സൂര്യകാന്തി ശോഭയിൽ വയനാട് ജില്ലയിലെ പാടങ്ങൾ

ക​ൽ​പ​റ്റ: മു​മ്പ് സൂ​ര്യ​കാ​ന്തി പാ​ട​ങ്ങ​ൾ കാ​ണാ​ൻ വ​യ​നാ​ട് അ​തി​ർ​ത്തി ക​ഴി​ഞ്ഞു​ള്ള ക​ർ​ണാ​ട​ക​യി​ലെ ഗു​ണ്ട​ൽ​പേ​ട്ടി​ലേ​ക്ക് പോ​ക​ണം. എ​ന്നാ​ൽ, ഇ​ന്ന് ഫാം ​ടൂ​റി​സ​ത്തി​ന്‍റെ വ​ലി​യ സാ​ധ്യ​ത​ക​ൾ തു​റ​ന്നി​ട്ടു​കൊ​ണ്ട് വ​യ​നാ​ട്ടി​ലെ പാ​ട​ങ്ങ​ളും സൂ​ര്യ​കാ​ന്തി ശോ​ഭ​യി​ൽ മ​ഞ്ഞ​യി​ൽ കു​ളി​ച്ചു​നി​ൽ​ക്കു​ക​യാ​ണ്.

മു​ൻ വ​ർ​ഷ​ങ്ങ​ളി​ലും ചി​ല​യി​ട​ങ്ങ​ളി​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ സൂ​ര്യ​കാ​ന്തി കൃ​ഷി​യി​റ​ക്കി​യി​രു​ന്നെ​ങ്കി​ലും ഇ​ത്ത​വ​ണ കൂ​ടു​ത​ൽ സ്ഥ​ല​ങ്ങ​ളി​ൽ വ​ലി​യ രീ​തി​യി​ൽ ത​ന്നെ സൂ​ര്യ​കാ​ന്തി കൃ​ഷി വി​ജ​യി​പ്പി​ച്ചി​രി​ക്കു​ക​യാ​ണ് ക​ർ​ഷ​ക​ർ. കൃ​ഷി​വ​കു​പ്പി​ന്‍റെ ആ​ത്മ പ്ര​ദ​ർ​ശ​ന​ത്തോ​ട്ടം പ​ദ്ധ​തി​യു​ടെ ഭാ​ഗ​മാ​യി ജി​ല്ല​യി​ലെ അ​ഞ്ചു പ​ഞ്ചാ​യ​ത്തു​ക​ളി​ലെ വി​വി​ധ ക​ർ​ഷ​ക​രു​ടെ പാ​ട​ങ്ങ​ളി​ലാ​ണ് സൂ​ര്യ​കാ​ന്തി വി​ത്തു​പാ​കി​യ​ത്.

ക​ഴി​ഞ്ഞ ഒ​രാ​ഴ്ച​യാ​യി ജി​ല്ല​യി​ലെ വി​വി​ധ​യി​ട​ങ്ങ​ളി​ലെ സൂ​ര്യ​കാ​ന്തി പാ​ട​ങ്ങ​ളു​ടെ ചി​ത്ര​ങ്ങ​ളും വി​ഡി​യോ​ക​ളും സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ക്കു​ക​യാ​ണ്. ജി​ല്ല​യി​ൽ ഫാം ​ടൂ​റി​സ​ത്തി​ന്‍റെ സാ​ധ്യ​ത വ​ർ​ധി​പ്പി​ക്കു​ന്ന​തി​നൊ​പ്പം ത​ന്നെ ക​ർ​ഷ​ക​ർ​ക്ക് പു​തി​യൊ​രു വ​രു​മാ​ന മാ​ർ​ഗം കൂ​ടി​യാ​ണ് സൂ​ര്യ​കാ​ന്തി കൃ​ഷി.

