Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightWayanadchevron_rightമാധവനിത് നിറവിന്‍റെ...

മാധവനിത് നിറവിന്‍റെ പൊന്നോണം

text_fields
bookmark_border
മാധവനിത് നിറവിന്‍റെ പൊന്നോണം
cancel
camera_alt

മാധവനും ഭാര്യ സതിയും

കൽപറ്റ: കാടിനോട് ചേര്‍ന്ന ഭൂമിയില്‍ ഷീറ്റ് വലിച്ചുകെട്ടിയ ഷെഡില്‍ കാലവര്‍ഷത്തെയും വന്യമൃഗങ്ങളെയും നേരിട്ട് ദുരിതജീവിതം നയിച്ച മാധവനും ഭാര്യക്കും പൂക്കളമൊരുക്കാൻ പുത്തൻ വീടൊരുങ്ങി. തിരുനെല്ലി പഞ്ചായത്തിലെ ഇരുമ്പുപാലം സെൻറ് കോളനിയിലെ 56 കഴിഞ്ഞ അംഗപരിമിതനായ മാധവനും ഭാര്യ സതിക്കും ഇത്​ നിറവി​െൻറ പൊന്നോണം. ചികിത്സാ പിഴവിനെ തുടര്‍ന്ന് കാല്‍ നഷ്​ടപ്പെട്ട മാധവ​െൻറ ജീവിതം വഴിമുട്ടിയ നിലയിലായിരുന്നു.

ബാര്‍ബര്‍ തൊഴിലാളിയായിരുന്ന മാധവന്‍ കെട്ടിട നിര്‍മാണ രംഗത്ത് വന്നപ്പോഴാണ് അപകടത്തില്‍പെട്ട് വലത് കാലിന് പരിക്കേറ്റത്. കുട്ടയിലും മാനന്തവാടി ജില്ല ആശുപത്രിയിലും ഒരുമാസത്തോളം ചികിത്സ നടത്തി.പിന്നീട് വൈദ്യ​െൻറ അടുത്ത് ചികിത്സ തേടിയതോടെ അവസ്ഥ വഷളാവുകയും കാല്‍ മുറിച്ചുകളയേണ്ടിയും വന്നു.

ഇപ്പോള്‍ ഒരു കാലില്ലാത്ത മാധവ​െൻറ ആശ്രയം ലോട്ടറി കച്ചവടമാണ്. പൊളിഞ്ഞുവീഴാറായ, സുരക്ഷിതമല്ലാത്ത ഷെഡില്‍ കഴിഞ്ഞിരുന്ന കുടുംബത്തിന് ലൈഫ് മിഷനിലൂടെയാണ് സ്വന്തമായി സുരക്ഷിത ഭവനം യാഥാര്‍ഥ്യമായത്. സ്വന്തമായൊരു വീടെന്നത് കുടുംബത്തെ സംബന്ധിച്ച് സങ്കൽപിക്കാൻപോലും സാധ്യമല്ലായിരുന്നു. ഈ പൊന്നോണ നിറവില്‍ നിറഞ്ഞ ഓണസദ്യ ഒരുക്കാനും പൂക്കളമിടാനും സ്വന്തമായി വീടായതി​െൻറ സന്തോഷത്തിലാണിവര്‍.

Show Full Article
TAGS:onam2020 madhav and family wayanad 
Next Story