ഉരുൾ ദുരന്തം; ഒന്നര വർഷമായിട്ടും വേഗമില്ലാതെ ഗോത്ര വിഭാഗങ്ങളുടെ പുനരധിവാസം

ക​ല്‍പ​റ്റ: ഒ​റ്റ രാ​ത്രി​യി​ൽ ര​ണ്ടു ഗ്രാ​മ​ങ്ങ​ളെ​യും അ​നേ​കം മ​നു​ഷ്യ​രേ​യും പാ​ടെ തു​ട​ച്ചു നീ​ക്കി​യ മു​ണ്ട​ക്കൈ ചൂ​ര​ല്‍മ​ല ഉ​രു​ള്‍ ദു​ര​ന്തം ക​ഴി​ഞ്ഞ് ഒ​ന്ന​ര വ​ര്‍ഷ​മാ​യി​ട്ടും എ​ങ്ങു​മെ​ത്താ​തെ ഗോ​ത്ര വി​ഭാ​ഗ​ങ്ങ​ളു​ടെ പു​ന​ര​ധി​വാ​സം. 13 കു​ടും​ബ​ങ്ങ​ള്‍ക്ക് പ്ര​ത്യേ​ക പു​ന​ര​ധി​വാ​സ​മൊ​രു​ക്കാ​ൻ സ​ര്‍ക്കാ​ര്‍ സ്ഥ​ലം ക​ണ്ടെ​ത്തി​യെ​ങ്കി​ലും തു​ട​ർ ന​ട​പ​ടിക​ളൊ​ന്നു​മി​ല്ലാ​തെ മേ​പ്പാ​ടി ഗ്രാ​മ​പ​ഞ്ചാ​യ​ത്തി​ലെ 15 ഏ​ക്ക​ർ ഭൂ​മി ഇ​പ്പോ​ഴും കാ​ട് മൂ​ടി കി​ട​ക്കു​ക​യാ​ണ്.

വെ​ള്ള​രി​മ​ല വി​ല്ലേ​ജി​ല്‍ സ​ര്‍വേ ന​മ്പ​ര്‍ 126ലു​ള്‍പ്പെ​ട്ട നി​ക്ഷി​പ്ത വ​ന ഭൂ​മി​യാ​യി വ​നം വ​കു​പ്പ് ഏ​റ്റെ​ടു​ത്ത പു​തി​യ വി​ല്ലേ​ജ് പ​രി​സ​ര​ത്തെ 15 ഏ​ക്ക​റാ​ണ് ആ​ദി​വാ​സി കു​ടും​ബ​ങ്ങ​ളു​ടെ പു​ന​ര​ധി​വാ​സ​ത്തി​ന് ദു​ര​ന്ത​മു​ണ്ടാ​യി ഒ​രു വ​ർ​ഷ​ത്തി​ന് ശേ​ഷം സ​ർ​ക്കാ​ർ ഏ​റ്റെ​ടു​ത്ത​ത്. പു​ഞ്ചി​രി​മ​ട്ടം പു​തി​യ വി​ല്ലേ​ജ് ഉ​ന്ന​തി​ക​ളി​ലെ എട്ട് കു​ടും​ബ​ങ്ങ​ൾ സ​ര്‍ക്കാ​ര്‍ ത​യാ​റാ​ക്കി​യ ഗു​ണ​ഭോ​ക്തൃ ലി​സ്റ്റി​ൽ ര​ണ്ടാം​ഘ​ട്ട ബി ​പ​ട്ടി​ക​യി​ല്‍ ഉ​ള്‍പ്പെ​ട്ടി​രു​ന്നു. എ​ല്ലാം മ​ഴ​ക്കാ​ല​ങ്ങ​ളി​ലും താ​ൽക്കാ​ലി​ക​മാ​യി മാ​റ്റി താ​മ​സി​പ്പി​ക്കേ​ണ്ടി​വ​രു​ന്ന ദു​ര​ന്ത മേ​ഖ​ല​യി​ലെ അ​ട്ട​മ​ല ഏ​റാ​ട്ടു​കു​ണ്ട് ഉ​ന്ന​തി​യി​ലെ അ​ഞ്ചു കു​ടും​ബ​ങ്ങ​ളെ​യും ഇ​വ​ര്‍ക്കൊ​പ്പം ചേ​ര്‍ത്ത് 13 കു​ടും​ബ​ങ്ങ​ള്‍ക്ക് പ്ര​ത്യേ​ക പു​ന​ര​ധി​വാ​സ​മൊ​രു​ക്കാ​നാ​യി​രു​ന്നു സ​ര്‍ക്കാ​ര്‍ തീ​രു​മാ​നം.

