വില്ലേജ് ഫീല്‍ഡ് അസിസ്റ്റന്റ് സ്ഥ​ലം​മാ​റ്റം; ഉ​ത്ത​ര​വ് വി​വാ​ദ​ത്തി​ല്‍

ക​ല്‍പ​റ്റ: ജി​ല്ല​യി​ൽ വി​ല്ലേ​ജ് ഫീ​ല്‍ഡ് അ​സി​സ്റ്റ​ന്റു​മാ​രു​ടെ സ്ഥ​ലം​മാ​റ്റ ഉ​ത്ത​ര​വ് വി​വാ​ദ​ത്തി​ൽ. മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ​യാ​ണ് ചി​ല ഫീ​ല്‍ഡ് അ​സി​സ്റ്റ​ന്റു​മാ​രു​ടെ സ്ഥ​ലം മാ​റ്റ​മെ​ന്നാ​ണ് പ​രാ​തി. ഡെ​പ്യൂ​ട്ടി ക​ല​ക്ട​ര്‍(​ജ​ന​റ​ല്‍) ജൂ​ണ്‍ 30ന് ​ഇ​റ​ക്കി​യ ഉ​ത്ത​ര​വാ​ണ് വി​വാ​ദ​ത്തി​ലാ​യ​ത്. ലാ​ന്‍ഡ് റ​വ​ന്യൂ ക​മീ​ഷ​ണ​ർ ക​ഴി​ഞ്ഞ മേ​യ് 24ന് ​പു​റ​പ്പെ​ടു​വി​ച്ച മാ​ന​ദ​ണ്ഡ​ങ്ങ​ൾ​ക്ക് വി​രു​ദ്ധ​മാ​യാ​ണ് ഡെ​പ്യൂ​ട്ടി ക​ല​ക്ട​റു​ടെ ഉ​ത്ത​ര​വെ​ന്നാ​ണ് ആ​ക്ഷേ​പം.

ജീ​വ​ന​ക്കാ​രെ സ്ഥ​ലം​മാ​റ്റു​മ്പോ​ള്‍ നേ​ര​ത്തേ ജോ​ലി ചെ​യ്ത ഓ​ഫി​സു​ക​ളി​ല്‍ നി​യ​മി​ക്കാ​തി​രി​ക്കു​ക, ഫീ​ല്‍ഡ് അ​സി​സ്റ്റ​ന്റ് ത​സ്തി​ക​യി​ല്‍ ഒ​രേ വി​ല്ലേ​ജ് ഓ​ഫി​സി​ല്‍ മൂ​ന്നു വ​ര്‍ഷ​ത്തി​ല​ധി​ക​മാ​യി തു​ട​രു​ന്ന​വ​രെ അ​ടി​യ​ന്ത​ര​മാ​യി മാ​റ്റി നി​യ​മി​ക്കു​ക എ​ന്നി​വ​യാ​ണ് നി​ര്‍ദേ​ശ​ത്തി​ൽ പ്ര​ധാ​ന​മാ‍യും ഉ​ണ്ടാ​യി​രു​ന്ന​ത്.

എ​ന്നാ​ൽ, നി​ര​വ​ധി പേ​രെ നേ​ര​ത്തെ ജോ​ലി ചെ​യ്തി​രു​ന്ന വി​ല്ലേ​ജ് ഓ​ഫി​സി​ലേ​ക്ക് ത​ന്നെ സ്ഥ​ലം മാ​റ്റി​യെ​ന്നാ​ണ് പ്ര​ധാ​ന ആ​രോ​പ​ണം. മൂ​ന്ന് വ​ർ​ഷ​മാ​കാ​ത്ത വി​ല്ലേ​ജ് ഫീ​ല്‍ഡ് അ​സി​സ്റ്റ​ന്റു​മാ​രെ​യും സ്ഥ​ലം മാ​റ്റി​യി​ട്ടു​ണ്ട്. ജ​ന​ത്തി​ര​ക്കു​ള്ള വി​ല്ലേ​ജു​ക​ളി​ൽ ഒ​രാ​ളെ മാ​ത്രം നി​യ​മി​ക്കു​ക​യും അ​ല്ലാ​ത്ത ഓ​ഫി​സു​ക​ളി​ൽ കൂ​ടു​ത​ൽ പേ​രെ നി​യ​മി​ച്ച​താ​യും ആ​രോ​പ​ണ​മു​ണ്ട്. വ​യ​നാ​ട്ടി​ൽ മൂ​ന്ന് താ​ലൂ​ക്കു​ക​ളി​ലാ​യി 49 വി​ല്ലേ​ജ് ഓ​ഫി​സു​ക​ളാ​ണ് ഉ​ള്ള​ത്.

വൈ​ത്തി​രി വി​ല്ലേ​ജി​ൽ 18, ബ​ത്തേ​രി​യി​ൽ 15, മാ​ന​ന്ത​വാ​ടി​യി​ൽ 16 എ​ന്നി​ങ്ങ​നെ​യാ​ണ് വി​ല്ലേ​ജ് ഓ​ഫി​സു​ക​ളു​ടെ എ​ണ്ണം. അ​പേ​ക്ഷ ന​ൽ​കി​യാ​ല​ല്ലാ​തെ താ​ലൂ​ക്ക് മാ​റി സ്ഥ​ലം മാ​റ്റം പാ​ടി​ല്ലെ​ന്നാ​ണ് നി​യ​മം. സ്ഥ​ലം മാ​റ്റ​ത്തി​ൽ നി​ര്‍ദേ​ശ​ങ്ങ​ളു​ടെ ലം​ഘ​നം ചൂ​ണ്ടി​ക്കാ​ട്ടി കേ​ര​ള റ​വ​ന്യൂ വി​ല്ലേ​ജ് സ്റ്റാ​ഫ് ഓ​ര്‍ഗ​നൈ​സേ​ഷ​ന്‍ റ​വ​ന്യൂ മ​ന്ത്രി​ക്കും ജി​ല്ലാ ക​ല​ക്ട​ര്‍ക്കും പ​രാ​തി ന​ല്‍കി​യി​ട്ടു​ണ്ട്. ജി​ല്ല​യി​ല്‍ ജീ​വ​ന​ക്കാ​രെ മു​മ്പ് ജോ​ലി ചെ​യ്ത ഓ​ഫി​സി​ലേ​ക്ക് വീ​ണ്ടും സ്ഥ​ലം മാ​റ്റി​യ​താ​യി പ​രാ​തി​യി​ല്‍ ചൂ​ണ്ടി​ക്കാ​ട്ടി.

ഒ​രു ഓ​ഫി​സി​ല്‍ തു​ട​ര്‍ച്ച​യാ​യി ഒ​രു വ​ര്‍ഷ​ത്തെ സേ​വ​നം പോ​ലും പൂ​ര്‍ത്തി​യാ​ക്കാ​ത്ത​വ​രെ സ്ഥ​ലം​മാ​റ്റി​യ​താ​യും സം​ഘ​ട​ന ന​ൽ​കി​യ പ​രാ​തി​യി​ല്‍ പ​റ​യു​ന്നു.