അതിർത്തി കടന്ന് അതിഥികളെത്തുന്നു, പച്ചപ്പുതേടി

ക​ൽ​പ​റ്റ: വേ​ന​ൽ ക​ടു​ത്ത​തോ​ടെ ക​ർ​ണാ​ട​ക, ത​മി​ഴ്​​നാ​ട് സം​സ്ഥാ​ന​ങ്ങ​ളി​ൽ ഉ​ൾ​പ്പെ​ട്ട വ​ന്യ​ജീ​വി സ​​ങ്കേ​ത​ങ്ങ​ളി​ൽ​നി​ന്ന് വ​യ​നാ​ട് വ​ന്യ​ജീ​വി സ​​ങ്കേ​ത​ത്തി​ലേ​ക്കു​ള്ള വ​ന്യ​മൃ​ഗ​ങ്ങ​ളു​ടെ 'കൂ​ടു​മാ​റ്റം' തു​ട​ങ്ങി. വ​യ​നാ​ട് വ​ന്യ​ജീ​വി സ​​​ങ്കേ​ത​ത്തോ​ട് ചേ​ർ​ന്നു​നി​ൽ​ക്കു​ന്ന അ​യ​ൽ സം​സ്ഥാ​ന​ങ്ങ​ളി​ലെ കാ​ടു​ക​ളി​ൽ​നി​ന്ന് മൃ​ഗ​ങ്ങ​ൾ കൂ​ടു​ത​ൽ തീ​റ്റ​യും വെ​ള്ള​വു​മു​ള്ള വ​യ​നാ​ട​ൻ കാ​ടു​ക​ളി​ലേ​ക്കെ​ത്തു​ന്ന​ത് എ​ല്ലാ വ​ർ​ഷ​വും പ​തി​വാ​ണ്.

അ​തേ​സ​മ​യം, മു​ൻ​വ​ർ​ഷ​ങ്ങ​ളി​ലേ​തു​പോ​ലെ വ​ൻ​തോ​തി​ൽ വ​ന്യ​മൃ​ഗ​ങ്ങ​ൾ ഇ​തു​വ​രെ വ​യ​നാ​ട​ൻ കാ​ടു​ക​ളി​ലേ​ക്ക് ചേ​ക്കേ​റി​യി​ട്ടി​ല്ലെ​ന്ന് വ​നം​വ​കു​പ്പ് അ​സി. ക​ൺ​സ​ർ​വേ​റ്റ​ർ ജോ​സ് മാ​ത്യു പ​റ​ഞ്ഞു.

ഡി​സം​ബ​ർ 15 വ​രെ വ​യ​നാ​ട​ൻ കാ​ടു​ക​ളി​ൽ ല​ഭി​ച്ച​തു​പോ​ലെ നീ​ണ്ട മ​ഴ തൊ​ട്ട​ടു​ത്ത വ​ന്യ​ജീ​വി സ​​ങ്കേ​ത​ങ്ങ​ളി​ലും ല​ഭി​ച്ച​തി​നാ​ൽ അ​വി​ടെ തീ​റ്റ​യു​ടെ ദൗ​ർ​ല​ഭ്യം വ​ലി​യ​തോ​തി​ൽ നേ​രി​ട്ടി​ട്ടി​ല്ല. എ​ന്നാ​ൽ, വേ​ന​ൽ ക​ന​ക്കു​ന്ന ഫെ​ബ്രു​വ​രി അ​വ​സാ​ന​ത്തോ​ടെ അ​തി​ർ​ത്തി ക​ട​ന്നെ​ത്തു​ന്ന മൃ​ഗ​ങ്ങ​ളു​ടെ എ​ണ്ണ​ത്തി​ൽ വ​ർ​ധ​ന​യു​ണ്ടാ​യേ​ക്കു​മെ​ന്നും അ​ദ്ദേ​ഹം പ​റ​ഞ്ഞു. വ​യ​നാ​ട്ടി​ൽ മ​ഴ​യു​ടെ അ​ള​വ് താ​ര​ത​മ്യേ​ന കൂ​ടു​ത​ലാ​യ​തി​നാ​ൽ, വ​യ​നാ​ട് വ​ന്യ​ജീ​വി സ​​ങ്കേ​ത​ത്തി​ൽ വേ​ന​ൽ​ക്കാ​ല​ത്തും വ​ന്യ​മൃ​ഗ​ങ്ങ​ൾ​ക്ക് തീ​റ്റ​യും വെ​ള്ള​വും ല​ഭി​ക്കും. വ​നം​വ​കു​പ്പ് ഇ​തി​നാ​യി മു​ൻ​ക​രു​ത​ൽ ന​ട​പ​ടി​ക​ൾ എ​ല്ലാ വ​ർ​ഷ​വും സ്വീ​ക​രി​ക്കാ​റു​മു​ണ്ട്. വ​ന്യ​മൃ​ഗ​ങ്ങ​ൾ​ക്ക് കു​ടി​വെ​ള്ളം ല​ഭ്യ​മാ​ക്കു​ന്ന​തി​നാ​യി കാ​ട്ടി​നു​ള്ളി​ൽ മ​രം​കൊ​ണ്ട് 26 പു​തി​യ ചെ​ക്​ ഡാ​മു​ക​ൾ പ​ണി​തി​ട്ടു​ണ്ട്. 168 ചെ​ക് ഡാ​മു​ക​ളി​ൽ 34 എ​ണ്ണ​ത്തി​ൽ ഇ​തി​ന​കം ച​ളി കോ​രി വൃ​ത്തി​യാ​ക്കി​യി​ട്ടു​ണ്ടെ​ന്നും ജോ​സ് മാ​ത്യു പ​റ​ഞ്ഞു.

