മയക്കുമരുന്നുമായി യുവാവ് പിടിയില്‍

മുത്തങ്ങ: മാരക മയക്കുമരുന്നുമായി യുവാവ് അറസ്​റ്റിൽ. വടുവഞ്ചാല്‍ പിലാത്തൊടിയില്‍ അലി അന്‍ഷാദാണ്​ (19) പിടിയിലായത്. പാർട്ടി ഡ്രഗായി ഉപയോഗിക്കുന്ന 20 ഗ്രാം എം.ഡി.എം.എ കണ്ടെടുത്തു.

നാര്‍കോട്ടിക് സെല്‍ ഡിവൈ.എസ്.പി വി. രജികുമാറും ലഹരിവിരുദ്ധ സ്‌ക്വാഡും ബത്തേരി എസ്.ഐ പി.ജി. രാംജിത്തും സംഘവും ജില്ല ഡോഗ് സ്‌ക്വാഡി െൻറ സഹായത്തോടെ മുത്തങ്ങ മൂലഹള്ളക്കു സമീപം നടത്തിയ വാഹന പരിശോധനയിലാണ് ബൈക്കില്‍ മയക്കുമരുന്നുമായെത്തിയ ഇയാളെ പിടികൂടിയത്.