നടുവൊടിയണം, കാരാപ്പുഴ ഡാമിലെത്താൻ

ക​ൽ​പ​റ്റ: കാ​രാ​പ്പു​ഴ ഡാം ​വി​നോ​ദ​സ​ഞ്ചാ​ര കേ​ന്ദ്ര​ത്തി​ലേ​ക്കു​ള്ള റോ​ഡ് ത​ക​ർ​ന്ന് ത​രി​പ്പ​ണ​മാ​യ​ത് സ​ഞ്ചാ​രി​ക​ൾ​ക്കും നാ​ട്ടു​കാ​ർ​ക്കും ദു​രി​തം വി​ത​ക്കു​ന്നു. വി​നോ​ദ കേ​ന്ദ്ര​ത്തി​ലേ​ക്കു​ള്ള വ​ഴി കു​ണ്ടും​കു​ഴി​യു​മാ​യ​തോ​ടെ വി​നോ​ദ​ത്തി​ന് പ​ക​രം വി​ഷ​മം അ​നു​ഭ​വി​ക്കേ​ണ്ട ഗ​തി​കേ​ടി​ലാ​ണ് സ​ഞ്ചാ​രി​ക​ൾ. കാ​രാ​പ്പു​ഴ - കാ​ക്ക​വ​യ​ൽ റോ​ഡ് ത​ക​ർ​ന്നി​ട്ട് മാ​സ​ങ്ങ​ളാ​യെ​ങ്കി​ലും ന​ന്നാ​ക്കാ​ൻ ന​ട​പ​ടി​ക​ളൊ​ന്നു​മാ​യി​ട്ടി​ല്ല. ദി​നേ​ന നൂ​റു​ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന റോ​ഡി​ൽ കു​ഴി​ക​ളി​ല​ക​പ്പെ​ട്ട് അ​പ​ക​ട​ങ്ങ​ളും പ​തി​വാ​ണ്. ജ​ല​സേ​ച​ന വ​കു​പ്പി​ന് കീ​ഴി​ലു​ള്ള കാ​രാ​പ്പു​ഴ-​കാ​ക്ക​വ​യ​ൽ 12 കി​ലോ​മീ​റ്റ​ർ റോ​ഡാ​ണ് കു​ഴി​ക​ൾ നി​റ​ഞ്ഞ് സ​ഞ്ചാ​ര​യോ​ഗ്യ​മ​ല്ലാ​താ​യ​ത്. ഓ​രോ മ​ഴ​ക്ക് ശേ​ഷ​വും അ​റ്റ​കു​റ്റ​പ്പ​ണി​ക​ൾ ന​ട​ത്തു​മെ​ങ്കി​ലും മ​ഴ ശ​ക്ത​മാ​യാ​ൽ വീ​ണ്ടും റോ​ഡ് തോ​ടാ​കും. റോ​ഡ് പൂ​ർ​ണ​മാ​യി ടാ​ർ ചെ​യ്തി​ട്ട് പ​ത്തു​വ​ർ​ഷ​ത്തോ​ള​മാ​യി.

