പൊന്മുടിക്കോട്ടയുടെ ഉറക്കംകെടുത്തി കടുവയും പുലിയും

ക​ൽ​പ​റ്റ: ക​ഴി​ഞ്ഞ വ​ർ​ഷം ന​വം​ബ​ർ 17നാ​ണ് പൊ​ൻ​മു​ടി​ക്കോ​ട്ട പ്ര​ദേ​ശ​ത്തെ ഭീ​തി​യി​ലാ​ഴ്ത്തി​യ പെ​ൺ​ക​ടു​വ കൂ​ട്ടി​ലാ​കു​ന്ന​ത്. അ​തി​നു​ശേ​ഷം പ്ര​ദേ​ശ​ത്തു​ള്ള​വ​ർ പേ​ടി​കൂ​ടാ​തെ ഉ​റ​ങ്ങി​യി​ട്ടി​ല്ല. അ​ന്ന് പെ​ൺ​ക​ടു​വ കൂ​ട്ടി​ലാ​യെ​ങ്കി​ലും ഇ​വി​ടം കേ​ന്ദ്രീ​ക​രി​ച്ച് മൂ​ന്നു ക​ടു​വ​ക​ളും ര​ണ്ടു പു​ലി​ക​ളും ഇ​പ്പോ​ഴും നി​ല​യു​റ​പ്പി​ച്ചി​ട്ടു​ണ്ടെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്.

സി.​സി.​ടി.​വി ദൃ​ശ്യ​ങ്ങ​ൾ ഉ​ൾ​പ്പെ​ടെ തെ​ളി​വാ​യി നി​ര​ത്തി​ക്കൊണ്ടാ​ണ് അ​വ​ർ ഇ​ക്കാ​ര്യം തു​റ​ന്നു​പ​റ​യു​ന്ന​ത്. അ​ന്ന് കൂ​ട്ടി​ലാ​യ പെ​ൺ​ക​ടു​വ​യു​ടെ ര​ണ്ടു കു​ട്ടി​ക​ൾ ഉ​ൾ​പ്പെ​ടെ​യു​ള്ള മൂ​ന്നു ക​ടു​വ​ക​ളും മ​റ്റു ര​ണ്ടു പു​ലി​ക​ളു​മാ​ണ് പ്ര​ദേ​ശ​ത്തെ വ​ള​ർ​ത്തു​മൃ​ഗ​ങ്ങ​ളെ ആ​ക്ര​മി​ച്ച് കൊ​ന്ന് ഭ​ക്ഷി​ക്കു​ന്ന​തെ​ന്ന് നാ​ട്ടു​കാ​ർ പ​റ​യു​മ്പോ​ഴും അ​വ​യെ പി​ടി​കൂ​ടാ​നു​ള്ള ശ്ര​മ​ങ്ങ​ളി​ൽ വ​നം​വ​കു​പ്പ് തി​ക​ഞ്ഞ അ​നാ​സ്ഥ കാ​ണി​ക്കു​ക​യാ​ണെ​ന്നാ​ണ് ആ​രോ​പ​ണം.

മൂ​ന്നു ക​ടു​വ​ക​ളും ര​ണ്ടു പു​ലി​ക​ളും പ്ര​ദേ​ശ​ത്തു​ണ്ടെ​ന്ന് വ​നം​വ​കു​പ്പ് അ​നൗ​ദ്യോ​ഗി​ക​മാ​യി ത​ന്നെ സ്ഥി​രീ​ക​രി​ച്ചി​ട്ടു​ണ്ടെ​ന്നാ​ണ് പൊ​ൻ​മു​ടി​ക്കോ​ട്ട ജ​ന​കീ​യ ക​ർ​മ സ​മി​തി ഭാ​ര​വാ​ഹി​ക​ളും പ​റ​യു​ന്ന​ത്.

വ​നം​വ​കു​പ്പ് തു​ട​രു​ന്ന അ​നാ​സ്ഥ​ക്കെ​തി​രെ പൊ​ൻ​മു​ടി​ക്കോ​ട്ട ജ​ന​കീ​യ ക​ർ​മസ​മി​തി​യു​ടെ നേ​തൃ​ത്വ​ത്തി​ൽ ജ​നു​വ​രി 31ന് ​റോ​ഡ് ഉ​പ​രോ​ധ സ​മ​രം ന​ട​ക്കും. രാ​വി​ലെ പ​ത്തി​ന് കൊ​ള​ഗ​പ്പാ​റ- അ​മ്പ​ല​വ​യ​ൽ റോ​ഡി​ൽ ആ​യി​രം​കൊ​ല്ലി​യി​ലാ​ണ് ഉ​പ​രോ​ധ സ​മ​ര​മെ​ന്ന് ജ​ന​കീ​യ ക​ർ​മസ​മി​തി ഭാ​ര​വാ​ഹി​ക​ൾ അ​റി​യി​ച്ചു.

ക​ടു​വ​യെ​യും പു​ലി​യെ​യും പി​ടി​കൂ​ടു​ക, പ്ര​ദേ​ശ​ത്ത് ആ​റു കൂ​ടു​ക​ൾ സ്ഥാ​പി​ക്കു​ക, വ​ന്യ​മൃ​ഗ​ശ​ല്യ​ത്തി​ന് ശാ​ശ്വ​ത പ​രി​ഹാ​രം ഉ​ണ്ടാ​ക്കു​ക തു​ട​ങ്ങി​യ ആ​വ​ശ്യ​ങ്ങ​ളു​ന്ന​യി​ച്ചാ​ണ് സ​മ​രം.