പു​ഞ്ചി​രി​മ​ട്ടം ഉ​ന്ന​തി​യി​ലെ അ​ഞ്ചു കു​ടും​ബ​ങ്ങ​ളി​ൽ നി​ന്നാ​യി 16 പേ​രും ഏ​റാ​ട്ടു​കു​ണ്ട് ഉ​ന്ന​തി​യി​ലെ അ​ഞ്ച് കു​ടും​ബ​ങ്ങ​ളി​ലെ 32 പേ​രും പു​തി​യ വി​ല്ലേ​ജി​ലെ മൂ​ന്ന് കു​ടും​ബ​ങ്ങ​ളി​ൽ നി​ന്നു​ള്ള ഒ​മ്പ​ത് അം​ഗ​ങ്ങ​ളെ​യു​മാ​ണ് പു​ന​ര​ധി​വ​സി​പ്പി​ക്കു​ക. ദു​ര​ന്ത​ബാ​ധി​ത​രാ​യ ഗോ​ത്ര കു​ടും​ബ​ങ്ങ​ള്‍ മി​ക്ക​വ​രും നി​ല​വി​ല്‍ ബ​ന്ധു​വീ​ടു​ക​ളി​ലും മ​റ്റു​മാ​ണ് ക​ഴി​യു​ന്ന​ത്. ക​ഴി​ഞ്ഞ ജൂ​ലൈ​യി​ല്‍ മാ​ത്ര​മാ​ണ് ഇ​വ​രു​ടെ പു​ന​ര​ധി​വാ​സ​ത്തി​നു​ള്ള ഭൂ​മി ക​ണ്ടെ​ത്തി​യ​ത്.

ഓ​രോ കു​ടും​ബ​ത്തി​നും 10 സെ​ന്റ് വീ​തം ഭൂ​മി​യി​ൽ എ​ല്‍സ്റ്റ​ണ്‍ എ​സ്റ്റേ​റ്റി​ല്‍ ത​യാ​റാ​ക്കു​ന്ന ടൗ​ണ്‍ഷി​പ്പി​ല്‍ നി​ർ​മി​ക്കു​ന്ന 1000 സ്ക്വ​യ​ര്‍ ഫീ​റ്റ് വീ​ട് മാ​തൃ​ക​യി​ലോ ഉ​ന്ന​തി​ക്കാ​രു​ടെ ആ​വാ​സ​വ്യ​വ​സ്ഥ​ക്ക് അ​നു​യോ​ജ്യ​മാ​വു​ന്ന വി​ധ​മോ ഏ​താ​ണോ ഉ​ചി​ത​മെ​ന്ന പ​രി​ഗ​ണ​ന​യു​ടെ അ​ടി​സ്ഥാ​ന​ത്തി​ല്‍ നി​ര്‍മാ​ണം പൂ​ര്‍ത്തി​യാ​ക്കു​മെ​ന്നാ​യി​രു​ന്നു പ​ട്ടി​ക​വ​ര്‍ഗ വി​ക​സ​ന വ​കു​പ്പ് അ​റി​യി​ച്ച​ത്. എ​ന്നാ​ല്‍, ആ​റു​മാ​സം മു​മ്പ് ഭൂ​മി ഏ​റ്റെ​ടു​ത്ത​ത​ല്ലാ​തെ ഇ​വി​ടെ വീ​ടു​ക​ൾ നി​ർ​മി​ക്കു​ന്ന​തി​നാ​വ​ശ്യ​മാ​യ ന​ട​പ​ടി​ക​ളൊ​ന്നും ആ​രം​ഭി​ച്ചി​ട്ടി​ല്ല. സ്ഥ​ലം അ​ട​യാ​ള​പ്പെ​ടു​ത്തു​ക മാ​ത്ര​മാ​ണ് ഇ​ക്കാ​ല​ത്തി​നി​ട​ക്ക് ചെ​യ്തി​ട്ടു​ള്ള​ത്.

ക​ൽ​പ​റ്റ എ​ൽ​സ്റ്റ​ൺ എ​സ്റ്റേ​റ്റി​ലെ ടൗ​ണ്‍ഷി​പ്പി​ലെ വീ​ടു​ക​ളു​ടെ നി​ര്‍മാ​ണം അ​തി​വേ​ഗം പു​രോ​ഗ​മി​ക്കു​മ്പോ​ഴും മ​റ്റെ​ല്ലാ കാ​ര്യ​ത്തി​ലു​മെ​ന്ന പോ​ലെ പു​ന​ര​ധി​വാ​സ​ത്തി​ന​ന്റെ കാ​ര്യ​ത്തി​ലും ഗോ​ത്ര​വി​ഭാ​ഗ​ങ്ങ​ള്‍ അ​വ​ഗ​ണി​ക്ക​പ്പെ​ടു​ക​യാ​ണെ​ന്നാ​ണ് ആ​രോ​പ​ണം.

13 കു​ടും​ബ​ങ്ങ​ൾ​ക്ക് 15 ഏ​ക്ക​ര്‍ ഭൂ​മി സ​ർ​ക്കാ​ർ ഏ​റ്റെ​ടു​ത്തി​ട്ടും ഒ​രോ കു​ടും​ബ​ത്തി​നും 10 സെ​ന്റ് മാ​ത്രം ന​ല്‍കാ​നു​ള്ള തീ​രു​മാ​നം പു​നഃപ​രി​ശോ​ധി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​ണ്. തീ​രു​മാ​നം പു​നഃപ​രി​ശോ​ധി​ച്ച് ഓ​രോ കു​ടും​ബ​ത്തി​നും കൃ​ഷി​ക്ക് ഉ​ൾ​പ്പെ​ടെ ഒ​രേ​ക്ക​ർ വീ​തം ന​ൽ​ക​ണ​മെ​ന്നാ​ണ് ആ​വ​ശ്യം.