നൂ​ൽ​പ്പു​ഴ, നെ​ന്മേ​നി, പൊ​ഴു​ത​ന, വെ​ങ്ങ​പ്പ​ള്ളി, മു​ട്ടി​ൽ പ​ഞ്ചാ​യ​ത്തു​ക​ളി​ലാ​ണ് കൃ​ഷി​വ​കു​പ്പി​ന്‍റെ ആ​ത്മ​യു​ടെ ഭാ​ഗ​മാ​യി പ്ര​ദ​ർ​ശ​ന​ത്തോ​ട്ടം പ​ദ്ധ​തി​യി​ൽ ഉ​ൾ​പ്പെ​ടു​ത്തി പ്ര​ത്യേ​ക ധ​ന​സ​ഹാ​യ​ത്തോ​ടെ സൂ​ര്യ​കാ​ന്തി കൃ​ഷി​യി​റ​ക്കി​യ​ത്. ഫെ​ബ്രു​വ​രി​യി​ലാ​ണ് സൂ​ര്യ​കാ​ന്തി​യു​ടെ വി​ത്ത് പാ​കി​യ​ത്.

ഏ​പ്രി​ൽ ആ​ദ്യ വാ​രം മു​ത​ൽ ത​ന്നെ എ​ല്ലാ​യി​ട​ത്തും ന​ല്ല​രീ​തി​യി​ൽ സൂ​ര്യ​കാ​ന്തി പൂ​ക്ക​ൾ വി​രി​ഞ്ഞു തു​ട​ങ്ങി. ഇ​തോ​ടെ പ​ല​സ്ഥ​ല​ത്തും സ​ഞ്ചാ​രി​ക​ളു​ടെ ഒ​ഴു​ക്കാ​യി. മു​മ്പ് ചെ​റി​യ രീ​തി​യി​ൽ സൂ​ര്യ​കാ​ന്തി കൃ​ഷി പ​രീ​ക്ഷ​ണാ​ടി​സ്ഥാ​ന​ത്തി​ൽ ന​ട​ത്തി​യി​ട്ടു​ണ്ടെ​ങ്കി​ലും ഇ​ത്ത​വ​ണ് കൂ​ടു​ത​ൽ സ്ഥ​ല​ത്ത് വി​ജ​യ​ക​ര​മാ​യി കൃ​ഷി ചെ​യ്യു​ന്ന​തെ​ന്ന് മു​ട്ടി​ൽ കൃ​ഷി ഓ​ഫി​സ​ർ ശ്രീ​കാ​ന്ത് പ​റ​ഞ്ഞു.

ഫാം ​ടൂ​റി​സ​ത്തി​ന്‍റെ സാ​ധ്യ​ത മു​ന്നി​ൽ ക​ണ്ട​ല്ല കൃ​ഷി​യി​റ​ക്കി​യ​തെ​ങ്കി​ലും ഇ​പ്പോ​ൾ അ​ത് ക​ർ​ഷ​ക​ർ​ക്ക് ഒ​രു വ​രു​മാ​നം കൂ​ടി​യാ​യി മാ​റി​യ​ത് ന​ല്ല കാ​ര്യ​മാ​ണ്. സൂ​ര്യ​കാ​ന്തി​യു​ടെ എ​ണ്ണ ഫി​ൽ​ട്ട​ർ ചെ​യ്തെ​ടു​ക്കാ​നു​ള്ള സം​വി​ധാ​നം ജി​ല്ല​യി​ൽ ഇ​ല്ല. എ​ങ്കി​ലും സൂ​ര്യ​കാ​ന്തി​യു​ടെ ഉ​ണ​ങ്ങി​യ വി​ത്തു​ക​ൾ കി​ലോ​ക്ക് 80 രൂ​പ മു​ത​ൽ 120 രൂ​പ​ക്ക് എ​ടു​ക്കാ​ൻ ആ​ളു​ക​ളു​ണ്ട്. ഇ​ത്ത​ര​ത്തി​ൽ വി​ത്തു​ക​ൾ വി​റ്റു​കൊ​ണ്ടും ക​ർ​ഷ​ക​ർ​ക്ക് വ​രു​മാ​ന​മു​ണ്ടാ​ക്ക​ാമെ​ന്നും അ​ദ്ദേ​ഹം പ​റ​ഞ്ഞു.

