വാൾ തിരികെ എഴുന്നള്ളിക്കുന്നതിനിടെ അപകടം; ഓട്ടോറിക്ഷ ഡ്രൈവർ കസ്റ്റഡിയിൽ

മാ​ന​ന്ത​വാ​ടി: വ​ള്ളി​യൂ​ർ​ക്കാ​വ് ക്ഷേ​ത്ര​ത്തി​ലെ ഉ​ത്സ​വ​സ​മാ​പ​ന​ത്തോ​ട​നു​ബ​ന്ധി​ച്ച് ദേ​വി​യു​ടെ വാ​ൾ തി​രി​കെ പ​ള്ളി​യ​റ ക്ഷേ​ത്ര​ത്തി​ലേ​ക്ക് എ​ഴു​ന്ന​ള്ളി​ക്കു​ന്ന​തി​നി​ടെ അ​പ​ക​ട​മു​ണ്ടാ​ക്കി​യ ഓ​ട്ടോ​റി​ക്ഷ ഡ്രൈ​വ​റെ ക​സ്റ്റ​ഡി​യി​ലെ​ടു​ത്തു. കാ​ൽ​ന​ട​യാ​യി വാ​ൾ​കൊ​ണ്ടു​പോ​കു​ന്ന മൂ​ന്നു പേ​രെ​യാ​ണ് ഓ​ട്ടോ​റി​ക്ഷ​യി​ടി​ച്ച​ത്.

വാ​ൾ എ​ഴു​ന്ന​ള്ളി​ച്ച ക​ണ്ണ​ൻ എ​ന്ന ശ​ങ്ക​ര​നാ​രാ​യ​ണ​ൻ (31) കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണ്. കൂ​ടെ​യു​ണ്ടാ​യി​രു​ന്ന ചെ​ണ്ട​കൊ​ട്ടു​ന്ന ര​തീ​ഷ് മാ​രാ​ർ, വി​ള​ക്ക് പി​ടി​ക്കു​ന്ന സു​ന്ദ​ര​ൻ എ​ന്നി​വ​ർ നി​സ്സാ​ര പ​രി​ക്കു​ക​ളോ​ടെ ര​ക്ഷ​പ്പെ​ട്ടു. ഇ​ടി​ച്ച് തെ​റി​പ്പി​ച്ച് നി​ർ​ത്താ​തെ പോ​യ ഓ​ട്ടോ​റി​ക്ഷ​യു​ടെ ഡ്രൈ​വ​ർ തൃ​ശൂർ സ്വ​ദേ​ശി ഗോ​പാ​ല​കൃ​ഷ്ണ​നെ പൊ​ലീ​സ് ക​സ്റ്റ​ഡി​യി​ലെ​ടു​ത്തു.

സ്റ്റേ​ഷ​നി​ൽ വെ​ച്ച് ദേ​ഹാ​സ്വാ​സ്ഥ്യ​മാ​ണെ​ന്ന് പ​റ​ഞ്ഞ​തി​നെ തു​ട​ർ​ന്ന് ഇ​യാ​ളെ പി​ന്നീ​ട് മാ​ന​ന്ത​വാ​ടി മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു. വ​ള്ളി​യൂ​ർ​ക്കാ​വ് ഉ​ത്സ​വ ന​ഗ​രി​യി​ൽ ക​ച്ച​വ​ട​ത്തി​ന് വ​ന്ന​താ​ണ് ഗോ​പാ​ല​കൃ​ഷ്ണ​ൻ. അ​പ​ക​ടം വ​രു​ത്തി​യ തൃ​ശൂർ ര​ജി​സ്ട്രേ​ഷ​നി​ലു​ള്ള ഓ​ട്ടോ​റി​ക്ഷ​യും ക​സ്റ്റ​ഡി​യി​ലെ​ടു​ത്തു.

ബു​ധ​നാ​ഴ്ച രാ​വി​ലെ വ​ള്ളി​യൂ​ർ​ക്കാ​വ് റോ​ഡി​ലെ ശാ​ന്തി ന​ഗ​റി​ൽ വെ​ച്ചാ​യി​രു​ന്നു സം​ഭ​വം. ക​ച്ച​വ​ടം ക​ഴി​ഞ്ഞ് വാ​ട​ക സാ​ധ​ന​ങ്ങ​ൾ തി​രി​കെ​യേ​ൽ​പ്പി​ക്കാ​ൻ പോ​കു​ന്ന​തി​നി​ടെ​യാ​ണ് അ​പ​ക​ടം. മാ​ന​ന്ത​വാ​ടി​യി​ലെ ഓ​ട്ടോ ഡ്രൈ​വ​ർ എം.​പി. ശ​ശി​കു​മാ​റാ​ണ് ചെ​റു​കാ​ട്ടൂ​ർ എ​സ്റ്റേ​റ്റ് ക​വ​ല​യി​ൽ വെ​ച്ച് ഓ​ട്ടോ ക​ണ്ടെ​ത്തി ത​ട​ഞ്ഞു​വെ​ച്ച് മാ​ന​ന്ത​വാ​ടി പൊ​ലീ​സി​ന് കൈ​മാ​റി​യ​ത്.