സി​ക്ക വൈ​റ​സ്; ജാ​ഗ്ര​ത പാ​ലി​ക്ക​ണം

ക​ൽ​പ​റ്റ: സം​സ്ഥാ​ന​ത്ത് സി​ക്ക വൈ​റ​സ് റി​പ്പോ​ര്‍ട്ട് ചെ​യ്ത സാ​ഹ​ച​ര്യ​ത്തി​ല്‍ ജി​ല്ല​യി​ലും ജാ​ഗ്ര​ത പു​ല​ര്‍ത്ത​ണ​മെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ. ​ആ​ര്‍. രേ​ണു​ക അ​റി​യി​ച്ചു. സാ​ധാ​ര​ണ​രീ​തി​യി​ല്‍ വ​ള​രെ ല​ഘു​വാ​യ രീ​തി​യി​ല്‍ വ​ന്നു​പോ​വു​ന്ന ഒ​രു വൈ​റ​സ് രോ​ഗ​മാ​ണി​ത്. പ്ര​ധാ​ന​മാ​യും ഈ​ഡി​സ് കൊ​തു​കു​ക​ള്‍ വ​ഴി​യാ​ണ് രോ​ഗം ഉ​ണ്ടാ​കു​ന്ന​ത്. രാ​വി​ലെ​യും വൈ​കീ​ട്ടു​മാ​ണ് ഇ​ത്ത​രം കൊ​തു​കു​ക​ള്‍ സാ​ധാ​ര​ണ മ​നു​ഷ്യ​നെ ക​ടി​ക്കു​ന്ന​ത്.

ലൈം​ഗി​ക ബ​ന്ധ​ത്തി​ലൂ​ടെ​യും രോ​ഗ​ബാ​ധി​ത​രാ​യ ഗ​ര്‍ഭി​ണി​യി​ല്‍നി​ന്ന്​ കു​ഞ്ഞി​ലേ​ക്കും അ​സു​ഖം പ​ക​രാ​ന്‍ സാ​ധ്യ​ത​യു​ണ്ട്. ഗ​ര്‍ഭി​ണി​ക​ളി​ല്‍ വ​ള​ര്‍ച്ച​യെ​ത്താ​തെ​യു​ള്ള പ്ര​സ​വം, അ​ബോ​ര്‍ഷ​ന്‍ എ​ന്നി​വ​ക്ക് സാ​ധ്യ​ത​യു​ണ്ട്. നേ​രി​യ പ​നി, ശ​രീ​ര​ത്തി​ല്‍ ചു​വ​ന്ന പാ​ടു​ക​ള്‍, ചെ​ങ്ക​ണ്ണ്, സ​ന്ധി​വേ​ദ​ന, പേ​ശി​വേ​ദ​ന എ​ന്നി​വ​യാ​ണ് പ്ര​ധാ​ന ല​ക്ഷ​ണ​ങ്ങ​ള്‍. എ​ങ്കി​ലും 80 ശ​ത​മാ​നം രോ​ഗി​ക​ളി​ലും ശ്ര​ദ്ധേ​യ​മാ​യ ല​ക്ഷ​ണ​ങ്ങ​ള്‍ ഉ​ണ്ടാ​വാ​റി​ല്ല. സി​ക്ക വൈ​റ​സി​നെ ന​ശി​പ്പി​ക്കു​ന്ന ഫ​ല​പ്ര​ദ​മാ​യ ആ​ൻ​റി​വൈ​റ​സ് മ​രു​ന്നു​ക​ളോ, ഇ​തി​നെ​തി​രെ​യു​ള്ള വാ​ക്‌​സി​നു​ക​ളോ നി​ല​വി​ല്‍ വി​ക​സി​പ്പി​ച്ചി​ട്ടി​ല്ല.

രോ​ഗ​ല​ക്ഷ​ണ​ങ്ങ​ള്‍ക്ക് അ​നു​സൃ​ത​മാ​യ ചി​കി​ത്സ​യാ​ണ് രോ​ഗി​ക്ക് ന​ല്‍കു​ന്ന​ത്. കൂ​ടാ​തെ ശ​രി​യാ​യ രീ​തി​യി​ലു​ള്ള ഭ​ക്ഷ​ണ​വും വി​ശ്ര​മ​വും അ​നി​വാ​ര്യ​മാ​ണ്. ഡെ​ങ്കി​പ്പ​നി, ചി​കു​ന്‍ഗു​നി​യ തു​ട​ങ്ങി​യ അ​സു​ഖ​ങ്ങ​ള്‍ പ​ര​ത്തു​ന്ന ഈ​ഡി​സ് കൊ​തു​കു​ക​ള്‍ ത​ന്നെ​യാ​ണ് ഈ ​രോ​ഗ​വും പ​ര​ത്തു​ന്ന​ത്. കൊ​തു​കു​ക​ടി ഏ​ല്‍ക്കാ​തെ സൂ​ക്ഷി​ക്കു​ക, കൊ​തു​ക് ന​ശീ​ക​ര​ണ പ്ര​വ​ര്‍ത്ത​നം, കൊ​തു​കിെൻറ പ്ര​ജ​ന​ന​സ്ഥ​ല​ങ്ങ​ള്‍ ഇ​ല്ലാ​താ​ക്കു​ക എ​ന്നി​വ​യാ​ണ് നി​യ​ന്ത്ര​ണ​മാ​ര്‍ഗ​ങ്ങ​ള്‍. കൊ​തു​ക് ജ​ന്യ​രോ​ഗ​മാ​യ​തി​നാ​ല്‍ വീ​ടും പ​രി​സ​ര​വും കൊ​തു​ക് പെ​രു​കു​വാ​നു​ള്ള സാ​ഹ​ച​ര്യ​ങ്ങ​ള്‍ ഒ​ഴി​വാ​ക്ക​ണ​മെ​ന്നും സം​ശ​യ​ക​ര​മാ​യ രോ​ഗ​ല​ക്ഷ​ണ​ങ്ങ​ള്‍ ഉ​ണ്ടാ​വു​ക​യാ​ണെ​ങ്കി​ല്‍ അ​ടു​ത്തു​ള്ള പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ല്‍നി​ന്നു ചി​കി​ത്സ തേ​ട​ണ​മെ​ന്നും ജി​ല്ല മെ​ഡി​ക്ക​ല്‍ ഓ​ഫി​സ​ര്‍ അ​റി​യി​ച്ചു.