തണ്ണീർത്തട സംരക്ഷണ നിയമം: ഭൂമി തരംമാറ്റൽ അപേക്ഷകൾ കെട്ടിക്കിടക്കുന്നു

കൽപറ്റ: രേഖകളിൽ കരഭൂമിയാണെന്ന്​ റവന്യൂ ഉദ്യോഗസ്​ഥർ സാക്ഷ്യ​െപ്പടുത്തുന്നതിനുള്ള നൂറുകണക്കിന്​ അപേക്ഷകൾ ഉദ്യോഗസ്​ഥ അനാസ്​ഥയിൽ കെട്ടിക്കിടക്കുന്നു. 2018ലെ കേരള നെൽവയൽ തണ്ണീർത്തട സംരക്ഷണ (ഭേദഗതി) നിയമം അനുസരിച്ച്​ 2008ന്​ മുമ്പ്​ തരംമാറ്റിയ ഭൂമി നിശ്ചിത ഫീസ്​ നൽകി കരയാക്കി മാറ്റാൻ വ്യവസ്​ഥയുണ്ട്​. ഇതുപ്രകാരം നൽകിയ അപേക്ഷകളാണ്​ ചുവപ്പുനാടയിൽ കുരുങ്ങിക്കിടക്കുന്നത്​. പതിറ്റാണ്ടുകൾക്കുമുമ്പ്​ പരിവർത്തനം ചെയ്​ത ഭൂമികളും ഇതിലുൾപ്പെടുന്നു.

സബ്​ കലക്​ടർ ഓഫിസിലെത്തുന്ന അപേക്ഷകളിൽ മാസങ്ങൾ കഴിഞ്ഞാലും നടപടിയില്ലെന്നാണ്​ പരാതി. പഞ്ചായത്ത്​ പ്രദേശങ്ങളിൽ 30 സ​െൻറ്​ വരെ വയൽ പ്രദേശം തരംമാറ്റുന്നതിന്​ ഫെയർ വാല്യൂവി​​െൻറ 10 ശതമാനവും നഗരസഭയിൽ 20 ശതമാനവുമാണ്​ സർക്കാർ ഫീസ്. ​50 സ​െൻറ്​ മുതൽ ഒരു ഏക്കർ വരെ യഥാക്രമം ഇത്​ 20 ശതമാനവും 30 ശതമാനവുമാണ്​.

ഒരു ഏക്കറിനു മുകളിൽ പഞ്ചായത്തിൽ 30 ശതമാനവും മുനിസിപ്പാലിറ്റിയിൽ 40 ശതമാനവുമാണ് ഫീസ്​​. ഇതനുസരിച്ച്​ ബന്ധ​െപ്പട്ട ഓഫിസുകളിൽനിന്ന്​ ഉത്തരവ്​ വാങ്ങി ട്രഷറിയിൽ പണം അടച്ചവർ മാസങ്ങളായി കാത്തിരിക്കുകയാണ്​. പലപ്പോഴും താ​െഴത്തട്ടിൽ ഉദ്യോഗസ്​ഥർ ഇൗ അവസരവും അഴിമതിക്ക്​ ഉപയോഗിക്കുന്നുണ്ടെന്ന്​ പരാതിയുണ്ട്​.

അതിനിടെ, 2020 ഫെബ്രുവരി 17ന്​ റവന്യൂ വകുപ്പ്​ പി 248​/2019 സർക്കുലർ പ്രകാരം ഫീസ്​ നിശ്ചയിക്കുന്നതിന്​ സമീപത്തുള്ള കരഭൂമിയുടെ ഫെയർ വാല്യൂ മാനദണ്ഡമാക്കാൻ നിർദേശം നൽകി. മുമ്പ്​ ഫീസ്​ അടച്ച അപേക്ഷകരോട്​ സമീപത്തുള്ള കരസ്​ഥലത്തി​​െൻറ ഫെയർ വാല്യൂ അനുസരിച്ച്​ ഫീസ്​ പുതുക്കണ​െമന്ന അറിയിപ്പും നൽകി.

2020 ​േമയ്​ 15ന്​ ശേഷം ഫെയർ വാല്യൂ 10 ശതമാനം വർധിക്കുന്ന സാഹചര്യത്തിൽ നിരവധി പേർ സർക്കുലർ അനുസരിച്ച്​ ട്രഷറിയിൽ ഫീസ്​ അടച്ചു. എന്നാൽ, മേയ്​ 15 വരെ പല അപേക്ഷകളിലും തീർപ്പുകൽപിക്കാതെ ഉദ്യോഗസ്​ഥർ നീട്ടിക്കൊണ്ടുപോയി. മേയ്​ 16 മുതൽ ഫെയർ വാല്യൂ വർധി​െച്ചന്നും അതനുസരിച്ച്​ തുകയടക്കണമെന്നും ഉദ്യോഗസ്​ഥർ നിർദേശിച്ചത്​ നിരവധി പേർക്ക്​ തിരിച്ചടിയായി. ഉദ്യോഗസ്​ഥർ ഫയൽ വെച്ചുതാമസിപ്പിച്ചതി​​െൻറ കാരണം സർക്കാർ അന്വേഷിക്കണമെന്നാവശ്യപ്പെട്ട്​ മുഖ്യമന്ത്രിക്കും റവന്യൂ മന്ത്രിക്കും പരാതി നൽകുമെന്ന്​ ചില അപേക്ഷകർ പറഞ്ഞു.