നി​യ​മ​സ​ഭ തെ​ര​ഞ്ഞെ​ടു​പ്പ്: ജി​ല്ല​യി​ല്‍ 576 പോ​ളി​ങ് സ്‌​റ്റേ​ഷ​നു​ക​ൾ

ക​ൽ​പ​റ്റ: നി​യ​മ​സ​ഭ തെ​ര​ഞ്ഞെ​ടു​പ്പി​നു​ള്ള മു​ന്നൊ​രു​ക്ക​ങ്ങ​ളു​മാ​യി ബ​ന്ധ​പ്പെ​ട്ട് വി​വി​ധ വ​കു​പ്പു​ക​ളു​ടെ ജി​ല്ല​ത​ല ഉ​ദ്യോ​ഗ​സ്ഥ​രു​ടെ യോ​ഗം ക​ല​ക്ട​റേ​റ്റ് മി​നി കോ​ണ്‍ഫ​റ​ന്‍സ് ഹാ​ളി​ല്‍ ചേ​ർ​ന്നു. ജി​ല്ല തെ​ര​ഞ്ഞെ​ടു​പ്പ് ഓ​ഫി​സ​റാ​യ ജി​ല്ല ക​ല​ക്ട​ര്‍ ഡോ. ​അ​ദീ​ല അ​ബ്​​ദു​ല്ല അ​ധ്യ​ക്ഷ​ത വ​ഹി​ച്ചു. പോ​ളി​ങ് ബൂ​ത്തു​ക​ളി​ലെ അ​ടി​സ്ഥാ​ന സൗ​ക​ര്യ​ങ്ങ​ള്‍ ഉ​റ​പ്പു​വ​രു​ത്തു​ന്ന​തി​ന് ത​ദ്ദേ​ശ സ്ഥാ​പ​ന​ങ്ങ​ളും ബ​ന്ധ​പ്പെ​ട്ട വ​കു​പ്പു​ക​ളും ഇ​പ്പോ​ള്‍ ത​ന്നെ ശ്ര​ദ്ധ പ​തി​പ്പി​ക്ക​ണ​മെ​ന്ന് ക​ല​ക്ട​ര്‍ നി​ര്‍ദേ​ശം ന​ല്‍കി. ശു​ചി​മു​റി, വൈ​ദ്യു​തി, വെ​ള്ളം, റാം​പ് തു​ട​ങ്ങി​യ സൗ​ക​ര്യ​ങ്ങ​ള്‍ ഉ​റ​പ്പാ​ക്ക​ണം. അം​ഗ​ൻ​വാ​ടി​ക​ളി​ല്‍ ഉ​ള്‍പ്പെ​ടെ സ്ഥി​ര​മാ​യ റാം​പ് ഉ​ണ്ടാ​ക്കു​ന്ന​തി​ന് പ്ലാ​ന്‍ ത​യാ​റാ​ക്ക​ണം.

തെ​ര​ഞ്ഞെ​ടു​പ്പി​ന് വേ​ണ്ടി താ​ൽ​ക്കാ​ലി​ക​മാ​യി റാം​പ് ഒ​രു​ക്കു​ന്ന​തി​നു പ​ക​രം സ്ഥി​ര​സം​വി​ധാ​ന​ത്തെ കു​റി​ച്ചാ​ണ് ആ​ലോ​ചി​ക്കേ​ണ്ട​തെ​ന്നും ക​ല​ക്ട​ര്‍ പ​റ​ഞ്ഞു. ജി​ല്ല​യി​ല്‍ ആ​കെ 576 പോ​ളി​ങ് സ്‌​റ്റേ​ഷ​നു​ക​ളാ​ണു​ള്ള​ത്. ഇ​തു​കൂ​ടാ​തെ 1000 വോ​ട്ട​ര്‍മാ​രി​ല്‍ അ​ധി​ക​മു​ള്ള പോ​ളി​ങ് സ്‌​റ്റേ​ഷ​നു​ക​ളി​ല്‍ ഓ​രോ ഓ​ക്‌​സി​ല​റി ബൂ​ത്ത് കൂ​ടി അ​നു​വ​ദി​ക്കും. ആ​കെ 372 ഓ​ക്‌​സി​ല​റി ബൂ​ത്തു​ക​ളാ​ണ് ജി​ല്ല​യി​ല്‍ സ​ജ്ജീ​ക​രി​ക്കു​ക.

കോ​വി​ഡിെൻറ പ​ശ്ചാ​ത്ത​ല​ത്തി​ലാ​ണി​ത്. പോ​ളി​ങ് ബൂ​ത്തു​ക​ളു​ടെ എ​ണ്ണം വ​ര്‍ധി​ക്കു​ന്ന സാ​ഹ​ച​ര്യ​ത്തി​ല്‍ തെ​ര​ഞ്ഞെ​ടു​പ്പ് ഡ്യൂ​ട്ടി​ക്ക് മു​ഴു​വ​ന്‍ ഉ​ദ്യോ​ഗ​സ്ഥ​രു​ടെ​യും സാ​ന്നി​ധ്യം ആ​വ​ശ്യ​മാ​യി വ​രു​മെ​ന്നും നി​സ്സാ​ര കാ​ര​ണ​ങ്ങ​ളു​ടെ പേ​രി​ല്‍ ഡ്യൂ​ട്ടി​യി​ല്‍നി​ന്ന് ഒ​ഴി​വാ​കാ​ന്‍ അ​നു​വ​ദി​ക്കി​ല്ലെ​ന്നും ഇ​ക്കാ​ര്യ​ത്തി​ല്‍ ജി​ല്ലാ​ത​ല ഉ​ദ്യോ​ഗ​സ്ഥ​രും ജാ​ഗ്ര​ത പു​ല​ര്‍ത്ത​ണ​മെ​ന്നും ക​ല​ക്ട​ര്‍ നി​ര്‍ദേ​ശം ന​ല്‍കി.

ക്ര​മ​സ​മാ​ധാ​ന​വു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ള്‍ ജി​ല്ല പൊ​ലീ​സ് മേ​ധാ​വി ഡോ. ​അ​ര​വി​ന്ദ് സു​കു​മാ​റും കോ​വി​ഡ് പ്രോ​ട്ടോ​കോ​ള്‍ പ​രി​പാ​ലി​ക്കു​ന്ന​തു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ള്‍ ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ.​ആ​ര്‍. രേ​ണു​ക​യും യോ​ഗ​ത്തി​ല്‍ വി​ശ​ദീ​ക​രി​ച്ചു. എ.​ഡി.​എം ടി. ​ജ​നി​ല്‍കു​മാ​ര്‍, ഇ​ല​ക്​​ഷ​ന്‍ ഡെ​പ്യൂ​ട്ടി ക​ല​ക്ട​ര്‍ കെ. ​ര​വി​കു​മാ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.