മൃ​ഗ​ങ്ങ​ൾ​ക്ക് തീ​റ്റ ല​ഭി​ക്കു​ന്ന​തി​നാ​യി 289 ഹെ​ക്ട​ർ വ​ന​ത്തി​ൽ മേ​ൽ​ക്കാ​ടു​ക​ൾ വെ​ട്ടി​ത്തെ​ളി​ച്ചു. തീ​റ്റ​ക്ക് ആ​ശ്ര​യി​ക്കു​ന്ന പു​ല്ല് ന​ന്നാ​യി വ​ള​രു​ന്ന​തി​നാ​ണി​ത്. വ​ന​ഭൂ​മി​യി​ലെ 83 ഹെ​ക്ട​റി​ൽ​നി​ന്ന് വ​നം​വ​കു​പ്പ് ക​ള​ക​ൾ നീ​ക്കം ചെ​യ്തി​ട്ടു​മു​ണ്ട്. വ​ര​ൾ​ച്ച സ​മ​യ​ത്ത് തീ​റ്റ ല​ഭി​ക്കു​ന്ന​തി​നു​ള്ള പ​ദ്ധ​തി​ക​ളും ആ​വി​ഷ്ക​രി​ച്ചി​ട്ടു​ണ്ടെ​ന്ന് വ​ന്യ​ജീ​വി സ​​ങ്കേ​തം അ​ധി​കൃ​ത​ർ പ​റ​യു​ന്നു.

കാ​ട്ടു​തീ ത​ട​യാ​ൻ 195 കി​ലോ മീ​റ്റ​ർ ദൂ​ര​ത്തി​ൽ 'ഫ​യ​ർ ബ്രേ​ക്ക​റു​ക​ൾ' നി​ർ​മി​ച്ചി​ട്ടു​ണ്ട്. സം​സ്ഥാ​ന അ​തി​ർ​ത്തി​യി​ൽ 27 കി.​മീ​റ്റ​റി​ലാ​ണ് 10 മീ​റ്റ​ർ വീ​തി​യി​ൽ ഫ​യ​ർ ബ്രേ​ക്ക​റു​ക​ൾ നി​ർ​മി​ച്ച​ത്. വ​ന​യോ​ര​ത്ത് താ​മ​സി​ക്കു​ന്ന​വ​ർ​ക്ക് കാ​ട്ടു​തീ​യെ​ക്കു​റി​ച്ച് ബോ​ധ​വ​ത്ക​ര​ണ ക്ലാ​സു​ക​ൾ ന​ട​ത്തി​വ​രു​ക​യാ​ണ് വ​നം​വ​കു​പ്പ് അ​ധി​കൃ​ത​ർ. 160 ജീ​വ​ന​ക്കാ​ർ​ക്കു പു​റ​മെ, 130 താ​ൽ​ക്കാ​ലി​ക വാ​ച്ച​ർ​മാ​രെ​യും വ​ന​സം​ര​ക്ഷ​ണ​ത്തി​നാ​യി നി​യോ​ഗി​ച്ചി​ട്ടു​ണ്ട്.

നാ​യാ​ട്ടു​കാ​രെ പി​ടി​കൂ​ടാ​നു​ള്ള 24 സ്ഥി​രം ക്യാ​മ്പു​ക​ൾ​ക്കും അ​ഞ്ച് വാ​ച്ച്ട​വ​റു​ക​ൾ​ക്കും പു​റ​മെ, നി​രീ​ക്ഷ​ണ​ത്തി​നാ​യി 15 പു​തി​യ താ​ൽ​ക്കാ​ലി​ക ഏ​റു​മാ​ട​ങ്ങ​ൾ കൂ​ടി വ​യ​നാ​ട് വ​ന്യ​ജീ​വി സ​​ങ്കേ​ത​ത്തി​ലെ നാ​ല്​ ഫോ​റ​സ്റ്റ് ​റേ​ഞ്ചു​ക​ളി​ലാ​യി ഒ​രു​ക്കി​യി​ട്ടു​ണ്ട്. കാ​ട്ടു​തീ ഉ​ണ്ടാ​കു​ന്ന പ​ക്ഷം അ​റി​യി​ക്കാ​ൻ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ക​ൺ​ട്രോ​ൾ റൂം ​പ്ര​വ​ർ​ത്തി​ക്കു​ന്നു​ണ്ട്. കാ​ട്ടു​തീ സം​ബ​ന്ധ​മാ​യ വി​വ​ര​ങ്ങ​ൾ 04936 223500, 8547603486 ന​മ്പ​റു​ക​ളി​ൽ വി​ളി​ച്ച​റി​യി​ക്കാം.