വ​യ​നാ​ടിന്റെ ഹൃദയത്തിന് ഒടുവിൽ കാവൽ

മാ​ന​ന്ത​വാ​ടി: സ​ർ​ക്കാ​ർ ആ​ശു​പ​ത്രി​ക​ളി​ൽ ഹൃ​ദ്രോ​ഗ വി​ദ​ഗ്ധ​ൻ ഇ​ല്ലാ​ത്ത ജി​ല്ല​യെ​ന്ന വ​യ​നാ​ടി​ന്റെ ദു​ര​വ​സ്ഥ​ക്ക് മാ​റ്റം. വ​യ​നാ​ട് ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ഹൃ​ദ്രോ​ഗ വി​ദ​ഗ്ധനെ നി​യ​മി​ക്കാ​ൻ തീ​രു​മാ​നി​ച്ചു. കോ​ഴി​ക്കോ​ട് ഗ​വ. മെ​ഡി​ക്ക​ൽ കോ​ള​ജി​ൽ നി​ന്നു​ള്ള ര​ണ്ട് സീ​നി​യ​ർ റെ​സി​ഡ​ന്റു​മാ​രു​ടെ സേ​വ​ന​മാ​ണ് ആ​ദ്യ​ഘ​ട്ട​ത്തി​ലു​ണ്ടാ​വു​ക. ചൊ​വ്വ, വ്യാ​ഴം ദി​വ​സ​ങ്ങ​ളി​ൽ ഹൃ​ദ്രോ​ഗ വി​ദ​ഗ്ധ​രു​ടെ സേ​വ​ന​മു​ണ്ടാ​കും. രോ​ഗി​ക​ൾ​ക്ക് ഹൃ​ദ്രോ​ഗ വി​ഭാ​ഗം ഡോ​ക്ട​ർ​മാ​രെ നേ​രി​ൽ കാ​ണാ​നാ​വി​ല്ല. മ​റ്റു ഡോ​ക്ട​ർ​മാ​രെ ക​ണ്ട ശേ​ഷം ആ​വ​ശ്യ​മെ​ന്ന് തോ​ന്നി​യാ​ൽ അ​വ​ർ ഹൃ​ദ്രോ​ഗ വി​ഗ​ദ​ഗ്ധ​നെ കാ​ണാ​ൻ ആ​വ​ശ്യ​പ്പെ​ടും. ഇ​ങ്ങ​നെ​യു​ള്ള റ​ഫ​റ​ൽ ക​ത്തു​മാ​യി എ​ത്തി​യാ​ൽ മാ​ത്ര​മേ കാ​ർ​ഡി​യോ​ള​ജി ഒ.​പി ടി​ക്ക​റ്റ് ല​ഭി​ക്കൂ.

ജി​ല്ല​യി​ലെ സ​ർ​ക്കാ​ർ ആ​ശു​പ​ത്രി​ക​ളി​ൽ ഹൃ​ദ്രോ​ഗ വി​ദ​ഗ്ധ​നി​ല്ലാ​ത്ത​ത് ഏ​റെ പ്ര​ശ്ന​ങ്ങ​ൾ സൃ​ഷ്ടി​ച്ചി​രു​ന്നു. ഹൃ​ദ​യ​സം​ബ​ന്ധ​മാ​യ പ്ര​ശ്ന​ങ്ങ​ളു​മാ​യി വ​യ​നാ​ട് ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തു​ന്ന എ​ല്ലാ​വ​രെ​യും കോ​ഴി​ക്കോ​ട് ഗ​വ. മെ​ഡി​ക്ക​ൽ കോ​ളജി​ലേ​ക്ക് റ​ഫ​ർ ചെ​യ്യു​ന്ന​താ​യി​രു​ന്നു പ​തി​വ്. മാ​ന​ന്ത​വാ​ടി​യി​ൽനി​ന്ന് മൂ​ന്നു മ​ണി​ക്കൂ​റി​ല​ധി​കം സ​ഞ്ച​രി​ച്ചാ​ലാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ​ത്തു​ക. ചു​ര​ത്തി​ൽ ഗ​താ​ഗ​ത ത​ട​സ്സ​മു​ണ്ടാ​യാ​ൽ മെ​ഡി​ക്ക​ൽ കോ​ള​ജി​ലെ​ത്തു​ന്ന​ത് പി​ന്നെ​യും നീ​ളും.

പ​ല​രും ഭാ​ഗ്യം കൊ​ണ്ടാ​ണ് ര​ക്ഷ​പ്പെ​ടു​ന്ന​ത്. അ​ഞ്ചു​വ​ർ​ഷം മു​മ്പ് വ​യ​നാ​ടി​ന് അ​നു​വ​ദി​ച്ച കാ​ത്ത്‌​ലാ​ബ് യാ​ഥാ​ർ​ഥ്യ​മാ​വാ​ത്ത​തും ജി​ല്ല​യി​ലെ സ​ർ​ക്കാ​ർ ആ​ശു​പ​ത്രി​ക​ളി​ൽ ഹൃ​ദ്രോ​ഗ വി​ദ​ഗ്ധ​നി​ല്ലാ​ത്ത​തി​നാ​ല്‍ ജ​നം അ​നു​ഭ​വി​ക്കു​ന്ന പ്ര​യാ​സ​ങ്ങ​ളും നി​ര​വ​ധി ത​വ​ണ ‘മാ​ധ്യ​മം’​ഉ​ൾ​പ്പെ​ടെ റി​പ്പോ​ർ​ട്ട് ചെ​യ്തി​രു​ന്നു.