​ന്നി​ൽ ബ്രി​ട്ടീ​ഷു​കാ​രു​ടെ കാ​ല​ത്ത് നി​ർ​മി​ച്ച കെ​ട്ടി​ട​ത്തി​ലാ​ണ് വ​ർ​ഷ​ങ്ങ​ളാ​യി ഓ​ഫി​സ് പ്ര​വ​ർ​ത്തി​ക്കു​ന്ന​ത്. ദി​നം​പ്ര​തി അ​മ്പ​തി​ല​ധി​കം ഭൂ​ര​ജി​സ്ട്രേ​ഷ​ൻ ഈ ​ഓ​ഫി​സി​ൽ ന​ട​ക്കു​ന്നു​ണ്ട്.