വ​രും വ​ർ​ഷ​ങ്ങ​ളി​ൽ കൂ​ടു​ത​ൽ സ്ഥ​ല​ങ്ങ​ളി​ൽ ഇ​ത്ത​ര​ത്തി​ൽ സൂ​ര്യ​കാ​ന്തി കൃ​ഷി ചെ​യ്യു​ന്ന​ത് ഗു​ണ​ക​ര​മാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ശ്രീ​കാ​ന്ത് പ​റ​ഞ്ഞു. അ​ഞ്ചു പ​ഞ്ചാ​യ​ത്തു​ക​ളി​ലും വി​വി​ധ​യി​ട​ങ്ങ​ളി​ലാ​യാ​ണ് സൂ​ര്യ​കാ​ന്തി കൃ​ഷി ചെ​യ്തി​രി​ക്കു​ന്ന​ത്. ചീ​രാ​ലി​ലും പിണങ്ങോട്ടും കാ​ക്ക​വ​യ​ലി​ലു​മെ​ല്ലാം സൂ​ര്യ​കാ​ന്തി പാ​ട​ങ്ങ​ൾ കാ​ണാ​ൻ നി​ര​വ​ധി പേ​രാ​ണ് ഓ​രോ ദി​വ​സ​വും എ​ത്തു​ന്ന​ത്.

മ​ഞ്ഞ​യ​ണി​ഞ്ഞ പൂ​പ്പാ​ടം കാ​ണാ​ൻ തി​ര​ക്ക്

പൊ​ഴു​ത​ന/​കാ​ക്ക​വ​യ​ൽ: സൂ​ര്യ​കാ​ന്തി പൂ​ക്ക​ൾ​ക്കൊ​പ്പം ഫോ​ട്ടോ​യെ​ടു​ക്കാ​നും റീ​ൽ​സെ​ടു​ക്കാ​നു​മെ​ല്ലാം പൂ​പാ​ട​ത്തേ​ക്ക് ആ​ളു​ക​ൾ ഒ​ഴു​കി​യെ​ത്തു​ക​യാ​ണ്. ദേ​ശീ​യ​പാ​ത 766ൽ ​കാ​ക്ക​വ​യ​ലി​നും വാ​ര്യാ​ടി​നും ഇ​ട​യി​ലു​ള്ള മൂ​ന്നേ​ക്ക​ർ വ​യ​ലി​ലാ​ണ് സൂ​ര്യ​കാ​ന്തി പൂ​ക്ക​ൾ വി​രി​ഞ്ഞു​നി​ൽ​ക്കു​ന്ന​ത്.

ദേ​ശീ​യ​പാ​ത​യാ​യ​തി​നാ​ൽ ത​ന്നെ ഇ​വി​ടെ ഓ​രോ ദി​വ​സ​വും നൂ​റു​ക​ണ​ക്കി​നു​പേ​രാ​ണ് വാ​ഹ​ന​ങ്ങ​ൾ നി​ർ​ത്തി സൂ​ര്യ​കാ​ന്തി പൂ​ക്ക​ൾ കാ​ണാ​നി​റ​ങ്ങു​ന്ന​ത്. മു​ട്ടി​ൽ ഗ്രാ​മ​പ​ഞ്ചാ​യ​ത്ത് കൃ​ഷി ഭ​വ​ന്‍റെ നേ​തൃ​ത്വ​ത്തി​ൽ ര​വീ​ന്ദ്ര​ൻ, ഡോ. ​ബൈ​ജു എ​ന്നി​വ​രു​ടെ ഉ​ട​മ​സ്ഥ​ത​യി​ലു​ള്ള സ്ഥ​ല​ത്ത് മാ​നി​കാ​വ് സ്വ​ദേ​ശി​ക​ളാ​യ ബേ​ബി​യും പ്ര​ഭാ​ക​ര​നും സു​ഹൃ​ത്തു​ക്ക​ളും ചേ​ർ​ന്നാ​ണ് നെ​ൽ​കൃ​ഷി​ക്കു​ശേ​ഷം വ​യ​ൽ വെ​റു​തെ​യി​ടാ​തെ സൂ​ര്യ​കാ​ന്തി കൃ​ഷി​യി​റ​ക്കി​യ​ത്.

