കാ​റി​ൽ ത​ട്ടി​ക്കൊ​ണ്ടു​പോ​യി പീ​ഡ​ന​ശ്ര​മം; പ്ര​തി​ക്ക് ഒമ്പതുവർഷം ക​ഠി​ന ത​ട​വും പി​ഴ​യും

ത​ല​പ്പു​ഴ: സ്ത്രീ​യെ കാ​റി​ൽ ത​ട്ടി​ക്കൊ​ണ്ടു​പോ​യി ലൈം​ഗി​ക​മാ​യി പീ​ഡി​പ്പി​ക്കാ​ൻ ശ്ര​മി​ച്ച പ്ര​തി​ക്ക് ക​ഠി​ന ത​ട​വും പി​ഴ​യും. മ​ല​പ്പു​റം കൊ​ണ്ടോ​ട്ടി സ്വ​ദേ​ശി​യാ​യ കാ​വു​ങ്ങ​ൽ ന​മ്പി​ല​ത്ത് വീ​ട്ടി​ൽ മു​ജീ​ബ് റ​ഹ്മാ​നെ​യാ​ണ് (50) ഒ​മ്പ​ത് വ​ർ​ഷം ക​ഠി​ന ത​ട​വി​നും 50000 രൂ​പ പി​ഴ​യൊ​ടു​ക്കാ​നും ക​ൽ​പ​റ്റ അ​ഡീ​ഷ​ന​ൽ ഡി​സ്ട്രി​ക്ട് ആ​ൻ​ഡ് സെ​ഷ​ൻ​സ് കോ​ട​തി ജ​ഡ്ജി എ.​വി. മൃ​ദു​ല ശി​ക്ഷി​ച്ച​ത്.

2019 ഡി​സം​ബ​റി​ൽ ത​വി​ഞ്ഞാ​ൽ 43ാം മൈ​ലി​ൽ ബ​സ് കാ​ത്തു​നി​ൽ​ക്കു​ക​യാ​യി​രു​ന്ന സ്ത്രീ​യെ ലി​ഫ്റ്റ് കൊ​ടു​ക്കാ​മെ​ന്നു പ​റ​ഞ്ഞ് കാ​റി​ൽ ക​യ​റ്റി ബ​ല​മാ​യി ത​ട്ടി​ക്കൊ​ണ്ടു​പോ​യി പെ​പ്പ​ർ സ്പ്രേ ​പ്ര​യോ​ഗി​ച്ച് കീ​ഴ്പ്പെ​ടു​ത്തി ലൈം​ഗി​കാ​തി​ക്ര​മ​ത്തി​ന് ശ്ര​മി​ച്ചെ​ന്ന കേ​സി​ലാ​ണ് വി​ധി.

ര​ക്ഷ​പ്പെ​ടാ​നാ​യി കാ​റി​ൽ​നി​ന്നു ചാ​ടി​യ അ​തി​ജീ​വി​ത​യെ പു​റ​കെ വ​ന്ന ബ​സ് ജീ​വ​ന​ക്കാ​രും യാ​ത്ര​ക്കാ​രും ചേ​ർ​ന്ന് ര​ക്ഷ​പ്പെ​ടു​ത്തു​ക​യാ​യി​രു​ന്നു. സം​സ്ഥാ​ന​ത്തെ വി​വി​ധ സ്റ്റേ​ഷ​ൻ പ​രി​ധി​ക​ളി​ൽ കൊ​ല​പാ​ത​ക​മ​ട​ക്കം 49ഓ​ളം ക്രി​മി​ന​ൽ കേ​സു​ക​ളി​ൽ ഇ​യാ​ൾ പ്ര​തി​യാ​ണ്.

അ​ന്ന​ത്തെ ത​ല​പ്പു​ഴ സ്റ്റേ​ഷ​ൻ സ​ബ് ഇ​ൻ​സ്‌​പെ​ക്ട​റാ​യി​രു​ന്ന പി.​ജെ. ജി​മ്മി​യാ​ണ് കേ​സി​ൽ അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച​ത്. പ്രോ​സി​ക്യൂ​ഷ​നു​വേ​ണ്ടി അ​ഡി. പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. അ​ഭി​ലാ​ഷ് ജോ​സ​ഫ് ഹാ​ജ​രാ​യി.