ജൈ​ത്ര​യാ​ത്ര​യു​മാ​യി ഗ്രാ​മവ​ണ്ടി; നെ​ഞ്ചി​ലേ​റ്റി യാ​ത്ര​ക്കാ​ർ

മാ​ന​ന്ത​വാ​ടി: യാ​ത്രാ ക്ലേ​ശം അ​നു​ഭ​വ​പ്പെ​ടു​ന്ന പ്ര​ദേ​ശ​ങ്ങ​ളി​ലേ​ക്ക് ത​ദ്ദേ​ശ സ്ഥാ​പ​ന​ങ്ങ​ളു​മാ​യി സ​ഹ​ക​രി​ച്ച് കെ.​എ​സ്.​ആ​ർ.​ടി.​സി ആ​രം​ഭി​ച്ച ഗ്രാ​മ വ​ണ്ടി ജൈ​ത്ര​യാ​ത്രതു​ട​രു​ന്നു. ബ​സി​നെ ഇ​രു​ൈക​യും നീ​ട്ടി സ്വീ​ക​രി​ച്ചും നെ​ഞ്ചി​ലേ​റ്റി​യും യാ​ത്ര​ക്കാ​രും. മാ​ന​ന്ത​വാ​ടി ബ്ലോ​ക്ക് പ​ഞ്ചാ​യ​ത്തി​ന്റെ സാ​മ്പ​ത്തി​ക സ​ഹാ​യ​ത്തോ​ടെ​യാ​ണ് മാ​ന​ന്ത​വാ​ടി പ​ള്ളി​ക്ക​ൽ കാ​ര​ക്കു​നി വ​ഴി ജി​ല്ല​യി​ലെ എ​ക അ​ർ​ബു​ദ ചി​കി​ത്സ കേ​ന്ദ്ര​മാ​യ ന​ല്ലൂ​ർ​നാ​ട് അം​ബേ​ദ്ക​ർ ആ​ശു​പ​ത്രി വ​രെ​യാ​ണ് ഗ്രാ​മ​വ​ണ്ടി സ​ര്‍വി​സ് ന​ട​ത്തു​ന്ന​ത്.

ഗ്രാ​മ​മേ​ഖ​ല​ക​ളി​ലെ യാ​ത്ര​ക​ള്‍ക്ക് ത​ദ്ദേ​ശ​സ്ഥാ​പ​ന​ങ്ങ​ളു​മാ​യി ചേ​ര്‍ന്നു​ള്ള ഗ്രാ​മ​വ​ണ്ടി സ​ര്‍വി​സു​ക​ള്‍ പ​ല​തും പാ​തി​വ​ഴി​യി​ല്‍ മു​ട​ങ്ങു​ന്ന കാ​ഴ്ച​ക​ള്‍ക്കി​ടെ​യാ​ണ് വ​യ​നാ​ട്ടി​ല്‍ നി​ന്നു​ള്ള ഈ ​ബ​സ് വി​ജ​യ​ക്കുതി​പ്പ് തു​ട​രു​ന്ന​ത്. കെ.​എ​സ്.​ആ​ര്‍.​ടി.​സി​യു​ടെ ഗ്രാ​മ​വ​ണ്ടി പ​ദ്ധ​തി​യി​ലൂ​ടെ സ​ര്‍വി​സ് ആ​രം​ഭി​ച്ച ജി​ല്ല​യി​ലെ ആ​ദ്യ റൂ​ട്ടാ​ണി​ത്. 2023 ജ​നു​വ​രി ആ​റി​ന് അ​ന്ന​ത്തെ ഗ​താ​ഗ​ത മ​ന്ത്രി ആ​ന്റ​ണി രാ​ജു ഫ്ലാ​ഗ് ഓ​ഫ് ചെ​യ്ത ആ​രം​ഭി​ച്ച സ​ര്‍വി​സ് ഒ​രു വ​ര്‍ഷ​ത്തേ​ക്ക് അ​ടു​ക്കു​മ്പോ​ള്‍ വ​രു​മാ​ന കാ​ര്യ​ത്തി​ലും ബ​ഹു​ദൂ​രം മു​ന്നി​ൽ ഓ​ടി​ക്കൊ​ണ്ടി​രി​ക്കു​ക​യാ​ണ്. കാ​രക്കുനി അ​ധ്യാ​പ​ക പ​ഠ​ന കേ​ന്ദ്രം, ചേ​മ്പി​ലോ​ട് എ​ൽ.​പി സ്കൂ​ളി​ലേ​ക്കും ടാ​ക്സി വാ​ഹ​ന​ങ്ങ​ളെ ആ​ശ്ര​യി​ച്ചാ​ണ് സ​ഞ്ച​രി​ച്ചി​രു​ന്ന​ത്. കാ​ര​ക്കുനി കേ​ന്ദ്രീ​ക​രി​ച്ച് സ്വാ​ശ്ര​യ സം​ഘ​ത്തി​ന്റെ ര​ണ്ട് ടാ​ക്സി ജീ​പ്പു​ക​ളാ​യി​രു​ന്നു എ​ക​ യാ​ത്രാ മാ​ർ​ഗം. ഇ​പ്പോ​ൾ മേ​ഖ​ല​യി​ലെ ജ​ന​ങ്ങ​ള്‍ക്ക് ഗ്രാ​മ​വ​ണ്ടി ഏ​റെ ആ​ശ്വാ​സ​മാ​ണ്.