പൊ​ലീ​സ് സ്റ്റേ​ഷ​നി​ൽ മിന്നൽ ‘പരിശോധന’ക്കെത്തി പുള്ളിപ്പുലി

ഗൂ​ഡ​ല്ലൂ​ർ: ഗൂ​ഡ​ല്ലൂ​ർ: സ്ഥ​ലം ഗൂ​ഡ​ല്ലൂ​ർ ന​ടു​വ​ട്ടം പൊ​ലീ​സ് സ്റ്റേ​ഷ​ൻ. സ​മ​യം രാ​ത്രി ഒ​മ്പ​തു മ​ണി. സ്റ്റേ​ഷ​ൻ ഹൗ​സ് ഓ​ഫി​സ​ർ അ​ട​ക്കം പൊ​ലീ​സ് ഉ​ദ്യോ​ഗ​സ്ഥ​ര​ട​ക്കം പു​റ​ത്തു​പോ​യ സ​മ​യ​ത്ത് സ്റ്റേ​ഷ​നി​ൽ മു​ന്ന​റി​യി​പ്പി​ല്ലാ​തെ പ​രി​ശോ​ധ​ന​ക്കെ​ത്തി​യ​യാ​​ളെ ക​ണ്ട് റൈ​റ്റ​ർ ഞെ​ട്ടി. ത​ല​യെ​ടു​പ്പോ​ടെ ക​ട​ന്നു​വ​രു​ന്ന​ത് മ​റ്റാ​രു​മ​ല്ല, സാ​ക്ഷാ​ൽ പു​ള്ളി​പ്പു​ലി.

തു​റ​ന്നി​ട്ടി​രി​ക്കു​ന്ന മു​ൻ​വാ​തി​ലി​ലൂ​ടെ​ അ​ക​ത്തെ​ത്തി​യ ക​ക്ഷി അ​ക​ത്തെ മു​റി​യി​ൽ ക​യ​റി നി​രീ​ക്ഷ​ണം ന​ട​ത്തി. എ​ല്ലാം ഏ​റെ ഗൗ​ര​വ​ത്തി​ൽ. ഗൂ​ഡ​ല്ലൂ​ർ- ഊ​ട്ടി ദേ​ശീ​യ​പാ​ത​യി​ലെ ന​ടു​വ​ട്ടം പൊ​ലീ​സ് സ്റ്റേ​ഷ​നാ​ണ് പു​ള്ളി​പ്പു​ലി മി​ന്ന​ൽ പ​രി​ശോ​ധ​ന​ക്ക് തി​ര​ഞ്ഞെ​ടു​ത്ത​ത്. അ​​ക​ത്തെ​ല്ലാം ക​യ​റി പ​രി​ശോ​ധി​ച്ചെ​ങ്കി​ലും കാ​ര്യ​മാ​യി ഒ​ന്നും ക​ണ്ടെ​ത്താ​നാ​വാ​ത്ത​ത് കൊ​ണ്ടാ​കാം ‘പ​രി​ശോ​ധ​ക​ൻ’ അ​ൽ​പ​സ​മ​യ​ത്തി​ന​കം വ​ന്ന വ​ഴി​യെ തി​രി​ച്ചി​റ​ങ്ങി. ഇ​തു​ക​ണ്ട​പ്പോ​ഴാ​ണ് റൈ​റ്റ​ർ​ക്ക് ശ്വാ​സം നേ​രെ​വീ​ണ​ത്. പു​ലി ഇ​റ​ങ്ങി​യെ​ന്ന് വാ​തി​ൽ പാ​ളി​യി​ലൂ​ടെ പാ​ളി​നോ​ക്കി ഉ​റ​പ്പി​ച്ച ഇ​ദ്ദേ​ഹം ക്ഷ​ണ​വേ​ഗ​ത്തി​ൽ വാ​തി​ല​ട​ച്ച് സ്വ​യം ​ലോ​ക്ക​പ്പി​ലാ​ക്കി.

ഡ്യൂ​ട്ടി​യി​ലു​ണ്ടാ​യി​രു​ന്ന റൈ​റ്റ​ർ മാ​ത്ര​മേ അ​പ്പോ​ൾ സ്റ്റേ​ഷ​നി​ൽ ഉ​ണ്ടാ​യി​രു​ന്നു​ള്ളൂ. മ​റ്റ് പൊ​ലീ​സു​കാ​രെ​ല്ലാം പു​റ​ത്ത് കാ​വ​ലി​നു പോ​യ സ​മ​യ​ത്താ​ണ് പു​ലി​യെ​ത്തി​യ​ത്. പു​ലി​യും ​പൊ​ലീ​സ് സ്റ്റേ​ഷ​നും പാ​ളി​നോ​ക്കു​ന്ന പൊ​ലീ​സു​കാ​ര​നും സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​ണ്.