മു​ട്ടി​ൽ ഗ്രാ​മ​പ​ഞ്ചാ​യ​ത്തി​ലെ കൃ​ഷി​ഭ​വ​ന്‍റെ നേ​തൃ​ത്വ​ത്തി​ൽ അ​മ്പ​ല​വ​യ​ൽ കൃ​ഷി വി​ജ്ഞാ​ൻ കേ​ന്ദ്ര​യി​ൽ​നി​ന്നും കൃ​ഷി​ഭ​വ​ൻ മു​ഖേ​ന​യാ​ണ് സൂ​ര്യ​കാ​ന്തി വി​ത്ത് ല​ഭ്യ​മാ​ക്കി​യ​ത്. സ്ഥ​ലം ഒ​രു​ക്ക​ലും അ​നു​ബ​ന്ധ​ചെ​ല​വു​ക​ൾ​ക്കാ​യി മു​ട്ടി​ൽ കൃ​ഷി​ഭ​വ​നി​ൽ നി​ന്നും ആ​ത്മ​യു​ടെ ഭാ​ഗ​മാ​യി പ്ര​ദ​ർശ​ന​ത്തോ​ട്ടം പ​ദ്ധ​തി​യി​ൽ ഉ​ൾ​പ്പെ​ടു​ത്തി ധ​ന​സ​ഹാ​യ​വും ന​ൽ​കി.

പ്ര​തി​കൂ​ല കാ​ലാ​വ​സ്ഥ​യി​ൽ കു​റ​ച്ച് വി​ത്തു​ക​ൾ മു​ള​ക്കാ​തെ പോ​യെ​ങ്കി​ലും പ്ര​തീ​ക്ഷി​ച്ച​തി​ലും ന​ന്നാ​യി സൂ​ര്യ​കാ​ന്തി പൂ​ക്ക​ൾ വി​രി​ഞ്ഞു. സൂ​ര്യ​കാ​ന്തി​യു​ടെ ഉ​ണ​ങ്ങി​യ വി​ത്തു​ക​ൾ കി​ലോ​ക്ക് 80 രൂ​പ​ക്ക് എ​ടു​ക്കാ​ൻ ആ​ളു​ക​ൾ ത​യാ​റാ​യി​ട്ടു​ണ്ട്.

പൊ​ഴു​ത​ന​ പഞ്ചായത്തിൽ പി​ണ​ങ്ങോ​ട് മു​ക്ക്- ഇ​ടി​യം​വ​യ​ൽ റോ​ഡി​ലൂ​ടെ​യു​ള്ള യാ​ത്ര​യി​ലാ​ണ് മ​ഞ്ഞ​യ​ണി​ഞ്ഞ പൂ​പ്പാ​ടം .പൊ​ഴു​ത​ന സ്വ​ദേ​ശി​യാ​യ സേ​തു​മാ​ധ​വ​നാ​ണ് ഗു​ണ്ട​ല്‍പ്പേ​ട്ടി​ലെ പൂ​പ്പാ​ട​ങ്ങ​ളോ​ട് കി​ട​പി​ടി​ക്കു​ന്ന രീ​തി​യി​ല്‍ ഇ​വി​ടെ​യും സൂ​ര്യ​കാ​ന്തി കൃ​ഷി​യി​റ​ക്കി​യ​ത്.

6000 ഹൈ​ബ്രി​ഡ് സൂ​ര്യ​കാ​ന്തി വി​ത്തു​ക​ൾ ത​മി​ഴ്നാ​ട്ടി​ൽ​നി​ന്നും ജി​ല്ല​യി​ലെ ആ​ത്മ ക​ർ​ഷ​ക സം​ഘം വ​ഴി​യെ​ത്തി​ച്ചാ​ണ് ര​ണ്ടേ​ക്ക​റോ​ളം പാ​ട​ത്ത് വി​ത​ച്ച​ത്. സൂ​ര്യ​കാ​ന്തി​ക​ൾ വി​ള​ഞ്ഞു നി​ൽ​ക്കു​ന്ന​ത് കേ​ട്ട​റി​ഞ്ഞ് സ​മീ​പ​നാ​ടു​ക​ളി​ൽ നി​ന്നും മ​റ്റും നി​ര​വ​ധി പേ​ർ ഇ​പ്പോ​ൾ ഇ​വി​ടേ​ക്ക് എ​ത്തു​ന്നു​ണ്ട്. പൊ​ഴു​ത​ന ഗ്രാ​മ​പ​ഞ്ചാ​യ​ത്ത്‌ കൃ​ഷി​ഭ​വ​ന്റെ സ​ഹാ​യ​ത്തോ​ടെ​യാ​ണ് സേ​തു​മാ​ധ​വ​ൻ കൃ​ഷി ചെ​യ്ത​ത്.