ജി​ല്ല​യി​ലെ പ്ര​ധാ​ന വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലൊ​ന്നാ​യ എ​ട​ക്ക​ൽ ഗു​ഹ​യോ​ട് ചേ​ർ​ന്നു​ള്ള പ്ര​ദേ​ശ​മാ​ണ് പൊ​ൻ​മു​ടി​ക്കോ​ട്ട. നെ​ന്മേ​നി ഗ്രാ​മ​പ​ഞ്ചാ​യ​ത്തി​ലെ 23ാം വാ​ർ​ഡാ​യ എ​ട​ക്ക​ൽ കു​പ്പ​ക്കൊ​ല്ലി, ഒ​ന്നാം വാ​ർ​ഡാ​യ അ​മ്പു​കു​ത്തി, ര​ണ്ടാം വാ​ർ​ഡാ​യ മ​ല​വ​യ​ൽ, 22ാം വാ​ർ​ഡാ​യ മാ​ളി​ക, അ​മ്പ​ല​വ​യ​ൽ ഗ്രാ​മ​പ​ഞ്ചാ​യ​ത്തി​ലെ നാ​ലാം വാ​ർ​ഡാ​യ കു​പ്പ​മു​ടി, ബ​ത്തേ​രി ന​ഗ​ര​സ​ഭ​യി​ലെ ക​ര​ടി​മൂ​ല, പൂ​തി​ക്കാ​ട് തു​ട​ങ്ങി​യ വി​വി​ധ പ്ര​ദേ​ശ​ങ്ങ​ളി​ലാ​യാ​ണ് വ​ന്യ​മൃ​ഗ​ങ്ങ​ളു​ടെ ഭീ​തി നി​ല​നി​ൽ​ക്കു​ന്ന​ത്.

പ്ര​ദേ​ശ​ത്തെ ഏ​ഴു വ​ള​ർ​ത്തു​നാ​യ്ക്ക​ൾ, അ​ഞ്ച് ആ​ടു​ക​ൾ, ര​ണ്ടു പ​ശു​ക്ക​ൾ തു​ട​ങ്ങി​യ​വ​യെ ക​ടു​വ​യും പു​ലി​യും കൊ​ന്നു തി​ന്നു. ആ​ക്ര​മ​ണ​ത്തി​ൽ പ​രി​ക്കേ​റ്റ നാ​ല് ആ​ടു​ക​ളും ച​ത്തു. പൊ​ൻ​മു​ടി​ക്കോ​ട്ട​യി​ൽ​നി​ന്ന് 15 കി​ലോ​മീ​റ്റ​ർ അ​ക​ലെ​യാ​ണ് കു​പ്പാ​ടി വ​ന​മേ​ഖ​ല.

വ​ന​മേ​ഖ​ല​യ​ല്ലാ​ത്ത പ്ര​ദേ​ശ​ത്ത് വ​ന്യ​മൃ​ഗ​ങ്ങ​ൾ താ​വ​ള​മാ​ക്കി​യ​തോ​ടെ കൂ​ലി​പ്പണി​ക്കാ​രും ക്ഷീ​ര​ക​ർ​ഷ​ക​രും ഉ​ൾ​പ്പെ​ടെ​യു​ള്ള പ്ര​ദേ​ശ​വാ​സി​ക​ളാ​ണ് ദു​രി​ത​ത്തി​ലാ​യത്. ഇ​തി​നാ​ൽ ത​ന്നെ പാ​ൽ കൊ​ടു​ക്കാ​നും കൂ​ലി​പ​ണി​ക്ക് പോ​കാ​നും പോ​ലും ക​ഴി​യാ​ത്ത അ​വ​സ്ഥ​യാ​ണു​ള്ള​ത്.

നി​ല​വി​ൽ വി​വി​ധ​യി​ട​ങ്ങ​ളി​ലാ​യി എ​ട്ടു കാ​മ​റ​ക​ളാ​ണ് സ്ഥാ​പി​ച്ചി​ട്ടു​ള്ള​ത്. വെ​ള്ളി​യാ​ഴ്ച ആ​ർ.​ആ​ർ.​ടി സം​ഘ​മു​ൾ​പ്പെടെ സം​ഘം പ്ര​ദേ​ശ​ത്ത് വ്യാ​പ​ക​മാ​യ തിര​ച്ചി​ൽ ആ​രം​ഭി​ച്ചി​ട്ടു​ണ്ട്.

നി​ല​വി​ൽ കു​പ്പ​മു​ടി എ​സ്റ്റേ​റ്റ് മേ​ലെ ബം​ഗ്ലാ​വി​ന് സ​മീ​പം ഒ​രു കൂ​ടും പൊ​ൻ​മു​ടി​ക്കോ​ട്ട ക്ഷേ​ത്ര​ത്തി​ന് സ​മീ​പ​മാ​യി ഒ​രു കൂ​ടു​മാ​ണ് സ്ഥാ​പി​ച്ചി​ട്ടു​ള്ള​ത്. മൂ​ന്നു കൂ​ടു​ക​ൾ കൂ​ടി എ​ത്തി​ച്ച് ക​ടു​വ പി​ടി​യി​ലാ​കാ​ൻ സാ​ധ്യ​ത​യു​ള്ള സ്ഥ​ല​ങ്ങ​ളി​ൽ കൂ​ടി സ്ഥാ​പി​ക്ക​ണ​മെ​ന്നാ​ണ് ക​ർ​മ സ​മി​തി​യു​ടെ ആ​വ​ശ്യം.