കാ​ക്ക​വ​യ​ൽ-​കാ​രാ​പ്പു​ഴ ഭാ​ഗ​ത്താ​ണ് റോ​ഡ് കൂ​ടു​ത​ൽ ത​ക​ർ​ന്ന​ത്. ഈ ​റോ​ഡി​ലെ 27 വ​ലി​യ കു​ഴി​ക​ളും നൂ​റോ​ളം ചെ​റു​കു​ഴി​ക​ളും മൂ​ന്ന് വെ​ള്ള​ക്കെ​ട്ടു​ക​ളും താ​ണ്ടി​വേ​ണം കാ​രാ​പ്പു​ഴ​യി​ലേ​ക്കും തി​രി​ച്ചും സ​ഞ്ച​രി​ക്കാ​ൻ. ചെ​റു​വാ​ഹ​ന​ങ്ങ​ളി​ല​ട​ക്കം സ​ഞ്ച​രി​ക്കു​ന്ന​വ​രു​ടെ ന​ടു​വൊ​ടി​യു​ന്ന അ​വ​സ്ഥ​യാ​ണ്. ഓ​വു​ചാ​ലു​ക​ൾ ഇ​ല്ലാ​ത്ത ഭാ​ഗ​ങ്ങ​ളി​ലാ​ണ് വെ​ള്ള​ക്കെ​ട്ടു​ക​ൾ രൂ​പ​പ്പെ​ട്ടി​ട്ടു​ള്ള​ത്. റോ​ഡി​ന്റെ വീ​തി കൂ​ട്ടാ​നു​ള്ള സ​ർ​വേ ന​ട​പ​ടി​ക​ൾ ആ​രം​ഭി​ച്ചെ​ങ്കി​ലും എ​ങ്ങു​മെ​ത്തി​യി​ല്ല. റോ​ഡി​ന് സ​മീ​പ​ത്ത് കോ​ടി​ക​ൾ ചെല​വ​ഴി​ച്ച് നി​ർ​മി​ച്ച പാ​ല​വും അ​നു​ബ​ന്ധ റോ​ഡും നോ​ക്കു​കു​ത്തി​യാ​യി കി​ട​ക്കു​ക​യാ​ണ്. കാ​രാ​പ്പു​ഴ ടൂ​റി​സം പ​ദ്ധ​തി​യി​ൽനി​ന്ന് മി​ക​ച്ച വ​രു​മാ​നം ല​ഭി​ക്കു​മ്പോ​ഴും വി​നോ​ദ​സ​ഞ്ചാ​രി​ക​ൾ​ക്ക് വേ​ണ്ട​ത്ര അ​ടി​സ്ഥാ​ന​സൗ​ക​ര്യ​ങ്ങ​ൾ ല​ഭ്യ​മാ​ക്കു​ന്നി​ല്ല എ​ന്ന പ​രാ​തി​യും ശ​ക്ത​മാ​ണ്. വി​നോ​ദ കേ​ന്ദ്ര​ത്തി​ലെ​ത്താ​നും തി​രി​കെ പോ​വാ​നും സ​ഞ്ചാ​രി​ക​ൾ പ്ര​യാ​സ​പ്പെ​ടു​ന്ന​ത് പ​തി​വ് കാ​ഴ്ച​യാ​യി. റോ​ഡി​ന്റെ ശോ​ച്യാ​വ​സ്ഥ പ​രി​ഹ​രി​ക്കാ​ൻ ന​ട​പ​ടി​യു​ണ്ടാ​വാ​ത്ത​തി​ൽ ​പ്ര​തി​ഷേ​ധി​ച്ച് നാ​ട്ടു​കാ​ർ കു​ഴി​ക​ളി​ൽ വാ​ഴ ന​ട്ടു. ​ന​വീ​ക​ര​ണം ആ​വ​ശ്യ​പ്പെ​ട്ട് നാ​ട്ടു​കാ​ർ ജ​ല​സേ​ച​ന വ​കു​പ്പ് ഉ​ദ്യോ​ഗ​സ്ഥ​ർ​ക്കും ജ​ന​പ്ര​തി​നി​ധി​ക​ൾ​ക്കും നി​വേ​ദ​നം ന​ൽ​കി​യി​രു​ന്നു. ഏ​റെ വ​രു​മാ​നം ല​ഭി​ക്കു​ന്ന വി​നോ​ദ കേ​​ന്ദ്ര​ത്തി​ലേ​ക്കു​ള്ള റോ​ഡാ​ണ് ത​ക​ർ​ന്ന് സ​ഞ്ചാ​ര​യോ​ഗ്യ​മ​ല്ലാ​താ​യി​രി​ക്കു​ന്ന​ത്.