അ​വ​ർ​ക്കി​നി സ്വ​ന്തം വീ​ട്ടി​ൽ അ​ന്തി​യു​റ​ങ്ങാം; മീ​ന​ങ്ങാ​ടി​യി​ലെ 24 വീ​ടു​ക​ൾ ഇ​ന്ന് കൈ​മാ​റും

മീ​ന​ങ്ങാ​ടി: മീ​ന​ങ്ങാ​ടി പ​ഞ്ചാ​യ​ത്തി​ലെ 24 കു​ടും​ബ​ങ്ങ​ളു​ടെ സ്വ​ന്ത​മാ​യി ഭൂ​മി​യും വാ​സ​യോ​ഗ്യ​മാ​യ വീ​ടും എ​ന്ന സ്വ​പ്നം യാ​ഥാ​ർ​ഥ്യ​മാ​വു​ന്നു. ലൈ​ഫ് ഭ​വ​ന പ​ദ്ധ​തി​യി​ൽ ഉ​ൾ​പ്പെ​ടു​ത്തി നി​ർ​മി​ച്ച വീ​ടു​ക​ളു​ടെ താ​ക്കോ​ൽ​ദാ​ന​വും സ്ഥ​ല​ത്തി​ന്‍റെ ആ​ധാ​ര കൈ​മാ​റ്റ​വും വെ​ള്ളി​യാ​ഴ്ച ഉ​ച്ച​ക്ക് ര​ണ്ടി​ന് യൂ​ക്കാ​ലി ക​വ​ല​യി​ലെ ച​ട​ങ്ങി​ൽ ന​ട​ക്കും. മ​ന്ത്രി ഒ.​ആ​ർ. കേ​ളു ഉ​ദ്ഘാ​ട​നം ചെ​യ്യും.

ഐ.​സി. ബാ​ല​കൃ​ഷ്ണ​ൻ എം.​എ​ൽ.​എ അ​ധ്യ​ക്ഷ​ത​വ​ഹി​ക്കും. ബ​ത്തേ​രി രൂ​പ​ത മെ​താ​പൊ​ലീ​ത്ത ജോ​സ​ഫ് മോ​ര്‍ തോ​മ​സ് സോ​ളാ​ര്‍ ലൈ​റ്റു​ക​ളു​ടെ സ്വി​ച് ഓ​ണ്‍ നി​ര്‍വ​ഹി​ക്കും.

തൊ​ഴി​ലു​റ​പ്പ് പ​ദ്ധ​തി​യു​മാ​യി സം​യോ​ജി​പ്പി​ച്ച് സോ​ക്പി​റ്റു​ക​ൾ, ക​മ്പോ​സ്റ്റ് പി​റ്റു​ക​ൾ, ഇ​ന്‍റ​ർ​ലോ​ക്ക് പാ​കി​യ ന​ട​പ്പാ​ത​ക​ൾ, ഗ്രാ​മ​പ​ഞ്ചാ​യ​ത്തും അ​ന​ർ​ട്ടും ശ്രേ​യ​സും ചേ​ർ​ന്ന് ന​ട​പ്പി​ലാ​ക്കി​യ സോ​ളാ​ർ ലൈ​റ്റു​ക​ൾ, സോ​ളാ​ർ വി​ൻ​ഡ് മി​ല്‍, ഓ​രോ വീ​ടി​നും പ്ര​ത്യേ​കം കു​ടി​വെ​ള്ള സൗ​ക​ര്യ​ങ്ങ​ളും ഇ​വി​ടെ ഒ​രു​ക്കി​യി​ട്ടു​ണ്ട്.

ഗ്രാ​മ​പ​ഞ്ചാ​യ​ത്ത് 41 ല​ക്ഷം രൂ​പ​യും ജി​ല്ല പ​ഞ്ചാ​യ​ത്ത് 13 ല​ക്ഷ​വും ഹ​ഡ്കോ​യി​ല്‍നി​ന്ന് ഗ്രാ​മ​പ​ഞ്ചാ​യ​ത്ത് വാ​യ്പ​യെ​ടു​ത്ത 44 ല​ക്ഷ​വും ലൈ​ഫ് ഭ​വ​ന പ​ദ്ധ​തി​യു​ടെ സം​സ്ഥാ​ന വി​ഹി​ത​മാ​യ 44 ല​ക്ഷ​വും ചെ​ല​വ​ഴി​ച്ചാ​ണ് വീ​ടു​ക​ൾ നി​ർ​മി​ച്ച​ത്. തൊ​ഴി​ലു​റ​പ്പ് പ​ദ്ധ​തി​യി​ൽ 54 ല​ക്ഷം ചെ​ല​വ​ഴി​ച്ച് അ​ടി​സ്ഥാ​ന സൗ​ക​ര്യ വി​ക​സ​ന​വും 11 ല​ക്ഷം രൂ​പ ചെ​ല​വി​ൽ സൗ​രോ​ർ​ജ പ​ദ്ധ​തി​യും 29 ല​ക്ഷം രൂ​പ ചെ​ല​വ​ഴി​ച്ച് ഭൂ​മി​യും ല​ഭ്യ​മാ​ക്കി​യാ​ണ് ഭ​വ​ന സ​മു​ച്ച​യം പൂ​ർ​ത്തീ​ക​രി​ച്ച​ത്.

ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ് സം​ഷാ​ദ് മ​ര​ക്കാ​ര്‍, ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് സി. ​അ​സൈ​നാ​ര്‍, ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് കെ.​ഇ. വി​ന​യ​ന്‍, ജി​ല്ല ക​ല​ക്ട​ര്‍ ഡി.​ആ​ര്‍. മേ​ഘ​ശ്രീ, പ​ട്ടി​ക​വ​ര്‍ഗ വി​ക​സ​ന ക്ഷേ​മ വ​കു​പ്പ് ഡ​യ​റ​ക്ട​ര്‍ ഡോ. ​രേ​ണു​രാ​ജ് തു​ട​ങ്ങി​യ​വ​ര്‍ ച​ട​ങ്ങി​ൽ സം​ബ​ന്ധി​ക്കും.