പുലിഭീതിയിൽ ചുളിക്ക പ്രദേശം

മേ​പ്പാ​ടി: ചു​ളി​ക്ക​യി​ൽ വ​ള​ർ​ത്തു​മൃ​ഗ​ങ്ങ​ളെ പു​ലി ആ​ക്ര​മി​ച്ച് കൊ​ല്ലു​ന്ന​ത് പ​തി​വാ​യ​തോ​ടെ പ്ര​ദേ​ശ​ത്തു​ള്ള​വ​ർ ഭീ​തി​യി​ൽ. പ​രി​യ​ങ്ങാ​ട​ൻ ഇ​ബ്രാ​ഹീ​മി​ന്‍റെ എ​ച്ച്.​എ​ഫ് ഇ​ന​ത്തി​ൽ​പ്പെ​ട്ട എ​ട്ടു​മാ​സം ഗ​ർ​ഭി​ണി​യാ​യ പ​ശു​വി​നെ​യും സ​മീ​പ​വാ​സി​യാ​യ യാ​ഹു​വി​ന്‍റെ ഒ​രു പ​ശു​വി​നെ​യു​മാ​ണ് വെ​ള്ളി​യാ​ഴ്ച പു​ലി ആ​ക്ര​മി​ച്ച് കൊ​ന്ന​ത്.

പ്ര​ദേ​ശ​ത്തെ പ​ല കു​ടും​ബ​ങ്ങ​ളു​ടെ​യും ജീ​വി​ത മാ​ർ​ഗ​മാ​ണ് പ​ശു വ​ള​ർ​ത്ത​ൽ.

പു​ലി​യു​ടെ ആ​ക്ര​മ​ണ​ത്തി​ൽ അ​ത് ന​ഷ്ട​പ്പെ​ടു​ന്ന​തി​ന്‍റെ ദു:​ഖ​ത്തി​ലാ​ണ് പ​ല കു​ടും​ബ​ങ്ങ​ളും. ക​ഴി​ഞ്ഞ ര​ണ്ടു വ​ർ​ഷ​ത്തി​നി​ട​യി​ൽ പ​രി​യ​ങ്ങാ​ട​ൻ ഇ​ബ്രാ​ഹീ​മി​ന്‍റെ ആ​റാ​മ​ത്തെ പ​ശു​വി​നെ​യാ​ണ് പു​ലി കൊ​ല്ലു​ന്ന​ത്. മു​ൻ പ്ര​സ​വ​ത്തി​ൽ 18 ലി​റ്റ​ർ പാ​ൽ ല​ഭി​ച്ച പ​ശു​വാ​ണ് വെ​ള്ളി​യാ​ഴ്ച കൊ​ല്ല​പ്പെ​ട്ട​ത്. വ​നം വ​കു​പ്പ​ധി​കൃ​ത​ർ സ്ഥ​ലം സ​ന്ദ​ർ​ശി​ക്കു​ക​യും ന​ഷ്ട​പ​രി​ഹാ​ര​ത്തി​ന് അ​പേ​ക്ഷ സ​മ​ർ​പ്പി​ക്കാ​നാ​വ​ശ്യ​പ്പെ​ടു​ക​യും ചെ​യ്തി​ട്ടു​ണ്ട്.

പ​ക്ഷേ, നി​ത്യേ​ന​യു​ള്ള വ​രു​മാ​നം ന​ഷ്ട​പ്പെ​ട്ടി​ട​ത്ത് തു​ച്ഛ​മാ​യ തു​ക ന​ഷ്ട​പ​രി​ഹാ​രം ല​ഭി​ച്ചി​ട്ടെ​ന്തു കാ​ര്യ​മാ​ണെ​ന്നാ​ണ് ക​ർ​ഷ​ക​ർ ചോ​ദി​ക്കു​ന്ന​ത്. മാ​ത്ര​മ​ല്ല ചു​ളി​ക്ക പ്ര​ദേ​ശ​ത്ത് ക​രി​മ്പു​ലി​യു​ടെ സാ​ന്നി​ധ്യ​മു​ള്ള​താ​യും നാ​ട്ടു​കാ​ർ സാ​ക്ഷ്യ​പ്പെ​ടു​ത്തു​ന്നു. പു​ലി​ക​ളെ കൂ​ട് സ്ഥാ​പി​ച്ച് പി​ടി​കൂ​ട​ണ​മെ​ന്ന​ാണാവശ്യം.

ന​ട​പ​ടി ഉ​ണ്ടാ​യി​ല്ലെ​ങ്കി​ൽ സ​മ​ര​ത്തി​നി​റ​ങ്ങു​മെ​ന്ന നി​ല​പാ​ടി​ലാ​ണ് നാ​ട്ടു​കാ​ർ.