ഫ്ലക്സ് വിവാദം; ന​വ​കേ​ര​ള സ​ദ​സ്സി​ന് കോ​ൺ​ഗ്ര​സ് സ്ഥാ​പ​ന​ത്തി​ന്റെ ആ​ശം​സ

മാ​ന​ന്ത​വാ​ടി: കെ.​പി.​സി.​സി​യു​ടെ സ​ർ​ക്കു​ല​റി​ന് പു​ല്ല് വി​ല ക​ൽ​പ്പി​ച്ച് ഇ​ട​തു സ​ർ​ക്കാ​റി​ന്റെ ന​വ​കേ​ര​ള സ​ദ​സ്സി​ന് കോ​ൺ​ഗ്ര​സ് സ്ഥാ​പ​ന​ത്തി​ന്റെ ആ​ശം​സ ബോ​ർ​ഡ്. സം​ഭ​വം കോ​ൺ​ഗ്ര​സി​ൽ ക​ലാ​പ​ക്കൊ​ടി ഉ​യ​ർ​ത്തു​ന്നു.

മാ​ന​ന്ത​വാ​ടി താ​ലൂ​ക്കി​ലെ ഏ​റ്റ​വും വ​ലി​യ ധ​ന​കാ​ര്യ സ്ഥാ​പ​ന​മാ​യ മാ​ന​ന്ത​വാ​ടി ഫാ​ർ​മേ​ഴ്സ് സ​ർ​വി​സ് സ​ഹ​ക​ര​ണ ബാ​ങ്കാ​ണ് ന​ഗ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ഫ്ല​ക്സ് ബോ​ർ​ഡു​ക​ൾ സ്ഥാ​പി​ച്ച​ത്.

ചൊ​വ്വാ​ഴ്ച വൈ​കു​ന്നേ​ര​ത്തോ​ടെ​യാ​ണ് ബാ​ങ്കി​ന് മു​ന്നി​ലും ഗാ​ന്ധി പാ​ർ​ക്കി​ലും ബോ​ർ​ഡു​ക​ൾ പ്ര​ത്യ​ക്ഷ​പ്പെ​ട്ട​ത്. സം​ഭ​വം വി​വാ​ദ​മാ​യ​തോ​ടെ ഭ​ര​ണ സ​മി​തി​യി​ലെ ഭൂ​രി​ഭാ​ഗം ഡ​യ​റ​ക്ട​ർ​മാ​രും ത​ങ്ങ​ൾ അ​റി​ഞ്ഞ​ല്ല ബോ​ർ​ഡ് വെ​ച്ച​തെ​ന്നും പ്ര​സി​ഡ​ന്റും ജീ​വ​ന​ക്കാ​രും ചേ​ർ​ന്നാ​ണ് ഇ​ത് ചെ​യ്ത​തെ​ന്ന നി​ല​പാ​ടി​ലാ​ണ്. വി​ഷ​യം കോ​ൺ​ഗ്ര​സി​ന്റെ വാ​ട്സ് ആ​പ് ഗ്രൂ​പ്പു​ക​ളി​ൽ സ​ജീ​വ ച​ർ​ച്ചാവി​ഷ​യ​മാ​യി​രി​ക്കു​ക​യാ​ണ്. അ​തേ​സ​മ​യം സ​ഹ​ക​ര​ണ വ​കു​പ്പി​ന്റെ നി​ർ​ദേ​ശം ന​ട​പ്പി​ലാ​ക്കു​ക മാ​ത്ര​മാ​ണ് ത​ങ്ങ​ൾ ചെ​യ്ത​തെ​ന്നാ​ണ് പ്ര​സി​ഡ​ന്റ് വി​ശ​ദീ​ക​രി​ക്കു​ന്ന​ത്. വി​ഷ​യം ച​ർ​ച്ച ചെ​യ്യാ​നാ​യി ബു​ധ​നാ​ഴ്ച അ​ടി​യ​ന്ത​ര ഭ​ര​ണ സ​മി​തി യോ​ഗം വി​ളി​ച്ചു ചേ​ർ​ത്തു. യോ​ഗ​ത്തി​ൽ പ്ര​സി​ഡ​ന്റ് ഉ​ൾ​പ്പെ​ടെ​യു​ള്ള​വ​ർ ഫ്ല​ക്സ് വെ​ക്കാ​ൻ ആ​ർ​ക്കും അ​നു​മ​തി ന​ൽ​കി​യി​ട്ടി​ല്ലെ​ന്നു പ​റ​ഞ്ഞു. ബാ​ങ്കി​ന്റെ പേ​ര് ദു​ര​പ​യോ​ഗം ചെ​യ്ത​തി​നെക്കുറി​ച്ച​ന്വേ​ഷി​ക്കാ​ൻ തീ​രു​മാ​ന​മെ​ടു​ത്ത​താ​യാ​ണ് സൂ​ച​ന.